أحمد زكي المذيع سأله إزاي إنفصلت عن هالة فؤاد ؟؟
رد وقال كلام غريب أوي وبيحصل في معظم بيوتنا للأسف الشديد !!
قال : أنا كنت عصبي أوي وبتعصب علي حاجات بسيطة وتافهة وهي كانت بتستحملني وأنا كنت عارف ومتأكد إنها هتفضل موجودة جنبي ومش هتسيبني وهتفضل تتحملني وتستحمل عصيبتي ، لحد ما جه يوم صحيت ملقيتهاش ولقيت البيت فاضي عليا ، ولما سألتها قالت إنها تعبت قولت شوية وهتهدي وترجع بس للأسف مرجعتش !!
ولما راجعت نفسي لقيت إني كان ممكن متعصبش علي الحاجات البسيطة أو التافهة ، كان ممكن أحتويها وأراضيها لكن يقيني إنها عمرها ما هتسيبني هو إللي خلاني أتمادى في غلطي !!
هالة مشيت ومرجعتش تاني رغم إن أحمد زكي قعد سنين يحاول يرجعها !!
🔷 علشان كده ..
خلوا بالكم من الصبورين إللي في حياتكم خلوا بالكم من إللي بييجوا علي نفسهم كتير ومستحملين عيوبكم ، بلاش تعتمدوا على فكرة البقاء الدائم لأن محدش بيفضل يدي علي طول ، محدش بيفضل ساكت علي طول مهما كان هادي ومتحكم في غضبه !!
لما يتعبوا هيسيبوكم ويمشوا ولو مشيوا مش هيرجعوا مهما بذلتوا مجهود واعتذرتم لأن هيكون خلاااااص رصيدكم خلص عندهم ومعدش ينفع رجوع !!
وصدق من قال : اتق شر الحليم إذا غضب !!
إعتذروا عن أخطائكم أول بأول واحذروا التراكمات وخلوا دايما الحب متبادل والعطاء متبادل علشان الحنينين الصبورين الهاديين دول لما بيقفلوا بابهم يستحيل تعرفوا توصلوا ليهم تاني 👌🏻
