ارتاحيت شويه وهديت كومتني وتمددت على الجرباية
ماغفيت بس احس خدرانه وبعالم ثاني
بقيت هيج يمكن يومين من يجي هوه اغطي راسي وهوه
مايتقرب من الباب ويطلع فرح حاولت تفهم مني ماحجيتله
شي من يخابرون اهلي تجاوبهم ودكلهم بلحمام او يم الخطار
جووه مادريت بروحي احب عباس هلكثر ويصيرعندي انهيار
واني اشوف تقربه من ندى..
ثالث يوم العصر حسيت جسمي تكسر گمت سبحت ولبست
الروب رجعت للغرفة ذبيته وكفت كدام المراية اكو بعد اثار
ضرب واماكن زرگه
اشتاقيت لاهلي حسيت محتاجتهم هسه
محتاجه احمد وامي محتاجه اكعد بحضن ابوي دزيتله رسالة...
اريد اروح لاهلي بدون مقدمات
اتصل بسرعه ماجاوبته رجع دز ...ليشش ؟
ضايجه ومشتاقتلهم
-يعني تروحين وترجعين لو تبقين هناك
خاف اكوله ابقى ومياخذني كتله ارجع ....
بس خلي اروح هسه وبعدين يصير خير
رجع دز دقايق واجي حضري روحچ
چنت ناويه اخابر حمودي ماريد اشوفه لبست حضرتلي
جنطه زغيره وگعدت البس الذهب مالي خلگ بس
ماريد اهلي يعرفون بلصار بس يدرون تصير مشاكل مالها
اول ولا تالي واكيييد راح اطلع انه الغلطانه گاعده البس
سواري ماكدرت البسه حاولت وياا
هوه دخل وگال السلام عليكم ماجاوبته شافني اريد البس
مد ايده جريت ايدي منه اووف مشتاقتله حيييل بس ماريده اكرهه
عباس-اذا خلصتي امشينه
هزيت راسي أي ...گمت لبست العبايه وجريت الجنطه
عباس-تباتين
ايي
عباس-بس اني ماگتلچ تباتين
واني مامنتظره موافقتك من حقي اروح ابات يمهم
ماحچه شي سكت ورجع گال اطيني الجنطه اطيتها اله
اخذهه ولزم ايدي وجرني
شسوي ؟؟
عباس- ماسوي بس مشتاقلج ...شلونچ
صرت زينه من ابتعدت عني
عباس-بس اني مو زين بفراكچ
هههه لا والله كلش زين ماينخاف عليك
عباس-خليني احچيلج
كلشي ماريد اسمع منك ...وياريت نمشي ماريد اتاخر
عباس-يابويه نمشي بويه نمشي
عفته ونزلت وهوه نزل وراي وبيده الجنطه تلكتني عمتي
هاا وين؟؟
عفتها وطلعت بقت تحجي وراي تجاهلتها لان ماطايقه
واحد بلبيت هوه بقى يسولف وياها ورحت صعدت بلسيارة
اجه وكال غير تستأذنين من امي يلا اطلعين؟
ليش اني مزوجه امك لو مزوجتك انت
ماحجه بس ابتسم كتله هاااا
عباس-همزين تعترفين اني رجلج
لو بيدي جان مسحتك من القائمة
عباس-هههههه مسموحلج تحجين كلشي وحقج تسوين كلشي
استاهل..
تعرف روحك غلطان
عباس-والله لهسه گلبي يوجعني وماانسا شفتچ النزفت دم
عباس سد الموضوع وامشينه
عباس-سدينا يابه ومشينه
طلع بينه لأهلي دخلت وسلمت عليهم وهمه أستغربوا لان
اجيت وگالوا توقعنه عباس بعد سنه مايخليچ تجين ..
