نهوة عباس

البارت 17

شيماء-هلااا وكل الهلا همزين من تذكرتينه
شلونج شومه اخبارج
شيماء-بخيرر عساج بخيرر وانتي
الحمدلله زينه اكلج شيماء
شيماء-گوليي
شنو سالفه طلابه بيت عمتي
شيماء-يااا جاعباس ماكلج
هاا لا طلع مستعجل ومافهمت منه
خيبه جاا غير ستار ابن عمتي ...لكوه ويه وحده
لكوه ويه وحده شنوو يعني
شيماء-صخام صخمج يعني نايم وياهه يحضي
خليت ايدي عله حلگي وكتله ياااااا صخام جذااابه
شيماء-والله العظيم بس علساس هلوحده مو خووش واهله متبرين منها مدري شلوون يعني مكطوعه على هالاساس عمامي وعمام ستار يكولون النه الحگ عبن هيه موخووش بعد شنهي
صخام الصخمه وهيه وياا اذا صددك شكد عيب
بقينه نسولف شويه وسديته منه واني اكول ليش عباس
ماسولفلي وهذه ستار فلشه عله هلعمله نايم ويه وحده يمهه
ولا يستحي ونزلت جوه ولليل جتي عمتي وهادي وعباس
ماكوو أيست وصعدت بقيت على التلفزيون شويه ونعست
لبست دشداشه مال نوم صلوخ وگصيره هوه گال ماجي
وخليت كحله لعيني وحطيت راسي هستوني غفيت ندك لباب
طفرت وصحت منووو؟
عباس-انيي حبيبي فتحي لباب
كمت جاي افتح انتبهت لروحي.... جاي اروح البس صاح
وينج تعبان
اي جايه ...فتحته وصرت وراه هوه دخل ماشافني ذب سلاحه
اندار بعدني بمكاني كال ماتسدين لباب
اييي هسه بس دير وجهك
-وليشش ياابه
مووو مالابسه
مد راسه حتى يشوف رجعت لباب عليه
شنو ملابسه ؟؟ يعني بلا ملابس
لا لابسه بس قصير
-ههههه خرب بلحظ دطلعي
بس لتباوع
-جا شسوي ؟ اغمض عيني
ايي
اندار عليه وچتف اديه وگال لا والله تطلعين وغصباً عليج
يلا
عباسسسس!!!
-يلاااااا
بقيت اصب عرگ هاي شلون احلها..
جريت نفس وسديت لباب على كيف
وقفلته خليت شعري عله جتفي سترت بيه زنودي
انداريت ورحت للجربايه مدنكه مد ايده وسحبني
هااا
-وجعاا ...تستحين مني
امممم
-غير رجلج انه شلون تستحين
ماصار يومين من تزوجنه يعني هم يراد وكت اتعود
-اييي حقج عيني باوعلي من فوك لجوه ورجع كال بس
شعجب اليوم مشلحه
مووو انت كلت مااجي
-هاااا يعني ماخذه راحتج وانه موو هنا ..مره ثانيه اذا ابات
برى هيج لبس مايلبس....فااااهمة
وليش عود
-لان ميصير انه مو يمج والدنيا كلشي يصير عليه بيمن
تتحامين اذا چفت عليج واحد؟
يچفت عليه واحد ؟؟ يعني قصدك حرامي
-الله واعلم الشباب الماتخاف الله هواي وبحجه مره بوحدها
يجفت
شلون يجفت ولبيت بيه ناس؟
-يابه نكلج ناس ماتخاف الله شبيج
زين انت ليش تبات بره يعني
-غير اروح لمرتي لو نسيتي
سحبت ايدي  وكتله لا مانسيت
رحت طلعتله ملابس وخليتهن بيده اكيد تريد تسبح مو
رفعت الغطه وتمددت واطيته ضهري
خليتهن بيده ورحت تمددت وغطيت وجهي اسمعه
يضحك ويكول والحسن مو صاحيه طلع سبح ورجع
نزلت الغطه شويه وشفته يمشط شعره رش عطر واجى
غمضت عيني رفع الغطه تمدد..
عباس-يعني بلجذب ماكلتي متعشي لا
اكيد متعشي
عباس-وشلون عرفتي ؟؟
يعني مبينه جنت خطار يم ناس اكيد مايخلونك تطلع بلا عشه
ضربني عله راسي ..
