نهوة عباس

البارت الثاني

طلعن البنات وبقيت اني اخر وحده اعدل بروحي
باوعت كله هجت ركضت وراهن بسرعه نسيت روحي
والكعب مالتي يطكطك بلكراج اركض طلعت وصار
عباس كدامي
عباس-شبيج شبيج وين تركضين ماتشوفين الناس مناا
لا مااشوف وخر من طريقي خل الحگ
عباس-لج احجي عدل وبعدين شهلبس الابسته
باوعت لروحي وباوعتله وشلابسه بله ؟ فستان مستور وحلوو
عباس-هذه الثوب مال الراقصات دكولين عليه مستور؟
نعميتي شمالج امشي كدامي بدلي وتعاي

ماابدله والله واذا بنظرك مال راقصات فرئيك ميهمني
وخر عن طريقي
عباس-غزل لا تخليني احرمج الروحه وحق الحسن تفوتين
تبدلينه لا تصير مو خووش
كتلك ماابدله وخر من طريقي ابوي وراضي انته شعليك
عباس-ابوج راضي موو ...عميي ...عميي وينك

اجه ابوي مناك هاا بويه عباس
عباس-عمي تشوف غزل شلابسه ؟؟
باوعلي ابوي ورد گاله ايي اشوف ليش
عباس-صدك جذب عمي ..هذه لبس تطلع بيه عيب منا الوادام

باوعلي ابوي وبنبره هاديه گال بنيتي روحي حطي شي
عله چتافچ
بابا لاا حباب والله ملابسي مابيهن شي طوال وعريضات
فدوه بابا خليني اطلع

عباس-ولج وين العرض مالتهن لازكات عله جسمج لزك
تردين عباد الله كله تعاين عله تفاصيل جسمج فوتي لبسي شي
ماالبسس لو تموت خووش ...اروح هيج يعني اروح هيج

ابوي-غزل بويه كتلج فوتي حطي شي عله جتافج وطلعي

ضجت حييل وطفرت روحي خرب كل فرحتي هسه
هوه شعلي

چاا خووش مااروح روحو انتوو ...
عفتهم وطبيت جوه امشي بسرعه وشايله ثوبي لااوكع

صاح وراي عباس .
هي هي ويين راده ترجعين هنا لااكسر راسج
والله خوش مره يكلي ماترحين ومره يريدني ارجع يمه
شافني لعبه بايده فلا اروح
طبيت جوه واني امشي نزعت شالي وذبيت الكعب
طب وراي احمد بسرعه

غزل ...هيوو غزل مو احاجيج
هاا هااا
احمد-وجعاا ومرضاا احجي عدل لج مو اصيحلج
هاا شتريد
احمد-لجج ليش رجعتي بربج انزل من السياره حتى
اركض وراج عريس جاهل اني

حمودي ماشفتهم ابوي وعباس اثنينهم عليه بشرفك
شبيهن ملابسي؟؟

احمد مابيهن شي ويخبلن بس تدرين عباس شلون يغار
عليج ومن غير شي هوه ملتزم حييل ومتشدد وابوي يستحي
منه ومايكله لا
يعني شلون هسه
احمد-بدون شلون حطي بشت عله چتافچ وامشي وياي
تصعدين بسياره العريس بعد شتردين

احمد اني مو جاهله تقشمرني بهاي السالفه ماريد البس شي
اريد. اطلع هيج

احمد-غزل وتالي يعني نبقا واكفين هناا ؟
ولج رحمي بحالي كلبي صاير طبول ماصدك شوكت
اوصل واشوفه وانتي فوك ضيمي تزيديني ضيم

ايييي عيني ايييي بعدهه ماجايه واخذتك مني من تجي شلون

خله ايده عله جتفي وكرصني من خدي وكال
ولج ماعاش الياخذني منج بنيتي انتي مربيج عله ايدي نسيتي
بس حقج ماجربتي العشك شيسوي اخخخ اخخخ