سوالف وضحك وعشه كالعادةوهوه بقى ماراح للمحل بليل
راد يطلع واني گاعده جوه صاحلي بلگراج
عباس-انه رايح
الله وياك
عباس-محتاجه شي
هزيت راسي بلا
عباس-راح تبقين زعلانه مني
خليني ارتاح واقرر
عباس-غزالي تردين تاخذين حقج اخذي مني والتردينه
سوي بس لا توصلين الصار لعمي وياخذ على خاطره مني
قبل لا توصي اني نويت ماحچي شي تبقى رجلي والك مكانه
ابتسم وگال هاا هاي انتي التحچين
مو تريد تروح الله وياك
جاي ارجع لزمني وباسني بخدي وگال مو طولين
وطلع اوف يگلبي شتتحمل بعد من عباس
دخلت وستلمتني امي وجدتي تحقيق وشصار وشحصل
وليش صفره وليش ضايجه نايمه على رجل جدتي وهنه يسولفن
امي-يمه احچي گليلي زهره مضيگه خلگچ
يمه عمتي ماله شغل مره چافيه خيره شرها
جدتي-هاا غزيله هاي انتي التحچين
يي جده والله مامسويتلي شي بس اني مالي خلگ شوي
وشتاقيتلكم
جدتي-ولج خااف حبله ؟؟
سكتت شحچي رجعت گالت هااا احچي حبله موو كوون صدگ
ورجعت گالت ويجي فضل بحضن عباس من حبيبه گلبه
غزيله چااا غيير الفرحه ماتوسعة
امي-وين الله وفاطمه الزهره يغزل ويترس حضنچ بوليد
ونفرح بيكم ..
من سمعتهن يحچن هيچ ماسيطرت وبچيت وغطيت وجهي
بحضن جدتي وهنه تخبلن شبيج وشبيج
مابيه شي بس تعبانه
امي-ولج يمه المرة من تتنسه اعصابه تتلف
يمه يااحامل فدوة اروحلچ ماتسكتين
امي-ياا شمالچ يمه
بصوت عالي گتله يمه تعبانه تعباااااانه فهميني
دخلو بنين واحمد
احمد-شبيه غزل تبچي
امي-مابيه بس ماله خلگ مدري شمالها
بنين-غزوله شلقصه
ماكو شي بس ماليييي خلگ
احمد-غير نعرف شنهو لمضوجج اذا عباس وعلي هسه
العب بيه لعب
لا عباس ماله شغل
امي-چاا شني
احمد-يمه دعوفيها هسه ترتاح وتسولفنه خليها تنام
جدتي كل هذه الوكت صافنه بعدين گالت ولج غزيله تعاي گربي يمي
گعدت على حيلي وطيته اذاني شاورتني
جدتي-كوون تكرهين عباس وماا تردينه يتگرب منچ
اني تسودنت هسه شجاوبها رجعت جرتني وگالت يعني
ماتردينه يحضنج يبوسج وهيييج
باوعتله وهززيت راسي رجعت گالت وهوه
بصوت ناصي گتلها هوه ساعه زين وساعه يگب ويشيط
للستار جرت سبحته تسبح وگال هذه هوه چااا مبين
امي-شنهو عمه
جدتي-وحده من ثنين لو البت دايسه لو مسويلهم عمل
احمد-جده شلچ بهلحچي
جدتي-ييي يمه هذه الصدك المايخافن الله هوااي وحتى
لو مو عمل يجوز دايسه يجوز تابعة
لطمت امي على صدره ..يمه صخام بوجهي چاا والحل
جدتي-كلشش سهل طبيب العلل يداوي بلايه فلوس كل اليريده
منك ترفع ايدك وتطلبه ابو طلبه المايرد احد ابو الجوادين
امي-اروح فدوة لأسمه أيي والله مايقصر ابوالرضا
احمد-يعني ناخذهه نزورها
جدتي-ايي ابني تغبش بيها من الصبح وتاخذ اختك للطبيب
امي-ايي يمه حتى لو ماا بيها شي تزور ترتاح نفسيتها
احمد-چااا خلوها على عگب باچر لان باچر عندي شغل
امي-نتانيك احمد مو تخلف حچايتك
احمد-لا ان شاء الله
رحت صعدت لغرفتي فتحت الباب ودخلت افيش ياريحه
حياتي القديمة..
