مذكرات متهم

اخر الاحداث

السلام عليكم الي راح اكتبهه مااعرف شنو اسميه بارت لو شنو والله مااله وصف
المهم راح اسميهه احداث الي قبل اسبوع او بارت 15من مذكرات متهم
صدر امر قبض بحق المتهمين ال 4وفق الماده القانونيه 393 طبعن ماده خطره حيل حكمهه من موابد وفوك يعني ماكو رحمه ابد
وره صدور الحكم كتلكم ظليت اشعر اكو تخاذل من المركز والقاضي بلقضيه
واكو برود وجنت احاول انقل القضيه لغير مركز وغير قاضي بس محصلت موافقه ابد واخير شي جان جواب القاضي اليه بل طلب الي قدمته اله بخصوص النقل#روح نكعه واشرب ميه
وره كم يوم رحت للمركز ودخلت للظابط وكتله خلي انفذ امر القبض كام كل يوم ينطي اعذار واخر عذر جان القاضي مجاز ويداوم الاحد كتله ماشي اجيك الاحد
واجه الاحد ورحت للمركز حتى انفذ اوامر القبض على المتهمين وسالت على الظابط اشو ماكو كالو الظابط مجاز سبوعين الاجازه السنويه وهوه ظابط الدعوه وهوه الي لازم يطلع وياك بهيج امر لازم تنتضره تخلص اجازته ويداوم وتجي عليه ويطلع وياك كتلهم ماشي
بقيت متابع القضيه بل اسبوع مرتين اروح عليهم وحتى اتصل بيهم اتصال على المركز واشوف اكو شي جديد لو لا
البارحه جنت كاعد يم عمامي وسويت اتصال للمركز وتفاجائت بلي سمعته منهم
كالولي المتهمين ال 4اجوي 3منهم سلمو نفسهم للمركز بليل وثاني يوم وديناهم للقاضي والقاضي طلعهم برائه وغلق الدعوه لعدم ثبوت الادله عليهم
صدك اني نجنيت كلش من الي صار وشلون صار وشنو طلعو برائه وشنو ادله ماكو عليهم
راح اشرحلكم بنقاط
1من ضمن الادله تقارير حوالي 5اصوليه ومصدقات من لجان المستشفى وصور للحاله المرضيه وشهاده الاطباء وشهاده الاطفال بان الاطفال متعرضين الى اغتصاب هذا مو دليل كافي وكل هذا افاده ام الاطفال الكذب والمتناقضه كل مره تنطي اعتراف كذب 5مرات متتاليه يعني خمس اعتراف تختلف عن بعض هذا مو دليل هماتين
2مرض الاطفال المزمن والنزيف وتدهور حالتهم الصحيه لليوم جاي ياخذون علاج ومراجعات بمستشفيات حكوميه وعدهم اظابير وطبلات خاصه بيهم هذا مو دليل
3اجو عمام المتهمين واعترفو بلفعله مالت ولدهم واخذو عطوه ذنب هذا مو دليل
4الاهم شي قاضي التحقيق مااله صلاحيه يفرج عن المتهمين صلاحيته يحقق وياهم ويحيلهم لمحكمه الجنايات هيه الي تقرر ابرياء لو لا والاهم من هذا المتهم الرابع ممسلم نفسه شلون ينطي غلق قضيه ومتهم محاظر
5اول مره اشوف بلعراق متهم بنفس اليوم يطلع برائه ويطلقون صراحه على تهمه حكمهه موابد

يعني القاضي كل هايه الادله الي يمه بلدعوه والدعوه صارلهه سنتين تحقيق يطلعهم برائه بنص ساعه شنو احنه بلعراق لو بدول الغرب
اشو اني بقيت متهم لمده سنه ونص بدعوه كيديه ونشلع كلب كلبي ياله كدرت اثبت برائتي من التهمه
الي عرفته امور العراق ماتمشي بلحق والعدل لا تمشي بلي يدفع فلوس اكثر المتهم مهما كان حكمه يدفع اكثر يسوونه نبي معصوم وكل ذنب وجريمه ماعنده
الصراحه فكري مشوش ومااعرف شنو اتصرف مع الاسف عداله ماعدنه بلعراق وحق الطفل اليتيم ظايع ويبقى النه بس رب الكريم ندعي ان ينصرنه ويضهر الحق

طبعن اعتذر على التاخير عن الكتابه لسببين الاول جانت الصفحه والفيس متوقفات والبارحه كدرت ارجعهن مااعرف بلاغات عليهن لو شنو مااعرف
والسبب الثاني الصراحه احداث حصلت هوايه واحداث متسر الخاطر وجنت مشغول بيهن حيل ومكدرت اكتب شي لانه تفكيري مشوش حيل والله ومااعرف منين اتلكاهه
وكل هذا وجاي اراجع مستشفى بزوجتي لانه حالتهه الصحيه مو تمام والاتعس من هذا كله اخواني الي همه المفروض سند اليه تركو قضيت الاطفال وتبرو من عدهم ومني وكالو احنه ماعلينه اي شغل بيكم انته تتحمل كل المسوليه كامله وبعد لدخلنه بكلشي

اشكركم كلكم حبايبي ومتابعيني الي سال عليه بلعام او الخاص وكل انسان دعالي بلموفقيه وكسب القضيه احب اكلكم ربي يوفقكم ويحفظكم انتم سندي وانتم الي تنطوني القوه والصبر ربي يوفقكم
واحب اكول كل انسان جرحني بكلمه بتعليق لو يكتب لويش متنشر ترى ملينه من تاخيرك
احب اكولك صدكني ضروفي صعبه والله ليخليك مكاني وتشوف الضلم بعينك صدكني متتحمل وتبزع من اول يوم ومتصبر

لاتنسوني من دعواتكم ربي يوفقكم

انتضرونه بلجديد يارب تكون اخبار مفرحه مثل جمعتكم وكلمتكم الحلوه
مذكرات متهم

2022/5/31
اعتذر البارت صغير بس صدكوني نفسيتي تعبانه حيل وهذا الي كدرت اكتبه بس