السلام عليكم
البارت التاسع من مذكرات متهم
كتلكم صار عدنه حدث بلبيت جبير وهل شي مصاير عدنه قبل الطفل الجبير كايل لوحده من البنات تعالي ننزع ملابسنه ونسوي اني وياج شغلات يعني غير اخلاقيه والبنت اجت خايفه وكلت لزوجتي وزوجتي اجت كلتلي صحت الطفل وسالته هماتين جذب وكام يبجي كلت ابكلبي اليوم اخليك اطلع الحجي الظامه كله لزمته كتله زينه وكتله سولفلي
كال بابا اسولفلك بس اخاف لو انته تموتني لو خوالي يموتوني كتله لتخاف اني مااكتلك بس سولفلي الصدك ولتضم عليه ولجذب
وخوالك يخافون يجون لبيتنه كلي مو همه كلولي اذا تروح وتحجي لعمامك نجيك ونكتلك ونموتك
كتله احجي منو علمك هيج شغلات سخيفه ومنو علمك اطلع افلام سخيفه بلموبايل
كال خوالي همه علموني كتله شلون سولفلي
كلي ايصيحوني ويدخلوني بلغرفه ويشغلون الموبايل ويطلعون افلام سخيفه ويكلولي انزع ملابسك خلي نسوي مثلهم ومن مااقبل ايشدون ايديه وحلكي ويكتلوني ويسووون وياي شغلات اكوم ابجي واتاذه ويطلع مني دم مرات يعني الاطفال جانو يتعرظون لاغتصاب متكرر
كتله وجم مره مسويلك هيج كال هوايه ومو بس اني حتى اخويه واختي والله بابا اني مااجذب عليك وهمه كلولي اذا تروح وتسولف لعمامك نجي نموتك كتله امك تعرف كال اي تعرف كتله شلون تعرف كال من يسولي واتاذه واروح ابجي واكولهه تكلي نجب واسكت ولتحجي باجر اجيبلك علاج واطيب وراح اكلهم ميسولك بعد وكتله منو يعرف بعد كال بيبي تعرف كتله شلون عرفت كلي مو مرات يسولي بغرفتهه وهيه تشوفنه
يكول مره ظليت ابجي هوايه من الوجع ورحت لماما وكتلهه وماما كتلتني وكلتلي يطبك مرض اريد اوديك لعمامك عار وسكط حتى تشبعهم عار ومهانه وروح مني هسه وحترك ابوك بكبره
#يعني امهم لانه ملبينه طلباتهه وماخليناهه تبيع البيت وتاخذ الفلوس وماخليناهه تكعد بلبيت لوحدهه وبكيفهه تصرف تريد تنتقم من عدنه عن طريق الاطفال واني ذكرتلكم قبل الاطفال همه الضحيه الاولى صارو من قبل امهم ومتطلباتهه ونزوتهه وشهواتهه الشيطانيه
#ملاحظه سولفلي شغلات ممعقوله اي طفل يعرف هيج شغلات وتفاصيل دقيقه واي انسان اذا ممارس هيج امور ميعرفهه ابد والصراحه صعب اكتبهه انتم افهموهه
والله بذاك اليوم جانت صدمت عمري تمنيت اني ميت ولا سامع هل كلام استغفر الله ربي
كمت صحت الطفل الثاني واخذته على صفحه وهماتين سولفلي نفس الكلام الحجاه اخوه
عن خواله وشلون جانو يمارسون وياهم ويغتصبوهم
وخليت زوجتي تاخذ البنت بغرفه وحدهه وتحجي وياهه وتنطيهه الامان بكلشي يخص سلامتهه كامت البنت تسولف ونفس الكلام ونفس التفاصيل الشاذه الي جانت تصير ويه اخوانهه وخوالهه