وين جنت ا وين صرت جانت كل حياتي الدراس" والاكل
واهلي ومسيطره هسه بس عباس وگلب كل موازين عالمي
تمدتت ردت انام ماگدرت اصلا صارلي ايام بس نايمة
گعدت ابحوش وانبش بغراضي القديمة طلعت ذكريات
ضحكتني وذكريات وجعت گلبي واني سرحانه بيهن دگ التلفون
جريته اسم عباس سحبت نفس وجاوبت ...الووو
عباس-اروح فدوة لهصوت شعجب جاوبتي
شتريد
عباس-بسم الله حسدتج
اريد انام
عباس-جذابه ادري بيچ گاعده لهسه وغصباً عليج تبقين
تحجين وياي
يمك ندى سولف وياهه
عباس-شوف هاي يا ندى لج بابا اريدج انتي انتييييي
امممم بطبعاتك
وچان يطگه بضحكه شطولها خلاني ابتسم
عباس-غير من وراچ كمت لااشوف ولااندل دربي ولج
شمسويه بيه؟؟
كلشي مامسويه وكاشي مابيك صصصصل
عباس-هههههه اليوم تغردين براحتچ مو يمي والزمچ
حتى لو يمك بعد احچي براحتي واطلع ضيم گلبي لان بعد
مااخاف
عباس-خووش نشوف عود من تجين
ومنهو گال بعد اجيك
عباس-تجين وغصباً على خشمج الحلوو
ماااا
عباس-نشوووف ...شلون صرتي
زينه
عباس-اشتاقيتلچ والله
امم مبين من اني يمك تبات بيت الجيران
عباس-هههههه ايي چا شسوي بنيتي مداريني وبس ابقى
يمها اشبع قهر
اني مو بنيتك ماكوو اب هيج يقسي ويه بنيتة
عباس-انتي بنيتي وبت گلبي وتعب عمري وحبيبتي
اكرهك
عباس-واني احبچ بگد كرهچ اليه
اموت منك
عباس-اموت على التراب التمشين عليه
ليش تحبني
عباس- لاتسأليني لان ماعرف الجواب صار سنين ادور
ليش عيني تتبع خطواتچ وين ماتروحين من دون كل النسوان
انتي اخذتني عگلي وگلبي
ليش ضربتني ؟
عباس-تصدگين اذا گتلچ هم مادري ؟ مادري شصابني
وشحصلي بس طلعت من الغرفة استوعبت السويتة ورجعتلچ
ركض بس بعديش
بچيت وبقيت ساكته ماحچيت شي وهوه عرف بيه ابچي
عباس-ليش تبچين ؟ لا تبچين ادمريني بدموعچ والله
ماجاوبته ذب حسره ورجع گال روحي نامي وارتاحي
وباجرر امر عليجوتصبحين على خير بنيتي
سديته منه وگعدت انوح وابچي احبه ايي احبه حبيته بدون
مادري حبيته بس چنت اكابر هسه لا بعد استسلمت للأمر
نمت والصبح فزيت على صوت جهال اخوتي مشتاقه لكعده
الصبح يم اهلي نزلت يمهم وگعدت سوالف ويه البنات شويه وصاحتلي
جدتي ورحت يمه ....هاا جدة ؟
جدتي-تعااي اريدنچ بسالفه
گولي
جدتي-عباس ماماخذچ لسه مو ؟
من گالت هيچ صفنت بوجه
جدتي-ايي عررفت مكتوب كلشي ع وجهج والسالفه مثل
ماگلت بيها عمل
يعني جده ماراح تحچين عليه وتصيحين وتسولفين لامي
جدتي-لا يجده مازال عباس ماسولف لاحد يعني هوه اعرف
مني ومنج شوفي شكثر يحبچ وانتي شلون معلعله گلبه
ماجاوبته ودنگت اشلع بضافيري
جدتي-هاا شو سكتي ..اضنچ انتي هم تحبينه يغزيله
اموت عليه مو بس احبه جده اموت واحترگ من يروح يمها
جدتي-انه امك يعباس صدگ ولج غزيله وتغارين
ايي والله جده وهوه ولا يمه واذا تجي ساعة يصير زين اني
اكرهه مثل دم سنوني واضوج منه واضل بس اصيح واخلي
يضوج ومن يطلع ابقى الطم
جدتي- مبينه ذيج هيه السالفه لا تخافين الحل يم ابو الجوادين
تعنيله بگلب ابيض ونيه صافيه ومايردج خايبه
والنعم منه
خلص النهار واني بين اهلي النعمة الماچنت مقدرتها
ابوي وشگد اله مكانه وحضور بلبيت يمكن الشي الناقص
بيت عمتي هوه عمي اخواني همه وعوائلهم اباوعلهم مبتسمه
وأحس براحه يارب تحفظهم الي..
