ဇာတ်လိုက်ကိုအနိုင်ကျင့်မယ်!!(ဘာသာပြန်)

(16)ထူးချွန်သည့်အကသမား

Translator-hazel

သူမမိဘတွေဘေးမှာပဲ ငြိမ်ငြိမ်လေးထိုင်နေလိုက်တော့သည်။ဒီကမ္ဘာမှာငါးနှစ်နေပြီး ဘိုင်စုရင်ဖြစ်နေတာငါးနှစ်မြောက်မှာတော့ သူမအကြောင်းအရာအနည်းငယ်လောက်ကိုတော့ သဘောပေါက်နေပြီဖြစ်သည်။

ဘိုင်တွေက သူတို့ရဲ့သမီးနဲ့သူမကြားက ကွာခြားချက်ကိုတောင် သတိမထားမိကြဘူး။လက်ရေးလှ၊အက၊သီချင်းနှင့်ကဗျာတို့နှင့်ပတ်သတ်ရင်တော့ သူမ၏အရည်အချင်းကဝတ္ထုထဲကဘိုင်စုရင်အတိုင်း သာမန်မျှပင်။

.
နောက်ဆုံးတော့ဇာတ်လိုက်နှင့်ဇာတ်လိုက်မသည်တူတူထိုင်နေကြ၍ ထိုမြင်ကွင်းကသူတို့fanတွေအတွက်ကတော့ပြီးပြည့်စုံသည့်မြင်ကွင်းလိုပင်။

သူမ သူတို့ကိုမကြည့်မိအောင်ကြိုးစားလိုက်သည်။
ဒီနေ့သူမအတွက်အခန်းမပါသည့်အတွက် သူမလူမသိအောင်တိတ်တိတ်လေးသာနေချင်မိသည့်အပြင် သူမဒီနေရာကိုရောက်နေသည့်တစ်ခုတည်းသောအရာကဇာတ်လိုက်မအပေါ် မနာလိုဖြစ်သလိုသရုပ်ဆောင်ရမှာတစ်ခုတည်းပင်ဖြစ်သည်။

ရုပ်သေးရုပ်ဧကရာဇ်မင်းသည် ရန်သူ့မင်းသမီးဖြစ်သည့်ချူဝမ်ဝမ်ကိုပွဲ၌ကခိုင်းရန်အမိန့်ပေးလိုက်တော့သည်။

သူမပါးစပ်ကိုသတိလက်လွတ်ဖြင့်ဖွင့်မိလိုက်တော့ကာသူမမှာကင်မရာသာရှိလိုက်ချင်တော့သည်။

.
သူမသည်ချူအင်ပါယာ၏အလွန်ထူးချွန်သည့်အကသမားအဖြစ်ကျော်ကြားပြီးလူသိများသည်မှာအံသြစရာတော့မဟုတ်ပေ။

ချူဝမ်ဝမ်သည်သူမ၏ဆွဲဆောင်မှုရှိ၍အလေးနက်မထားဟန် အကြည့်တို့ဖြင့်လူအုပ်ကြီးကို မြူဆွယ်ဖြားယောင်းနေကာ သူမ၏နှုတ်ခမ်းထောင့်စွန်းတို့ဖြည်းဖြည်းချင်းကော့ညွှတ်သွားပြီး ၎င်းပုံကမောက်မာ၍မာနကြီးသည့်ဟန်ပုံပေါက်၏။

သူမ၏ဇီးပန်းပွင့်လေးတွင်ပါဝင်သောတရုတ်ရိုးရာဝတ်စုံသည် စင်မြင့်ပေါ်တွင်ဝဲပျံနေကာ သူမ၏ကျော့
ရှင်းလှသည့် လှုပ်ရှားမှုတိုင်းကငြင်သာ၍လှပလွန်းသည်။ပြတ်သားပေမဲ့ တစ်ချိန်ထဲမှာလည်းငြင်သာနေပြီး အမှုအရာတိုင်းကိုထိန်းချုပ်နိုင်ကာဟန်ချက်လည်းညီနေပြန်သည်။