نهوة عباس

البارت العاشر

مالي خلك روحي ولا احس بفرحه ولا شي اخذ كل فرحتي
رجعنه ونزلنه ونزلو العرسان وكامن يهوسن ويركصن
نسن السالفه نزعت البشت ورحت سلمت عله بنين طلع احمد
بقينه بس احنى حاولت الهي نفسي بشي وياهن بلمطبخ
حته انسى سالفه العقد على امل واحد يكدر يقنع عباس
صار العشه وتعشو وشيماء وفطم صعدن بنين..
هيه عرفت بيه شي وسألتني گتله بعدين وره شويه زفو احمد
وصار رمي وهوسه وطبو يهوسون بيه بلبيت
زفينا بصايه حيدر
زفينا بصايه حيدر

صح ضايجه بس ابتسمت على ضحكته فرحان حييل والفر
مبينه عله وجهه انداريت جاي ارجع للمطبخ عباس صاركبالي
وعينه عليه طبكت حواجبي ودرت وجهي بسرعه للمطبخ

خليتهم يطلعون وصعدت فوك بدلت دشداشهةونزت ويه البنات
اساعدهن جيب ودي حط وشيل هلكنه ب١٠ كل الخطار طشوا
والبيت نضف شوية من الهوسة والغراض تكسرنه تكسير..
طمأنيت وكلت نساالسالفه شويه وطب حيدر كال لبسي..
وتعاي للستقبال وكفت مثل الصنم ماتحركت..

مريم-سواهه صددك عباس
الاء-مريم مو وكتج اسكتي
شيماء-غزيله روحي بسرعه لا يجي يسحلج ستري علينة
جريت شالي وطبيت لكيت بس عمامي واخوتي وهوه كاعدين

ابو جاسم-فوتي بويه فوتي
دخلت وكعدت يم بابا
ابوجاسم-بويه غزل عباس اجل العقد جم يوم حسبي حسابج
يعني سبوعين تلاثه عقد وعرس
بقيت ساكته ماحجيت شي اصلا جنت متوقعة
ابوي-هاابويه اشوفج ساكتة
اذا انتم محددين حته موعد العرس شحجي بعد اني
ابوناصر-بويه غزل لا تسوينه كلش ماماخذينج للمصلخ
ابوجاسم-عله كيفك ويه البنيه خوية ابو ناصر زغيره وماتفهم
بعدهه ومدللهه اطوهه فكه..
ابوي-لااا غزوله سباعية وعاقله وتعرف مصلحتها كلش زين

همه يحجون واني حابسة دموعي كووه يحجون عبالك وي
طفله عمرها سبع سنوات ويقشمرون بيه ولا عبالك هذه زواج
يعني مسؤلية يعني كسران ضهر بقيت ساكته لان اعرف
اذا احچي اعم على روحي وكلامي ماراح يقدم ولا يأخر

شويه وعفتهم وگمت طلعت للمطبخ وعباس اجه وراي
وادموعي عشره عشره امسح بيهن وشهگ مثل الطفل
ماسيطرت عله روحي دخلت للمطبخ سحبني من ايدي
وگال

شبيچ؟؟
سحبت ايدي منه بسرعة ماحاچيتة طلعت من باب المطبخ
للكراج جرني بقوة وكال وين مولية
ردت اسحب ايدي منه ماطااني مجال واني ابجي واجر
النفس كوه گتله عوفني معليك بيه
عباس -ششلون معليه بيج واليشوفج شيكول
خلي يگول اليعجبه بس عوفني ....احجي وياا واسحب ايدي
ومارفعت عيني بوجهه
هباس-غزل لعني الشيطان وخليني احجي
صحت بيه عوفني عوفني مااريد اسمعك عوفني
عباس-غزل صوتج لا تصيحين كتلج اهدي خلينه نلغي

رفعت عيني بعينه وكله دموع بصوت مبحوح گتله
حرام عليك....والله حرام عليك تكسرني هيچ
شفت نضره عينه تغيرت اليه ومثل المنقهر من كلامي
عباس-اني اكسرچ يغزل...اني؟؟
ايي انت اييييي مو بس كسرتني حطمتني ودمرتني والله
بعد شتسوي اكثر من هيج يوم اسمع انواع اشكال منك
اهاين ورزايل وكلام جارح ضرب وتضربنس كل احترام
ماعندك اليه وهسه جااي تكمل تحطيمي من تجبرني اتزوجك