نهوة عباس

البارت الآۆلْ

[في قلعه العشق انت ملكي
بقلمي فطومة• لَـو بَـﭼـُوني ككل ٲلنـَآسس" 😻💭 • ٲريَـدك ٳنـَت تِسسعدنـِي ♥🌸]

#نهوه-عباس-(عشقت نهوتي)
الابطال_ عباس عمره 28
غزل عمرها 20
يا بعَدنـِٰي وعيُّن عينـِٰي
يا حـُِنين أهلـِٰي وحــِنينَّي .!

ولكم الله واكبر ...هاي كل الناس مثلكم لو بس انتم هيج
انزل من الدرج واني احجي وصوت الردح جايب التايه
دخلت للاسقبال وكوه فاتحه عيوني وماكو واحد بلعشيره
ماجاي يمنه

ابوي ..هلا بويه تعاي
وين اجي بابا صدك عود ؟؟ انتو ماتخافون الله
مريم .. ياا هاي شمالهه من الصبح
طلعي منه ست مريم ...بله بشرفكم ساعه ب٦ ونص اغاني
وردح صح عرس بس همه كالوهه هيج

امي- ولج يمه دسلمي دصبحي موعيب
علساس انتم تعرفون العيب ماتخافون الله الف مره كلت
ياناس ياعالم هاي اخرر سنه اليه ارحموني حرام عليكم
ولكم سادس تعرفون شنو يعني سادس لا متعرفون حدكم
للسادس ابتدائي وبس

محمد-ولج كافي اخذتينه بلسانج من الصبح شماكله
ماكله سم وزهر والله العظيم وكلكم تسمعون اذا نزل
معدلي هاي السنه اهج من البيت

كلهم ضحكون بصوت عالي احجي ومعصبه ومامنتبه
عمامي كاعدين ومن ضمن الحضور شيخ عباس وعينه
عليه ههففف ابن عمي شكد لزكه

ابوي- ولج بويه دتعاي حطي لكمه بحلكج شلون تروحين
تمتحنين
ماريد سم
التفتت ردت اطلع وصار بوجهي ..احمد
احمد-شبي الحلو زعلان
مابيه عوفني حالك حالهم انته
احمد-ولج توني نزلت شكوو
بله بشرفك هاي سوايه مانايمه البارحه بس ساعه يمكن
اقرا وتالي اكعد عله الردح وين الديانه وين الحرام؟؟
احمد-شيسوون فرحانين
وانته وياهم اكيد
احمد-ولج شلون لعد غير عريس يمكن ماتردين افرح
هااا اني كلت هيج ..بس انته تعرف السادس شكد صعب
احمد-ايي والله حقج ...

رفع راسه وصاح يابه نصو هذه شويه غزوله
وراهه امتحان صعب خطيه
رجع دنك وكال لعيونج حته العرس الغي ولو ماتستاهلين صار اسبوع ماجاي للبيت وحته ماكلتي الحمدلله عله سلامتك
اووف والله نسيت رفعت نفسي ع طرف اصابعي وبسته
بخده الحمدلله عله سلامتك خويه والله دايخه

حقچ غزوله مد ايده بجيبه وطلع علبه بيه سوار ذهب
ولبسنياهه وكال الذهب للذهب ياغاليه
حضنته وكتله فدوه اروحلك
وكلهم يباوعون والي يكول ياعيني الله يحفضكم
وابويه مبتسم وصافن صح عندي خوان غيره بس
علاقتي بيه قويه3

يمكن لان هوه دارس وفاهم واعي ولهذه حلمي اتزوج
شخص دارس لان راح يكون واعي مثل احمد ويفتهمني
واخلص من همجيه اهلي وتعصبهم

فرحانه والعب بلسوار شكله نازك صح عندي كومه ذهب
بس الناعم يجذبني
عيني صارت عله عباس صافن عليه شلون اباوع لسواري
عفتهم وطلعت صعدت فوك سبحت وبدلت وماخليت ايه
ماقريتها اوووف امتحان كيماء يعني دمار وشكد اكرهها
وكلشي مافهم منها
نزلت ولكيتهم مطفين الديجي همزين..
خطبه وهيج لو عرس شلوون