نهوة عباس

البارت 16

عباس-يم اهلها
شوكت ترجع
عباس-چنت ناويه وره السبعه اجيبه بس على هاي الوضعيه
ليوم اروح اجيبه
ياوضعيه ؟؟
عباس-عبالي عندي مره ثانية تاخذ مكانها طلعت غلطان
ضجت من كلامه انداريت انطيته ضهري حسيت بيه تقرب
ماتحركت بقى يتقرب لحد ما طبك صدره على ضهري
ردت اتقدم خله ايده على بطني وثبتني اني هم جمدت جر
القراصه من شعري وفرش شعري وخله راسه عليه يشتم بيه
من لتوتر حسيت الهوى ميدخل بخشمي فتحت حلگي حتى
اتنفس..

عباس-ليش ضجتي
ماضجت منو گلك ضجت
عباس-مبين عليچ.... بعدها ماجتي وبدت الغيره
باوعتله بطرف عيني هوه ضحك گال هاا
اغار منو اني
عباس-ايي حجاره انتي وينج وين الغيره
وخر ايدك عباس
عباس-ماوخرها وتبقين هيج انام واكعد يلا
يعني غصب
عباس-ايي غصبببب .....ليش تعذبيني
اني
عباس-لا ابوي ليش تشلعين گلبي وانتي تعرفين شگد اعزچ

سكتت ماجاوبته هوه هم سكت ورى شويه تقرب عليه اكثر
سحب نفس من رگبتي وگال غزالي احبچ ..
واموت عليچ بنيتي..

هناا گلبي گام يرگص  بس ماتحركت بعد
حسيت عليه غفه مبين تعبان مانايم يمكن بليل
شويه شويه انداريت عليه رايح بسابع نومه ملامح وجه
تجذب حييل واسمراني سماره مملوح تذكرت من گال عندي
مره ثانية

ليش ضجت من كلامه عود صدك بديت احسبه رجلي واغار
عليه لا ربحنه حاولت اسحب نفسي من جوه ايده بكل طريقة
ماكو قافل عليه حتى هوه نايم ماينطي فكه استسلمت وغفيت
بين اديه..
گعدت العصرعلى صوت دگه الباب فتحت تك عين وهوه
رفع راسه صاح منوو؟؟
فرح-خويه خطار جوه وامي تصيحلك
عباس- جااي
نسيت روحي ورجعت كملت نوومه انوب تذكرت فتحت
عيني لگيته مبتسم بوجهي وعيونه ناعسه گمت بسرعة
عباس-لازم تخربين اللحظة
اصلا ماردت انام بس انت ما طيتني مجال اگوم
عباس-ايي لازم تتعودين گام وگال حطيلي ملابس اسبح
بقيت صافنه بوجهه
-غزل
هااا
عباس-ملابس اسبح
بس اني ماعرف شتلبس
عباس-يعني اليدخل للحمام شياخذ وياا ؟
فتحي الكنتور وراح تعرفين
طلع وسبقني للحمام گمت فتحت كنتوره ياربي والله استحي
امد ايدي للداخليات مالاته واني مغمضه جريت شورت وفانيله
ومنشفه وركضت وراه لگيت يسبح دگيت لباب فتحه والمي
مغرگه مديتهن اله ودرت وجهي جر ايدي
گتله هااا
عباس-وجعااا صوتچ ...فوتي شوي
ليشش
عباس-ساعديني بلسبح
جاهل انت واساعدك
رفع ايده وغمني اخذ لملابس وسد الباب
رجعت للغرفه واضحك على روحي اني شوكت الزم لساني
رتبت الفرشه وكعدت اتذكر شلون جان نايم واني يمه
طلع وگف باوعلي..
هزيت راسي...
عباس-والله معدله لگيت ملابسي گدامي محضره
هاي شلون ورطه ....اممم شتريد
عباس-بنطرون وستره يعني ماتعرفين البس دشداشه
رحت للكنتور فتحته يمكن اكو خمسين دشداشة بكل الالوان
بقيت صافنه شطلعله صار وراي وگال شو بنيتي اشووف
وهوه ينگط مي..
ردت اوخر مانطاني مجال ويگلب بلدشاديش اخر شي
گال  برأيچ يالوون احلا؟؟
گتله هااا ورفعتله راسي
دنگ باوعلي مبتسم گال يالوون
مادري ؟
عباس-بلچذب كولي فلان لوون
باوعت وجريت وحده سوده رفع حواجبه مستغرب وگال اسود ؟
اييي حلوو لون الاسود
عباس-ولو مو راهمه عريس لابس اسود بس يلا لخاطرچ
جيبيها..
اخذهه ولبسها گتله وليش مو راهمه اصلا الاسود سيد الالوان
عباس-ادري بس احنى تعودنه على هاي العاده الاسود بس
للحزن..
فتحت لكنتور اطلعله غتره
اصلاً الي يفكر هيچ ماعنده ذوق
الاسود احلى لوون عندي نسيت لون عيونه اسود وگلت
خصوصا العيون السود ويچملنهن رموش طوال وسود
يبووو فدشي..
خليت ايدي عله حلگي هسه عباله عليه احچي جريت الغتره
ونداريت اله لگيته مچتف اديه وره ضهره يباوعلي ومبتسم
عباس-بعد بعد كملي
تقدمت انطيته اله وكتله اصلا مااقصدي عليك لا عبالك
عباس-ادري هوه انتي وين مباوعه بوجهي ليگول عدوچ
لا ليش مباوعه والدليل عندك شامه فوگ حاجبك وشامتين
برگبتك..
وهوه مات من الضحك طلع يريد يحچيني
تقدم للمرايه شال مشط يمشط وكل شويه يباوعلي ويضحك
واني مسويه هيچ 😐 لبس ساعته ورش عطر
واجه يمشي عليه گال شامتين موو گرصني من خدي وطلع
واني واگفه مكاني مبتسمه مثل الثوله..
اخذت دشداشه ورحت سبحت وطلعت تمكيجت ورتبت
نفسي ونزلت..
لگيت خطار نسوان سلمت وگعدت ضلن يسولفن
وشلونه عباس وياچ ومن هلحچي بس الضوجني كلام عمتي
كل شويه وذبت بسمار الي فهمته من بساميرها عباس اخذني
غصباً عليه عفتهن وگمت ويه مره هاي بلمطبخ