بليل گاعده بغرفه بنين ودخل حمودي
احمد-هاااي منوو غزل هناا
هلوو حمودي
باسني براسي وگال هلاا بعد اخووچ شلونچ
الحمدلله زينه
بنين-احمد خوما نسيت وعدك
احمد-لا لا مانسيت باچرر اخذكم وننطلق لبغداد بس خليني
اخابر عباس وافهمه
بنين-خلي عمو يخابره
احمد-اذا خابره ابوي راح يوافق مجبور بس اني احچي وياا
وافهمه
شويه وطلع احمد يخابره رجع وگال قبل عباس بس بصعوبه
يگول اني الاخذها
دگ تلفوني رسالة من عباس راح اجي طلعيلي
نزلت انتظرته بلكراج..
مثل الحرامي يطب ويطلع ولا عبالك بيت عمه..
دقايق ودخل واني گاعده نفس مكاني بلحديقة من بعيد يمشي
اشوفه ينگط هيبه ورجولة او وسامه فات من يمي صحتله
اني هناا التفت شافني ورجع
هلاوو
عباس-يااهلا شو گاعده هنا
مو انت گلت طلعيلي
عباس-يي بس مو قصدي هنا بلاستقبال
مادري بعد طلعت والجوو حلوو
عباس-مو احلى منچ ...شلونچ
الحمدلله ....خابرك احمد مو
شفته ضاج وطبگ حواجبه ورجع گال ولو مامقتنع
بهاي السالفة بس چي تعباانه راح اخليچ تروحين واله اني
ناوي اخذج بيدي
سكتت ماحاچيته گال هاا شوساكته
يعني شتريد احچي
عباس-لا تحچين شي مادام انتي هاوية الروحه روحي الله
وياچ بس مو تدعين عليه هناك؟
هههههه انت اول واحد ادعي عليه
عباس-هااا وشدگولين بله
صفنت بوجه وبگلبي گتله الله يحفظك الي
ابتسم وگال لا تصفنين بوجهي هيچ ..اضيع دربي
ابتسمت ودنگت راسي تقدم ورفع حنچي بأيده وگال
البيت بلياچ مايسوه ولغررفه باااارده ..شوكت تحنين وترجعين ودفينها
بعدت ايده من وجهي
اصلاً الغرفة بارده من زمان وشبعت برد بيه اولوحدي
واذا رجعت اله اتمرض اكثرمن هيچ
عباس-انتي بس شويه حني وراح تشوفين شلون تدفه بنار
حبي وشوگي الچ..
تقرب راد ايبوسني درت وجهي منه وهوه هم سكت مد ايده
بجيبه وطلع فلوس خلاهن بأيدي
عباس-...راح اروح رايده شي
هزيت راسي بلا
باسني بگصتي وطلع بقيت واكفه اباوعله وهوه يروح وياخذ
روحي صعدت لغرفتي حضرت نفسي وسبحت حتى الفجر
نطلع وصلتني رسائل اشعار منه
(طبعا الاشعار من كتابات عباس وغزل حيل مستعزه بيهن ومتريد احد يقراهن غيره لان انكتبن الهه ييي عيني غزوله حقچ 😁😉 )
بقيت اقراهن واحد وره الثاني واني مبتسمه وبنفس الوكت حيل ضايجة اريده واريد حضنه وگربه واكرهه..