هنا اني تذكرت ان الطفل الصغير مجان يصيطر على نفسه بل ادرار والخروج السبب الفعل والغتصاب وتذكرت لويش الاطباء كلهم جانو يباوعولي بنضره الاحتقار وكلولي هذا اهمال منكم وعلاجه مو يمنه وتذكرت الدكتوره من طردتنه من المستشفى والعياده اثاري الاطباء عارفين الطفل سبب النزف مالته من الاغتصاب ومتشكل عنده مجموعه امرض
والي عرفنه بعدين بفضل دكتور شريف وانسان راقي هوه الي قام بعلاجه كالي الطفل صاير عنده توسع بلمخرج وانحراف بلمستقيم وتقرح بلمستقيم والقالون وهذا ياخذ وقت طويل بلعلاج يرادله علاج مزمن ومتابعه ياله يتشافه
اتصلت باخواني خلف ونظير واختي صبريه وكتلهم تعالو اسمعو بذانكم وشوفو بعينكم
اجوي وكعدو يمي وخليت الطفل يسوالف الهم كلشي الي حجالياه نظير نصدم ومحجه وخلف تخربط من الصدمه والكلام الي سمعه
بقيت عيني متاخذ نوم لا ليل ولا نهار وكتلني التفكير وشسوي وشلون اتصرف وكلشي الي يجي ابالكم والي ميجي فكرت بيه وحسبت الف حساب
وصفنت على حياتنه وين وصلتنه من مشاكل وهموم وقهر وشهيره وعار واحنه الي جنه النه سمعتنه واحترامنه بلعشيره وبين الناس والمنطقه والمنو تكدر تشير وتسولف ومنو الي راح يحفض سرك وميسولفه لو ميعيرك باجر عكبه
اتصلت بعمي واجاني وكتله ليش منروح لجبير عشيرتهه ونكله نطيكم حصت بتكم وفلوس فوكاهن وصقطو الدعوه وعوفو الاطفال يمنه كلي ليش هل تنازل منك كتله عمي خلي نشتري اطفالنه بفلوس احسن ونسد باب الشر ليش باجر يصير كاتل ومكتول بيناتنه كال ماشي
هنا اني جان قصدي استر على الموضوع كله وكلت ليش باجر عكبه جرجرت محاكم والاطفال ينفضحون ويصير بيهم عار طول عمرهم
ورحنه عمامي وساده ويانه وناس خيره ولكينه ابوهه واخوتهه وعمامهه كاعدين وسولف عمي وكلهم انتم شمرتو الاطفال واحنه اخذناهم ليش ترحون تسون علينه دعوه خطف عيب وهايه تصير وراهه مشاكل جبيره
جبير عشيرتهم كال والله مااعرف مسوين عليكم دعوه
كناله هسه عرفت شنو الحل مالك كال بكيفكم الي تردونه يصير
كناله نطيك حصت بتكم بلقانون ونطيكم فوكاهه 15مليون وصقطو الدعوه مالتكم وانطونه الجهال والجهال جهالنه هنا صاح ابوهه الجهال ناخذهم ولو تنطوني مليار مااقبل واخذهم بلقانون وكعدنه يمكن ساعه وموصلنه الحل ابد وقبل لنكوم نطلع كتله شلوف اليوم ركبتي بيدك وتصيح ومتحترم بس ياويلك لو صارت ركبتك بيدي لو ينزل نبي مارحمك وتذكر كلامي
عرفت اني بوكتهه وتاكده ان همه عرفو احنه عرفنه الجهال مغتصبين وسوو علينه دعوه باطله وجذب حتى ياخذون الاطفال ويغطون على فعلتهم ومنسوي احنه عليهم دعوه بخصوص الاغتصاب
أنت تقرأ
مذكرات متهم
Misterio / Suspensoالسلام عليكم #مذكرات متهم. رجل اتهم بلجرم لمده ١٩سنه ولا اعرف السبب او الذنب الذي فعلته احداث حقيقيه حدثت لعائله عراقيه في وقت غابت الثقه فيه او قد تكون معدومه بينهم الصفحه لنشر احداث حقيقيه لانسان بلغ من العمر ٤١سنه وهذا السنين التي مرت وتفانت...
