نهوة عباس

البارت 23

يبت گلبي آلگمـر لو شـآف آلبصـدرج
جآقفل روآزينة
يبت گلبي شـگثر مـحتآمـ
وآنة آسـتآهہدج تينة

نزل عباس وبقيت متمدده بلغرفة والابتسامة على وجهي
وين چنت عن عباس وحبه كل هاي السنين ليش چنت عميه ومغمضه..

تأخر يله صعد تقريباً ساعة
و من دخل گمت على حيلي ركضت وحضنته
وهوه هم حضني وباس راسي اخذ ايدي تمدد وجرني
لصدره..

ليش تأخررت
عباس-غير امي وسالفتها بلوقت الغلط
شتريد منك ؟
عباس-سالفة
غير اعرف شنهي السالفة
عباس-خلي تولي
رفعت راسي لا ماتولي سولفلي
عباس-ويلي من عنادچ ماكو شي وعيونچ سالفه تضيج
الخلگ وماريد اضيچ خلگچ
يعني هسه انت ضايج
عباس-ليش هوه العنده غزاله ونايمة بحضنه هم يضوج؟
عباسس
-يفداچ
شبيك ضل بالي والله
اندارً عليه وحضني بأديه وگال صدگي ماكو شي لايضل
بالچ نامي..

من گال نامي استغربت معناه ماكو شي اليوم صح ضجت
بس ارتاحيت وراح الخووف حسيت بنعاس وغفيت ورى
شويه فتحت عيني عباس بعده گاعد ..

رفعت راسي بسته بخده وحضنته حيل وبعد مادري شصار
(شكرآ خاله ام عباس😑)
الصبح غافيه واحس النفس ينگطع واختنگ فتحت عيني
هوه گام يضحك يسد خشمي حتى اگعد ضربته بصدره ودرت
وجهي حضني وهمس يم اذاني صباح العسل ياعسل گومي
جوعان

مااااا روح ودفعت وجهه
عباس-وين اروح گومي يلا جوعان
حبيبي خليني نايمة
عباس-يروحلچ فدوة حبيبچ لچ گومي جوعان ساعه بــ٨
وانه مارايح للمحل
اهوو ماا
عباس-ماا مو خووش
واني مغمضه حسيته رفع الغطه حسبالي راح يروح چان
ينزل ويعضني من زري
عاااااا هاي شبيك
عباس-گتلچ جوعان ماترضين تسويلي ريوك راح اتريگ
بيچ..
لالا راح اگوم وخر
عباس-عفيه بنيتي ...وضربني راجدي
لزمت خدي وگتله هااي ليشش
گام لبس دشداشتة وگال بكيفي يلا حبيبتي متانيچ جوى
خليته يطلع رجعت نمت فتح الباب وصاح غزل والله اجي
اكلچ انتي