عايشة حرب نفسيه عفت التلفون ونمت گعدتني امي الصبح
تريكنا وبدلنا وطلعنا الفجر بعدها الدنيا ضلمه جدتي گالت حتى نوصل گبل الناس
وفعلاً وصلنه ساعه ٧ الصبح من بعيد اشوف گبته اروح فدوة لأسمه وروحي طارت عليه فرفحت اتذكر زايرته واني زغيره
بس مدري شكد صار من بعيد واني دموعي گامت تصب ومن
دخلنه لحضرته انهاريت گمت ابچي بلايه وعي يمكن نص ساعة
بچيت ذبيت كل ضيم گلبي يمه بدون ماطلب شي اكيد هوه يعرف
البداخلي طلعنه للصحن صلينه وحطيت راسي على جتف امي ودموعي ماوكفت وهيه تقره قرأن اسمع مرة يمه حچت وياها
ياا خاله شبيه البنية خطيه عيونه ماوكفت دمع
امي-والله خيه مانعرف شمالها صارلها اقل الشهر من تزوجت
والبت احواله نگلبت تمرضت ونفسيته تعبانه
باوعتلي وكالت حبيبتي مابيج غير العافيه ينطيج مرادج
ابوالجوادين
هزيت راسي أي
امي-ايي والله يبو طلبه علاج غزل منك اريده لا تفشلني
رجعت گال المرة خاف عدها تابعه او عليها عين
امي-والله ياخيه مادري وين اروح او وين انطي وجهي
-الله يباوعله بحق ام البنين
امي-بعد گلبي يااخيه يحفضلج وليداتج
مره ثانية گاعده وسمعت كلامنه اندارت وگالت من رخصتچن حبايب
جاوبنها امي والمره تفضلي گالت لامي هيه بتج ؟؟
امي-ايي
اللهم صل على محمد وال محمد گمر شلون ما تصيبها العين
وهيه هلگد حلوو تحفظج الزهره يخاله
شكرأ خاله
امي-والله ياا خيه ماعرفت شبيه اجتني صار يومين والبت
مصفره وضايجه ومخنوگه
-ليش ماتروحين للخدام لو لواحد من الگيام وتسألينه ياخذلها
خيره
امي-هاا يصير؟؟
ايي اكو هنا مكاتب وساده هاي شغلتهم
امي-ايي هسه اروحلهم بس وين بضبط
دلت امي عله واحد وگلتله ...خاف ماتصير زينه اكو سيد بمدينة الصدر
اسمه بقطاع
بس ترحون للمدينة تسألون الدنيا كلها راح ادليكم وهذه السيد
شغله رحماني وكلشش مضبوط اخذناله بت اختي اسم الله على
بنيتج البت مسويلها عمل هيه ورجلها والعمل ماشتغل اله بعد
ماخلفت بتها..
والبنيه وصلت الموت اسم الله اسم الله على بنيتج مي الورد
تخبلت گامت ح بتها ماتعرفها
امي-يمةة دخيلك ياعلي ومنهو مسويلها ؟
والله ياخيه المايخافن الله وبنات ابليس جانت تريده بت عمته
ومااخذها وسوت عمل حسب ماييحجون همه
امي-والبنيه صارت زينه خيه
صارت زينه الحمدلله بس بعد ما تعب وياهه السيد اشتغل
اله شغل هواي وهيه سوده عليه حييل تعبت جانت كل يوم
تزوع سلابيح ودود الله لا يوگع عبد مسلم بهيج مصيبه يخيه
ماتت ماتت وره سبع اشهر بدت تتحسن وهسه تعاي شوفيه مثل الورد بس كل شهر تروح للسيد يجددلهم الشغل هيه ورجلها وجهالها
امي-ايي هسه نطلع مناا ونخلي احمد ياخذنه
-بس بلاول اترخصي من ابو الرضا يااخيه لان احنى جبناها
هنا اني وامها نزوره وهم مره شافتها ودلتنه وكتله يبو الرضا
اذا زينب صارت زينه وين ماروح ادليهم على السيد واجيبلك
هديتك..
امي-خيه هديه وحده اجيب هدايه وحق مقامه عند الله
بس غزيله تصير زينه
هنه يسولفن واني استمع لحجيهن معقوله مسويلنه عمل اني
وعباس؟؟
بقينه شويه وگمنه وبقت امي تسال ودلوهه على سيد دخلناله
اخذ خيره وكال عليه عين كلش قويه منفوسه وعدها تابعة
والتابعة مخليها حتى زوجها ينفرمنهاوگال لامي تروحين
تشتري حرمل من بره وتزورينه..
وعلمها تقره عليه ايات وقراعلى راسي واطاني حجابات اخليهن بفراشنه طلعنه منه وكعدنه بلصحن اني وبنين وامي راحت
اشترت حرمل ودخلنه نزور مره ثانية بس هلمره دخلت مابجيت سلمت عليه وطلبت مرادي منه وكتله يدليني طريقي ويحفظلي
عباس ويسهل طريقي اني وياا احس ارتاحيت حييييل من بجيت وفرغت همي..
