مذكرات متهم

#البارت الثاني
اتوفه أخويه مظلوم وانجمعو الاهل والاقارب وتمت كل الامور من ناحيه التغسيل والدفن والعزاء للعلم احنه نظامنه عشائري بهيج امور وحدثت اهوايه امور بايام الفاتحه اذكرهه بعدين من يجي وكتهه خلص ثالث يوم الفاتحه واني صحتي جدا تعبانه حيل وكان سبب وفاته غريب وعجيب وجانت بي هوايه علامات على انو وفاته امر مو طبيعي مثلا انتفاخ جسمه قبل الموت والنزيف الي حصل عنده قبل الموت بدقاىق وتسليم نفسه للموت وجزعه من الحياه والعيش والهم الي جان بداخله شنو سببه تساولات هوايه وماكو اجوبه.............؟؟؟
ولفت انتباهي عده اشياء وقضايه ومن ضمنهه شكوك بسبب موته المفاجئ وصار عندي اكثر من متهم ومتهمه منو الي اله ايد بوفاة مضلوم وهل وفاته امر طبيعي ام بفعل فاعل

من وفاته باول يوم ام زوجه مظلوم كامت تجي هوايه وتبات رغم بيتهم قريب بس الي لفت نتباهي تاخذ بتهه وتسولف بسكوت ويطولن هوايه ووظعيتهن مظطربه وبالعاميه جمعتهن مو رحمانيه
المهم يمكن خامس يوم تذكرت ان هوه كالي كبل لايموت كاتب مذكرات ومخليهن بكنتوره وذاكر سبب همه وموته
جنه كاعدين اني وامي وخلف واختي هند وكلت الهند روحي للغرفه مالت مظلوم تلكين بكنتوره دفتر جيبيلياه لانه زوجته بالغرفه وعيب اني اروح اجيبه كالت ماشي وصعده هندللغرفه وخلف كلي الدفتر شنو بيه كتله المرحوم كاتب مذكرات وسبب همه وموته وبتعاده عن زوجته بهل اثاء اختي هند تاخرت هوايه صحت على زوجتي وكتلهه اصعدي شوفيهه ليش اتاخرت صعدت زوجتي شويه واجت كتله هاكالت تكول هند هسه اجي كتلهه شجاي تسوي كالت شفتهه تشك وتحرك بدفتر
صحت عليهه نزلت سالتهه وين الدفتر اريده ليش حركتيه كالت وماانسه احجايتهه ابد
#لدورون اخوكم شلون مات وليش وتصير كاتل ومكتول وتضيعون حياتكم بيكم خير عيشو اطفاله وربوهم تربيه زينه
صارت هوسه وصياح بوكتهه وصرت عصبي بس محصلت شي ابد والي عجبني كلهه صارت ضدي وكالولي عوف الموضوع والله يطلع الحقيقه هنا اني شكيت بلكل والكل اصبح متهم بنظري وسكتت بس شنو الدليل ماعرف ورجعت حجيت ويه نفسي كلت عوف الموضوع باتهام الكل هايه شكوك
خلص السابع وثامن يوم والعاشر وام زوجته بعدهه يمنه ونفس الكعده ونفس التبسبس بلكلام هيه وبتهه
جان بليل نجمعنه كتلهم زوجته بعدهه زغيره شنو راح تبقه عدنه لوتروح لهلهه وهنا نكلبت الدنيه كلهم صارو محامين الهه ولاموني شتريد منهه عوفهه خطيه تربي جهالهه كتلهم اني سالت سوال بس واني اشوف بوجهه زوجه المرحوم وامهه حجي ومشاكل ونيه مو صافيه صدكوني خلي ناخذ الاطفال وتروح لهلهه ونتكفه شرهه هيه وامهه ولا زمال حشاكم وافق وكتلهم لعد تلكؤ المشاكل
بقت عايشه ويانه بلبيت وسوينالهه مصرف الهه خاص وتكفلنه بل اطفال من كلشي وهنا بدت المشاكل هيه وامي وباقي الجناين وبلخصوص ويه زوجه خلف لانه كامت تذب نفسهه على خلف ذب ومرت خلف لسان ووكحه ومتستحي وبنيه فطنه بهيج امور وتحب زوجهه الهه وبس
وسمعت كلام بان امي كايلتلهه راح ازوجج واحد من الولد وابقي يمنه
رجعت من الشغل ودزيت عليهه كتلهه تعالي احجيلج وبصراحه اني جمعت اخواني وسالتهم منو يتزوجج وجان ردهم الرفض وكالو مانتقبل نتزوجهه ابد واحنه كلنه متزوجين مابينه اعزب وهيج زواج النفسيه ترفظه
فاانتي بعدج زغيره ونصيحتي تزوجي وكملي حياتج والاطفال يمي اني اربيهم ترى اخاف امي كايلتلج واحد من اخوته يتزوجج ترى جذب واني سالتهم محد بينه يريدج  للزواج شوفي مستقبلج وتزوجي وتبقين اختنه وام الاطفال اي وكت تجين اهلا بيج
كالت لا ابقى على اطفالي اربيهم واني اعرف جذب وبعيونهه اشوف شر مضموم ومكر واعرفهه كلبه بت كلب
كتله ماشي لعد روحي كملي شغلج وفكري بلموضوع

صارت حياتنه عباره عن مشاكل يعني بليوم الف مشكله وعلى اتفه الاسباب وطارت البركه من البيت وطارت الحنيه الي ابينه وتغيرت هوايه وجوه يعني كمت من ادخل للبيت ولاكانه ذولي اهلي الي اعرفهم صارت مشاكلنه اني وخلف هوايه وبدون سبب وشد عداوه ويه زوجتي واطفالي عداوه وكرهه مشايفه عد انسان قبل وخلف كلي بعد زوجه المرحوم واطفاله ماالك علاقه بيهم ابد ولا تحاسبهه ولا تحجي وياهه عليك بس تنطي المصرف الي متفقين عليه وبس كتله اخويه شبيك شغيرك لك اني ربيتك وتعبت عليك ومعتبرك ابني مو اخويه وفضلتك على نفسي بكلشي شغيرك كلي شبيك ترى حجي النسوان يخرب وزوجت المرحوم حيه ملسه ودير بالك من عدهه راح تهجم البيت صدكني
هنا قررت اعوف البيت واطلع بغير بيت لانه الحياه صارت متنحمل ابد وياهم وكمت يوميه اطلع ادور بيت واريد بس اخلص وهنا سمع خلف بلموضوع وكلي ها تريد تطلع وتعوف الاطفال عليه وحدي كتله اريد اعوفلكم البيت كله وانته تكلفلت بيهم لو نسيت واذا على المصرف ادزه الكم كل شهر بس خلي نرتاح ونعيش مثل باقي الناس وبوكتهه صارت مشكلهه وهوسه جبيره
ثاني يوم رجعت واني فرحان ولكيت بيت ومن دخلت تلكاني خلف وكلي عندي موضوع وياك وهذا الموضوع يهمنه كلنه كعائله تعال نسولف

يتبع ببارت ثالث
مذكرات متهم 2022/4/30
ملاحظه الاحداث القادمه مهمه وقاسيه