لا گايمه گايمه شمرت الغطه وگمت لبست ونزلت وراه
لگيت عمتي ولبنات گاعدات يتريگن صبحت عليهن
ردن هنه بس نوال ماردت
عمتي-اليوم متأخر يمه
عباس- اي يمه اخذتني النومه
عمتي-ايي يمه شلون ماتاخذك النومه وانتم لنص اليل
اصواتكم طالعة..
عباس-هااا يمه واگفه تتسنطين علينه؟
عمتي-شمالك يمه جاهل انه واتسمع عليكم
عباس-لا يمه حشاچ ماگلت هيج بس حسبالي تردين تگعدين
ويانه..
عمتي-كافي عليك هالجاهله هاي ساعه تعض ساعه تزگط
عباس-ههههه والله عليچ سوالف يمه
يسولفون وانه واگفه يمه وصافنه عليها رجع گال
غزالي يلا جوعان اخذ ايدي وباسها..
ابتسمت وگتله صار حبيبي رايحه اسويلك
هيه بقت تباوع بطرف عينها يمكن صدگ واگفه تتسنط علينها
صدگ ماتستحي
وگفت اغسل وجهي طبت نوال دفعتي
هاي شبيچ
نوال-الله واعلم شسويتيله وقشمرتي
ماسويتله شي حياتي اخووچ من غيركلشي يموت عليه
وشما تسوين ماراح يصدگچ الله واعلم علهةى شنهو ناويه
نوال-ناويه على خلاصچ ...مدري على شنهو شايفه روحچ
وانتي وحده دايحه
ههههه الحمدلله والشكر روحي بابا روحي تأخرت اريد اسوي
ريوگ لحبيبي
نوال-سوي ليش لا يجي يووم وتطلعين منا برجليج ياا غززل
عفاتني وطلعت وبقيت اهز بيدي هاي مدري منهو مسلطهاعليه
مدري كاتلتها الغيره عنست واني تزوجت
خليت الطاوه ودخلت تصيح فرح احم احممم
هاا فروحه
فرح-ايي عيني مطورين الجماعة
هااا ؟؟
أشرتلي بعيونها على رگبتي باوعت ورحت على جامه الباب
وشفت رگبتي صايره خريطه الوطن العربي هيه وصدري
وچتتفي عاااا هاي شنوو؟؟؟
فرح-هههههه اندري شنو سألي روحچ
ههههه صخام شگد عيب من عمتي
فرح-وليش عيب چاا بس ذاك اليوم ندى ضحكتلها
ميخالف زحمه فروحه عينج على الطاوه اجيب شالي واجي
فرح-ماشي
صعدت ركض صاح عباس غززل وين
هاا حبيبي ثواني هسه جايه خليت الشال على راسي ونزلت
خلصت الريوگ واخذته اله بلهول وگعدت وياا..
اشرلي بعيونه ليش لابسه الشال ؟ نزلته شويه وطلعت رگبتي
هوه ضحك ودنگ راسه ياكل
عمتي-اگلچ غزيله
هااا عمه
عمتي-سمعت ماخذينچ لبغداد لدكتور يادكتور؟
عمه مو دكتور رحنى زرنا الامام الكاظم عليه السلام
عمتي-يااا چاا ليش ماحچت امچ اروح وياكم؟
والله عمه مادري يجوز نست
عمتي-لا مانست بس امچ خبيثه ماتحب غيرها
عباس-يمه شنو السالفه
عمتي-هاا يعباس اشوفك ماترضه احچي على ام مريتك
عباس-يمه عمتي ام محمد مره عمي وام صديقي قبل لا تصير
ام غزل
عمتي-لا والله انت هالايام مدري شلونك صاير
عباس-يرحم اهلچ حجيه خليني اتسمم وراي روحه للمحل
عمتي-اسم الله عليك يمه لا دگول هيچ برت شمالك صاير
ماتتحمل كلمة
عباس-غير انتي يعني هاي سالفه تسولفينها من الصبح؟
عمتي-دخيلك ياعلي ياچلمه ردي لمچانچ اني اگوم وضلوا
اكلوا يمكن گعدتي يمكم ثگيله عليك
حيل ضجت ونغثيت منها يعني واحد يصبح بهيچ شكولات
شلون الله يوفقه بعد بقيت صافنه واخوط بلچاي..
عباس-غزال
هاا ؟
عباس-اكلي بوويه اكلي امي سوالفها ماتخلص مادام شافتنه
مصافين راح تضل كل شويه تنط فوگ راسنه
عباس گوللها تحچي عليه بس لا تجيب سيره امي
عباس-اني احچي وياها وعيونچ بس لا تضوجين وتريگي
هزيت راسي أي ومديت ايدي رفعت الگمه فتح حلگه
هههه هاا
عباس-وكليني
يااا هههه
عباس- وجعاا بگلبي وكليني
ماا عيب لا تجي وحده من البنات
عباس-محد تجي لا تخافين
لا عباس والله زحمه لا تچفت عمتي
صاح بصوت عالي فررررح اجتي تركض هاا خويه؟
عباس-بعد اخووج ماتسدين الباب
فرح-ايي صار
سدت وطلعت
عباس انت شسويت
عباس-مو عيب وخاف تجي وحده هسه بعد محد تدخل
يلا وكليني..
ههههه والله انت مخبل
عباس-من وراچ غيير يلااا
ايي ايي يلا افتح حلگك
رفعت الگمه خليتها بحلگه باس ايدي جاي اكل فتح حلگه
هم خليتها بحلگه عض اصبعي
ههههه يعني شلوون نبقى هيچ
عباس-مشكلتچ اليوم عقابچ توكليني
وباچرر شنو عقابي
عباس-الله واعلم بس خليچ مستعده
هههههههه
خلصنه الريوك شلت الصينه صعد وصاح غزل
ايي جايه وراك عفت الصينيه وركضت وراه لگيته
يريد يخابر..
إشرلي يريد ملابس فتحت الكنتور طلعتله دشداشة وغتره
وخليتهن على الچربايه سد التلفون..
عباس- غزالي مالچ شغل بأمي خليها تحچي وتسكت وحدها
صار حبيبي
عباس-اروح فدوة لبنيتي التسمع الكلام
مو تتأخر
عباس-ان شاء الله الضهر تلگيني يمچ
ماشي