سلمنه وطلعنه واني احس روحي وحده ثانية هااي مو اني
اووف شگد نفسيتي ارتاحت شفت الناس والجهال تلعب برى
اباوع واني مبتسمه السوك شكد حلو ولمحلات هواي ولمنطقة
تجنن امشي واباوع عالم ثاني هنا اشتريت كومه شغلات من
فرحتي من طلعنه امي كالت لاحمد ياخذنه للمدينة
احمد-يمه تحجين صدك تدرين منا للمدينه شكد مسافه
للعصر مانوصل والازدحام يكتل وبعدين انتي تندلين وين السيد
امي-يمه المره كالتلي على القطاع ونروح ونسأل
امي-ادري يمه نسال قابل راح يگلنه يلا فوتوغير نلگه عليه
كتلوالي يروح يروحله من الغبشه
امي-چاا شلون
احمد-خلينه نرجع هسه هيه مو زارت بعد شنهو منا لفد
اسبوعين نرجع للسيد اسأل جماعتي هنا على مكانه واخذ
رقمه
وكلام احمد صحيح ماراح نلحگ اصلاً هسه وضعي احسن
هواي ومرتاحة صافنه واباوع على الناس والشوارع واسمع
تلفوني يون بحضني
باوعتله رساله من عباس ...حبيبي رجعتي بعدچ ؟؟
جاوبته ايي وهسه بطريق
عباس-زياره مقبولة
قبل الله اعمالك ..
عباس-صرتي احسن ارتاحيتي
ايي هواي الحمدلله
عباس-الحمدلله ..اشتاقيتلج مووت شوكت توصلين حتى اجي
اخذج؟؟
هااا شنووو لا عيني خليني اليوم ارتاح
عباس-لج بابا مشتاق مشتاااق فهمي اريدج يمي ماكدر اصبر
بعد..
ماعرف شلون تجرأت وكتبتله واني هم
عباس-انتي هم شنو؟
مشتاقه
عباس-اويلي ياابه صدك والله ؟..غزالي مشتاقتلي الله ودگول
مااجي اليوم ليش هوه بكيفج دتعاي تلگيني بلباب
صددك ضحكني يمكن اني مشتاقتله واكثر منه وگلبي
مفرفح عليه..
وصلنه العصر تقريباً للبيت بوجهي للحمام سبحت ونمت
ماگعدت اله بليل على صوت الاء..
وهيه دگلي گومي تعشي وراچ علاج گعدت بس مغمضه
بعدني نعسانه نزلت وشعري مفتوح ومكفش ودشداشتي فانيله
وربع ردن يعني حالتي حاله گعدت على السفره واني مغمضه
والله بدون شوف گعدت انتبهت ع شغله شو هدوء فتحت عيني
باوعت كلهم صافنين بوجهي من فتحت همه كلهم ضحكوا
صدك فشلت خلصت العشه وراه الچااي كاعده ويه ابوي
على الفيس اعلق بمكانه على المنشورات دخل عباس
عباس-السلام عليكم
الكل وعليكم السلام
باوعلي وگال انتي هناا واني حرگت التلفون عليچ
مادري ناسيته فوگ
مبين عليه ضايج حييل بس گال جيبيلي چاي راسي يوجعني
ركضت صبيتله استكان ويا حبايه وجع راس وجبته
خليتهن يمه وگعدت
ابوي- شخيرك عباس
عباس-ماكو شي عمي بس الشغل مدوخني
ابوي-كتلك خليلك بعد عمال
عباس-عمي تدري بيه اذا مااوكف علهىراسهم حلالي يضيع
ابوي-كلامك صح ....اصعد تمدد شويه
من گال هيچ اثنينه باوعنه لابوي
عباس-وين اصعد؟
ابوي-بغرفه مرتك
باوعلي عباس وماحچه شي رجع ابوي گال غزل اخذي
رجلج يرتاح شويه
عباس-لا عمي مايحتاج هسه اروح للبيت ..يلا غزل امشينه
ابوي-وين تمشي ماتشوفها تعبانه عوفها اليوم هنا وانت هم
ابقى والصبح روح
عباس-لا عمي زحمه مايصير
ابوي-هوه شنهووالزحمه بيت عمك وغرفه مريتك بعد شنهي
يلا غزل گومي
ايي يابه ...باوعت لعباس وگتله گوم ريح شويه
مشيت وصعدت قبله وهوه لحگني صعد وجر طرف شعري
اييي شبيك
عباس-ليش ماتجاوبين حرگت التلفون عليچ
مادري والله جنت نايمه ونزلت تعشيت وانت دخلت
عباس-حقج ماتدرين ...اصلا اني منو
انت عباس هههههههه
عباس- اروح فدوة للضحكة
دخلنه للغرفه وهوه قفل الباب ...يااا هاي شسوي
عباس-قفلت الباب
ليشش
عباس-اريد ارتاح
ارتاح منو كاضك الباب شعليه
ذب الغتره وفتح دگم دشداشته وتمدد وفتحلي ايده
هااا
عباس-وجعااا تعاي بحضني
مااا
عباس-بلا حچي زايد تعاااييي
مااااااا
عباس-بنيتي تعبان ...ومحتاجج تعاي يمي شوووي
من گال هيچ صخنت واحس بگلبي يريد يطفر من صدري
ضعفت حيل واني مشتاقتله استسلمت ورحت تمددت بحضنه
صار وجه مقابيل وجهي ومحاوطني بأديه يباوعلي وهوه
مبتسم
گال مشتااق...
