_انتَ إزاي ليك عين تسألني انا بعاملك كده ليه ؟…انتَ ليه مش متخيل حجم اللي انت عملته؟… انت كسرت قلبي!، قلبي اللي سلمته ليك و امنْتَك عليه، فتفته ١٠٠ حتة ، ضربت بحبي ليك عرض الحيطة، كل وعودك كانت كدابة زيك، كل كلامك كان مزيف زي مشاعرك، أنا نفسي أفهم أنا عملتلك ايه علشان تعمل معايا كده؟
ده ...ده تنا محبتش حد في حياتي قدك، وقفت جمبك و ساعدتك و دعمتك و كنت في ضهرك ، بعد كل ده يكون جزاتي كده، ليه يا أخي ليه !! ، أنا مش هكدب و أقول إني مش بحبك، بس للأسف قهرتي و وجع قلبي بقوا أكبر من حبي ليك، ندمت أشد الندم إني في يوم من الأيام حبيتك، و انت مطلعتلش تستاهل الحب ده .
=طب ممكن تسمعيني، أنا معملتش كده بمزاجي، كان غصب عني صدقيني، ده مكانش بإرادتي، أنا عمري ما كنت أتخيل إني أعمل معاكي كده، أنا ... أنا بحبك ، والله العظيم بحبك و مبطلتش يوم واحد إني أحبك، والله ما كان هاين عليا قهرتك و كسرة قلبك، بس صدقيني كنت مضطر مكنش عندي خَيار تاني .
_ ايه إللي جبرك؟…ايه اللي جبرك تكسرني بالشكل ده؟… انا مش لاقيالك أي مبرر، أنا أصلًا مش مصدقاك ؛ لإن حتى لو كنت تحت تهديد مكنش المفروض تعمل كده، انت سبتني فـأكتر وقت كنت محتجالك فيه، سبتني و مشيت و مسألتش فيا، مسمعتش توسلاتي ليك إنك تفضل معايا و متسبنيش، انتَ سبتني بمنتهى قسوة القلب، بس خلاص أنا مبقتش ضعيفة زي زمان، أنا قدرت أتخطاك و أكمل حياتي من غيرك، صحيح كنت ساعات بضعف و أحن، بس كنت بقوى تاني و افتكر اللي عملته، متحلمش دلوقتي اننا ممكن نرجع ، انتَ خلاص كنت صفحة قديمة بالنسبالي و اتقفلت و مش هفتحها تاني .. سلام ".
أنت تقرأ
أين أنتِ؟
Romansaشعور أن يتخلى عنك أحدهم.. شعور يُضاف إلى قائمة الأسوأ على الإطلاق، فما هو شعورك عندما يتخلى عنك أقرب شخص لقلبك!! أخبرته كم تخشى الفقدان و تخشى أن يأتي اليوم الذي قد يفترقا به لأي سبب.. فوعدها بعدم حدوث ذلك.. أخبرته أنها تخشى ألم الحب، و وجع القلب، و...