اييييي
عباس-وجع حته وجع ..خطاريش يلغبيه نكلج طلابه طلابه
دكول خطار
اييي واذا طلابه اكيد مايخلون الناس تطلع بدون عشه
صفنت بوجه ....گال هااااا؟؟
عود ليش كلساع تضربني. ؟
عباس-شسووي ماگدر اسوي البالي اطلع قهري بلضرب
وشنو البالك ؟
عباس-شي ميخصچ
لا الله عليك
جررر نفس وگال يعني مرتي يمي نايمه وماتخليني اتقرب
الها شتريديني اسوي
من گال هيچ تسودنت سحبت الغطه وغطيت وجهي
عباس-هوه هذه الانتي فالحه بيه
سكتت ماجااوبته ...رجع گال غزالي ،،،
اممممم ؟؟
عباس-باوعيلي احاچيچ
نزلت الغطه شوويه گال لشوكت نبقى هيچ ؟؟
يعني ؟؟
وهوه يقترب شويه شويه گال يعني ماتنقهرين علي
شفته اقترب حيل گمزت من مكاني بسرعه وگفت هوه
گعد عله حيله وشكله ضااج حيل گال...شوكت تعقلين بله ؟؟
اني عاقله بس انته مدري شبيك
عباس-لا بلقران مسودنه بله هاي سوايات وحده عاقله ؟؟
لو احجي سوالفج هاي لواحد راح يكول گبعها ورجعها لابوهه
صددك ضجت من حچه هيچ ليش يعني الزواج بس نوم
گتله يعني بنضرك اني بس جسم وشغله تريد تاخذه وتخلص
مني
عباس-شووف هاي شتخرط ولج لا تحجين حجي اكبر منج
لا اكبر ولاازغر انته تحجيني ومن احجي ماترضى
عباس-ايييي ماارضى فكري بكلامج قبل لا تشمرينه
بوجهي اشفتيني مراهق ابن ١٧ سنه وافكر بس بجسمج ؟؟
وذن الشيبات وسنين عمرري الضيعتهن متانيج وتالي اريد
بس جسمج ؟؟
سكتت ماحچيت صاح هاا خرسيتي ماتحچين ؟
هووه صوچي انه والله صوچي وهذه گلبي  كلب ابن
سطعش كلب يركض ورى وحده زعطوطه بگد زري انتي
منو وتلعبين بية هيج
اني ولا شي ولا احد شكوو خابص روحك عليه
عباس-والله مادري عله شنهو خابص روحي عليج ؟؟
مادام طلعت اريد بس جسمج يغززل خووش والله
طفي الگلووب خلينه ننخمد جر المخده وخلاهة عله راسه
ونام بقيت واگفه شويه اباوعله احس اختنگت يغثني ويرجع
يرزلني يعني اني شمعرفني بلزواج وسوالفه بدال مايصيح
هيج يفهمني ياربي شلوون راح تخلص وياا مادري
طفيت لگلوب وتمددت غفيت وهوه داير وجه للجهه الثانية
نايمه عله بطني واحسس ثگل عليه خانگني ردت اتحرك
ماكووفتحت عيوني گوه ضلمه بعدهه الدنيا فجرر درت وجهي
صار بوجهي عباس مدري شلون لزمت روحي ماصرخت
رجليه مخليهن على رجليه وايده على ضهري وراسه داحسه
برگبتي يعني نص جسمه عليه واني اگوول شبيه گوه اجر النفس
سحبت روحي شويه شويه ليجوه هوه حس عليه تحرك ونام
عدل همزين من حس عبالي ميت..
اباوعله شگد هادء وهوه نايم..
شبيه من يفتح ينگلب اعصار يارب خليه نايم سبع ثمن سنين
بلكي من يكعد بعدين يخرس يطرش او ويكلي بعد ماريدج
جريت الغطه ورجعت نمت فتحت عيني ماشفته اكيد راح
لبيت عمتي الساعه ب٨ ونص عباس ماكو واني عروس
انزل المن لنوال ورجعت واطكه نومه ١٢ وربع يلا فتحت
عيني بس شنو نومه من العمرر كعدت مرتاااحه كلشش
امط بجسمي مط عدلت لفرشه غسلت وبدلت ونزلت جوى
بلهول جهال هادي يلعبون  ثنين ولد عده من شافوني ضحكوا
فددوه شلون حلوين
فرح-غزوله صبح صبح يحلوو
صباحوو فرحه ليش خليتيني نايمه لهسه
فرح-وشعدج كاعده عروس نخليج مرتاحه لا امي ولا عباس موجودين
امج وين؟؟
فرح-بيت عمتي
يااا بعدهم شخبارهم
فرح-يكولون فضوهه بس المخبلني ستار يطلع منه هيج
ايي ولج حته انه مصدومه ولد عمتي مؤدبين ماعدهم هيج
فرح-ياماتحت السواهي دواهي يختي ..امشي امشي اسويلج
ريوك..
ههههه كولي غدده
فرح-ههههه يلا اسولج تشريب چااي
حضرتلي ريوك وسوالف وضحك ماحسيت صار العصر
رجعت عمتي وجن نسوان خطار بدلت وتمكيجت وكعدت
يمهن اول وحده ماتستحي گالت هااا شبعتوا ...... وطگته
ضحكه بقيت صافنه بوجهه
عمتي هزت ايده ودارت وجهه الثانيه كالتله هاا خيه جنج
ماراضيه؟
ام عباس-وين شبع سوده عليه ماشاف راحه من اول يوم خلكه ضايج ثاني يوم طلابه وهلتشوفينه ماموجود..
ردت عليه ياا خيه لا حك لاحك مادام هلحليوه يمه لا تخافين
عمتي- ماظن والله بقن يسولفن سوالف مال متزوجات بس
مافهمت شي وستحيت صرت طماطيه كلشي ماعرف بيهن
بطلاع الروح وووولن وصعدت فووك صليت وعدلت مكياجي سمعت صوته جوى..