ماجاوبته رجع گال مشتااااااق حيل وجرهة
اممممم
-شوكت تحنين
من اسامحك افكر عود
-اه بعدچ مامسامحتني
لاا
-ليش..مو كافي
لا مو كافي يجوز يجوووووز قبل لا تضربني فكرت احبك
بس بعد الضرب قفلت عليك
عباس-هلكثر تكرهيني
لا مااكرهك ولا احبك
عباس-واگفه بنص
ههههههه اي
عباس-خلينه نرجع للبيت
ماريد ارجع
عباس-ليش
ماتعرف ليش
عباس-اذا ماتحچيلي شمعرفني اني ؟؟
احسن لا تعرف
عباس-لا اله تحچيلي هسه
توصل الكلمه لشفتي ويرجعها لساني ..
ماگدر اگله احبك واموت من اشوفك يمها غرغرت عيوني
والهرب الوحيد منه هوه حضنه..
تقربت منه حيل وخليت راسي على صدره ودفنته بحضنه
هوه گال غزالي شبيچ راد يرفع راسي ماخليته من شافني
ماطيته مجال حضني حييييل واحس ضلوعي طگن بقيت
بس اشهگ ودموعي تجري..
وره دقايق طفر بسرعه گمت وراه وگتله شبيك ؟؟
ماجاوبني جر الغتره وراد يطلع لزمت ايده عباس شبيك ؟
عباس- تأخرت خليني اروح
تأخرت على شنوانت مو نويت تبات هنا؟
عباس- لالا ارجع
يحچيها وهوه داير وجه عني صدگ نرفزني..
وگفت گدامة وگتله هيج فراگ نداوي صعب عليك ؟؟
ومشتاق وتعبان خبصتني خبص تالي تريد ترجع الها؟
احچي بعصبيه وهوه يلبس وعينه هناك ما يباوع ولا حچه
حررف
عباسسس حاچيني ؟ ليش تتجاهلني
عباس-غزل بعدين نحچي خليني اروح هسه يرحم اهلچ
فتح الباب واني تخبلت جريته بكل قوتي وقفلت الباب هوه
انصدم
والله ماتطلع اليوم لو انه لوو هيه اذا هيچ تحبها ومايهون
فرگاها عندك ليش خذتني هااا ؟؟
ليششش حتى تكسر خشمي حتى تخليني احبك وتشمرني هااا
احچي گلي
احچي وياا يباوعلي ونضره عينه غريبة الي حسيته مركز
بكل تفاصيلي ماحاچاني بقى ساكت طفرن دموعي وحدهن
شگد رخصن دموعي بعد ماحبيته..
والله اذا رحت يااعباس بعد ماتشوف وجهي والله..
اذا رحت يمها انسى غزل ولا تفكر عندك مره اسمها غزل
خووش؟؟
اشوفه گام يجر نفس بقوه ضاج حييل وقابض على ايده
حتى لو يكتلني ميخالف بس لازم اخلي حد لتصرفاته الذبحتني
تقدم وراد يدفعني وگال شويه خليني اطلع اختنگت
بصوت عالي گتله ماتطلع مااتطلع هنا هوه فقد السيطره
جرني حيييل وگفني گدامة وضغط على زندي..
عباس-گتلچ خليني اطلع راح اموت والله اختنگت بعد ماگدر
ارحمي حالي الله يرحم حالج ..
