السلام عليكم بارت 14من مذكرات متهم
متابعيني اعتذر عن الغيبه مالتي عنكم بس الضروف والمشاغل الي شغلتني عن الكتابه وعن الرد عليكم واشكر كل شخص سال عني وعن قصتي وقضيتي بلعام او بلخاص وكل اصدقائي ومتابعين واكولكم ربي يوفقكم
طبعا هاي الايام الي جاي امر بيهه عصيبه حيل لانه نهايه المحنه او المشكله او الدعوه الي اني قايمهه على ام الاطفال واخوانهه والدعوه حالين يم القضاء ومركز الشرطه وهمه متهمين بل اغتصاب بدرجه 100%والقضيه لابستهم ان شاء الله بس الامور الي متعبتني
وهيه اول شي صحتي وصحت عاىلتي بلنازل ومراجعات اطباء واحتمال عمليه
شي الثاني والاخطر ان همه اقصد الخصم جاي يتحركون على مركز الشرطه بلعلاقات والفلوس ومااعرف بشنو توصلو من حل بس اعرف الي همه يردونه يرون يطلعون براىه من الجريمه مالتهم والي فهمته انو ضابط التحقيق طاردهم وممنطيهم عين ابد للتفاهم
والشي الاهم جاي يتحركون عشائرين وياثرون على بعض الاشخاص من عمامي بحيث ان اتنازل على الدعوه ويصير الصلح يعني يردون انسه السنوات الي مرمروني بيهه وال خلوني بنضر الدوله مجرم ومتهم وخلوني بليوم احترك 100مره من قهري مااعرف هيج ناس ماتعرف الله سبحانه وتعالى ومتخاف من الاخره ومسامعه اكوحلال وحرام الي اعرفه همه عائله فاسدة زين الناس الي وياهم وتساعدهم شبيهم
والاخطر من هذا جاي يتحركون على بعض الاشخاص المقربين عليه وجاي يشترون ذمتهم بفلوس حتى يغيرون من قراراتي الي جاي اخذهه وبوسط كل هاي الضغوطات الي حولي الصراحه مبقيت اثق بلناس وبلمقربين عليه لانه الي جاي اشوفه بعض المقربين باعو ضميرهم وصداقتهم اليه
وشتراهم الخصم بكم فلس وابسط مثال امي واووووووف من امي
امي قبل كم يوم جايه للمنطقه مالتنه بس مااجتني للبيت مالتي رايحه لبيت صديق مقرب اليه وداخله عدهم بلبيت وعارفه بسلوبهه وكلامهه تعرف كل المعلومات عني من صديقي
كايلتله اني مقهوره على صبري خطيه وحده جاي يراجع المحكمه والمركز ومن اكله يمه محتاج شي او سولفلي مايسولف ويكلي اخاف عليج ومااريد اشركج بهمي #للمعلومات امي صارلي اكثر السنه ونص مشايفهه ابد ومتجينه للبيت ابد فا سائلته وين وصل بدعوه وعمامه منو واكف وياه وشنو راح يسوون من امور بل ايام الجايه
صديقي اني اعرفه ذكي وفطن بس مسولفلهه كلشي بلتفصيل الممل وماخذه منه المعلومات المهمه ورايحه
امي اني اعرفهه ويه الخصم مو وياي واعرف شنو السبب الي خلاهه تصير وياهم بس مااكدر اذكره هسه
امي تاخذ معلومات وتوصلهه للخصم مالتي وتساعدهم بكلشي مع الاسف
بس اكو شي مهم صديقي اعرفه ذكي ويعرف امي مو بصالحي لويش سولفلهه كلشي من معلومات ولويش ماكلي امك جانت يمنه بلبيت وسالتني عنك وعن القضيه
اني عرفت امي جايه وساله عن طريق شخص ثاني وبطريقتي الخاصه ها للعلم امي عمرهه اكثر من ال 70سنه
ومن سالت صديقي وكتله امي جانت عدكم تفاجا وكلي ها ها انته منو كلك اي جانت عدنه وراحت وجان رده برتباك
السوال الي سالته لنفسي صديقي لويش سولفلهه كلشي وليش مكلي امك اجت يمنه بلبيت وشنو السبب الي خلاه يسولفلهه واني اعرفه هوه ميثق بيهه ابد شنو دافعه وشنو الي راح يستفاده هوه
وعندي احد اصدقائي المقربين من كمت اشوفهه يسالني على الدعوه واني مااسولفله الامور المهمه ابد احجيله الي ينحجن والعاديات الي مبيهن خطوره بس هايه الفتره من سمع الخصم ماخذ عطوه من يمنه كام هوايه يسال شنو اتفقت انته وعمامك وشراح تسوون ويكلي عوف الدعوه وتنازل مادام الاطفال يمك وحتى فصل لتاخذ عوفهم همه والله واني من كثرت الاسئله مالته صار عندي شكوك بامره وكلت شنو هم وصلوله وكدرو ياثرون عليه ويكون بصالحههم حتى اخويه نضير الي جان مختفي هماتين سالني على المستجدات وشنو راح اسوي بل ايام الجايه يعني كمت اعرف اكو بعض الناس الحولي وحوش بهيات بشر ويبيعون ضميرهم وشرفهم مقابيل كلشي
اني بطبعي الي اشك بامره وبولائه اليه واشك انه بايع ضميره استخدم وياه اسلوب الاثول والمطفي حتى من هوه يستهين بيه اكوم اني اخذ منه معلومات بدون ميعرف وشي ثاني انطيه معلومات خطا حتى من يوصلهه للخصم الخصم تفكيره وتصرفه ينحرف على شي ثاني وميعرفني شجاي اسوي وشنو جاي اتصرف
بس اكول مع الاسف على الناس الي باعت ضميرهه وشرفهه ونصيحه اخواني مثل هيج ناس احذرو منهم وتلكونهم حولكم هوايه
على كولت ابو المثل تلكاه بل وجه امرايه وبل كفه سلايه ونصيحتي لتثقون باانسان ثقه عمياء ابد
المهم #هوايه هل ايام حدثت امور بلمحكمه وبلمركز وبل ايام الجايه احجيهه الكم
اعرف اني مقصر وياكم بلبارتات بس والله مشاغل وضروف الي متخليني اكتب
انتم اعز الناس الي عندي انتم الي واسيتوني وسمعتوني كلام حلو ودعيتولي بلخير والفرج وانتم الي زلتو الهم الي بصدري وانتم الي خليتو عندي اصرار اكمل كلشي الي بديته من دعوه ومحكمه ربي يوفقكم ولتنسونه من دعاكم
انتضروني ببارت جديد 15من مذكرات متهم
2022/5/19
أنت تقرأ
مذكرات متهم
Bí ẩn / Giật gânالسلام عليكم #مذكرات متهم. رجل اتهم بلجرم لمده ١٩سنه ولا اعرف السبب او الذنب الذي فعلته احداث حقيقيه حدثت لعائله عراقيه في وقت غابت الثقه فيه او قد تكون معدومه بينهم الصفحه لنشر احداث حقيقيه لانسان بلغ من العمر ٤١سنه وهذا السنين التي مرت وتفانت...
