نهوة عباس

البارت 14

عباس-حقهم بس منا وهيج لا تستغربون صرت رجل عمه
همه صافنين ميفهمون بس باقر جبير فهمه وگله يعني
راح تاخذ غزالي من عدنه
عباس صفن بوجه شويه وكله ولك شلون دكول غزالي
بكل برائه جاوبه چااا شگول
عباس-كول عمه
باقر مااا...مااا غزالي لان هيه غزالي
عباس-لاااا هيه غزالي اني
باقرر يعني انته هم تحبه مثلي
ضحك بصوت عالي انوب باوعلي وگال بسس احبها ؟
دگول مجنون عاشگ كول مخبل بحبها..
كلام عباس حرك مشاعر بداخلي صخنت صرت نار
مديت ايدي للمي طفر قبلي جابه وصبلي بكلاص اخذته منه
ايدي ترجف

عباس-شبيج غزل
مابيه
عباس-شلوون مابيج ايدج ترجف وجهج احمر
شربت شويه وطيته للجهال مابيه والله بس
عرفني خجلت ...سند ايده للكاع وكام كال الحمدلله اخذي
راحتج بنيتي
قبل ليطلع باوع لباقر وكله تره هاي غزالي خوووش

طلع وبقت عيني عليه من شوكت تحبني هلحب يعباس
ضحكت عليه شلون حط عقله بعقل جاهل للضهر بيتنا
انترس ناس كل شويه طابه مره مسلمه عليه حييل تعبت
صايره اتعب بسرعة..
ورى الغده نمت كعدت العصر صعدت فوك سبحت
لكيت فرح مخابرتني رجعت خابرتها..

فرح-الووو
ومرض وسم كلها جتي وانتي ماكلفتي روحچ عابتلج دكولي
صاحبتي اروح اشوفه رادت تموت..
اسمعه تبجي وتناشغ
ياااا فريحه شمالج
فرح-وعلي بالي يمج وروحي لايبه عليج بس مو بيدي
لعد برجلج ليش ماجيتي اشوفج
فرح-ماعرف شكلج
شبيج فررح
فرح-مابيه عوفج مني انتي شلونج اخبارج شكالج لدكتور
بقينه نسولف شويه وحسيته مو طبيعيه استغربت لان ماجتني
مو من عوايدها كل يوم هيه فوك راسي اتمرض هيج ومتجي غريبه ؟؟
وام عباس هم ماجتي شنو سالفتهم

نزلت لكيت بيت عم بنين جوه سلمت وكعدت بقن يسولفن
ويگولن اكيد عين صابتج من الخطبه شافن شعرج واصل
لرجلج وعيونج مرسومه رسم سوالف النسوان الماتخلص
من طلعن رجعت تمددت غفيت كعدتني بنين اتعشه

شاويه صدر دجاج
اهوو شنو هذه بنين ماريده
بنين-حشه النعمه لج لدكولين هيج حرام
استغفر الله ادري بس ماريد
بنين-موو بكيفج لازم تاكلين اكل مبهرز حته سكرچ يستقر
اكلت جم لگمه وگتله الحمدلله شلت ايدي وطلعت اغسل
بلمطبخ وبلا حجاب دخل ستار ابن عمتي وگال غزل الله
يساعدج
هلا ستار شلونك
ستار-الحمدلله عله سلامتج عيني بيه ولا بيج
هههه لا اسم الله عليك ...بعدنه نحجي ودخلت ام عباس
ولبنات وياها

ركضت فرح عليه وحضنتها سلمت عله عمتي ونوال تباوع
لستاربطرف عينه مالي خلك سوالفه دخلت جوه وعفتهن
اجه عباس ياخذهن ماشفته لان بلغرفه..
طلعن شويه ودخل هوه بس عيونه بكصته..

بدون سلام گال شعندج ويه ستار ابن عمتي وبلا حجاب
هااا ؟
عباس-ومرض حجابج المن حاطته بعد لا تتحجبين وطلعي
هيج
والله ياريت
عباس-هااا هيج يعني الحجي صحيح
ياحجي عباس؟؟ شبيك جاي حامي
تقرب وجر ايدي كومني من الفراش
اخخخ ايدي على كيفك
عباس-اكسرها الج والله اذا ما أنتبهتي عله روحچ
جريت شالي وحطيته عله راسي
عباس-شسوين ؟؟
البس حجابي ...مو كلت تكسر ايدي اذا مالبسه
جر الحجابي من راسي وشمره بلگاع ...مريضه ماگدر
اسويلج ..
والله محد مريض غيرك
ورى اسبوعين اخذني عباس للدكتور..
وكال السكر مستقر وضعي زين ماكو خووف بس ادير بالي
بلطريق من رجعنه شفت عباس مخبوص بالاتصالات
صارعندي فضول وسألته شكوو ؟؟
گال يخابريعزم ويحضر ماضل وكت
ماضل وكت المن ؟؟
عباس-لعرسنة
نننعم
عباس-ينعم علي...شبيج
يعني تريد نتزوج هسه
عباس-لا شدگولين لو نأجله السنه الجايه بت الاوادم چا شتردين
بسس ليش هسه بعد وكت
باوعلي وهز ايده ورجع كال خلي ابالج اني جنت ناوي
ثاني اسبوع من خطبتنه اسوي العرس بس انتي وكعتي
عباس حرام عليك
عباس-لان اريدج يمي حرام عليه
بس اني ماريدك
خزرني وگال الحجايه هاي بعد لا تحجينها
ايي ماريدك ماريدك هيه مو گوه
عباس-لا ترديني وغصبن عليج
انت شنو من بشر يااخي موكوه الحب موگوه انته متزوج
وعندك مرة شتريد بعد
عباس-اريدج انتي ..شوكت تفهمين اني احبج وماشوف مره غيرج
بس انته اكبر مني بهواي
عباس-مو مهم العمر المهم انتي و بعد كبرتي واذا على الحب
تحبيني بعدين
هههه واثق حيل
عباس-غصباً عليج واثق ولو تفرين الدنيا ماتلكين ليحبج
ويدللج بكدي