لج انتي شنوو ماتحسين ماكوو رحمه عندج..
خليني اروح اذب ضيم گلبي برى لا ترحمين ولا تخلين..
رحمه الله تنزل..
انت شتحچي شدگول؟
صاح بصوت عالي شحجي لو احجي منا لباجرماتفهمين
لج بابا احـبج احبجججججج تفهمين لو لا احبججج والخلقج
واموت عليج..
لج حبج ذابحني ذبح حبج مررض عندي ودوه المرض گربچ
انتي الدوه..
بس انتي بعالم ثاني انتي ماتفكرين بس بروحج مافكرتي ولا
مرة بيه حبيبتي الصار سنين زارعها مثل الورده ومتانيها تفتح
فتحت گدامي وماگدر اشتم عطرها..
لج تدرين شمسويه بيه انتي..
تدرين شيصير بحالي انه رجال ومن اشوفج تمشين كدامي
وماگدراتلمس جسمچ بيدي ..
من اشوف شعرچ ورگبتچ وايدچ وصدرچ تشب النار
بين ضلوعي..
حبيبتي وحلالي وماكدراتقرب منج والمسچ ماگدراحضنچ
كلشي بيه يريدج كلشي بيه يهواچ ويريد حضنچ اريدچ
تعرفين يعني شنهوو اريدچ..
من ضيم گلبي اروح اطلع القهر بندى..
جهنم راح ادخلها بسببج ضلمتها انام بحضنها واتخيله حضنج
ابوس رگبتها واشتمها واتخيلها عطرچ انسى روحي من تجين
ابالي وانتي ولا هامچ شي ..
هوه يحجي واني اباوعله شلون يحجي بحرگه گلب وبقهر
جرني وخلىراسه برگبتي وجر نفس قوي وگال..
اخخخخخخ يغرالي موتيني والله موتيني ودمرتي حياتي
عوفيني اروح عوفيني اطلع قبل لااسوي بيج شي يخليج
تكرهيني واكره روحي ..
دفعني وطلع بقيت واگفه ومامستوعبه كل الحچاا
معقوله چاان يروح ومايجي يمي لان ماخلي يتقربلي ؟؟
بقيت اليل كله مانمت افكر بيي شگد غبيه انه وصدك لوگال
ماعندي رحمه معذبته وملوعته وكل هذه اشلع گلبه واعانده
امداني ايي والله راح يضيع من ايدي..
الصبح يله نمت بحيث ساعه ب١ يلا گعدت الضهر هوه
غده وهوه ريوگ ماشفته متصل..
ولا داز رسالة وگلت اني ابادر اتصلت مجاوب مرتين
وتلاثة هم ماجاوب ضل بالي وين راح ردت انزل اخلي
احمد يخابره رجع خابرني ويه دگ التلفون دگ گلبي
فتحت خط..
الوووو
عباس-غزالي
وينك شوماكو ضل بالي
عباس-تخافين علي
يحچي بصوت مبحوح وخافت
لااا
عباس-يمراس يابس حتى وانتي مشتاقه ماتتنازلين
منو گال مشتاقه
عباس-چاا خووش عندي شغل روحي بعدين اخابرچ
لا انتظرر عباس
-نننعم
وين انت ؟
عباس-بلمحل ليش
لا ..هيچ بس اسأل يعني اليوم لا خابرت ولا سألت
عباس-وليش اخابر بيچ شي لا مريضه لا گاعده ومرتاحة
يم اهلچ اذا مارايده شي خليني اروح
ضوجني وقهرني بس ماگدر احچي اختنگت وگتله
يلا اخذ راحتك وسديته گعدت ابچي مادريت الحب هيچ
ذله بكلمة منه اطير وكلمة ثانية انزل لسابع ارض بس قل
اهتمامة متت من القهر چاا شگد چان يتعذب
بسببي؟؟
( اجه هسه دورچ تعانييين غزوله حبي 😁)
يتــــــبع 🍂البارت ه̷̷َـَْـُذآ طويل علمودكم لان عِنـ.̷̷̸̷̐ـديّ امتحانات 🥰😘
أنت تقرأ
نهوة عباس
Romance[عشقت نهوتي ] اتمنى تعجبكم هاي ثاني قصه بتاريخ 2022/5/17 القصة بقلمي ممنوع التقليد ❤️👍
