نهوة عباس

البارت الخامس

وضميت السوالف غصباً على الروح ،
ﻷن أدري الصدگ من ينحچي يبزز .💔

عباس-اروحلچ فدوه بس انتي التحسين بيه جدة
باوعتله وهزيت ايدي شفته ركز بعيوني درت وجهي منه
رفع راسي بيده وگال شبيهن عيونچ ؟
ماابيهن شي عوفني
عباس-شلون مابيهن وهنه حمر دم صايرات
دفعت ايدة ودرت وجهي
عباس-چنتي تبچين مو ؟؟ بچيتي من وراي
سكتت ما حاچيته تقدم عليه وبصوت ناصي گال
ليش تخليني اأذيچ ليش تخليني امد ايدي عليج
وانه ماريد هيج شوكت تكبرين وتعقلين عاد مو والله شليتي
حال حالي
وانه ساكته مااباوعله حتى
گال مو احچي وياچ حاچيني ؟

مخنوگه بس افتح حلگي ابچي
جر حسره وگال اخخخ ياگلبي ..ماگلچ شي بس الله يحط ربع
الوجعه البيه بيچ بلكي ساعته تحنين عليه

عافني وطلع بقيت ابجي وامسح بدموعي لحد يجي ويشوف
يهضمني ومن ابچي يسألني شبيچ دسأل روحك أول

گالت جدتي ..ولج غزيله شمالج وي الولد
جدة انتي كاعده
جاا حسبالج نايمه !! وسمعت كلشي ليش تعلعلين كلبه
جده مو قصدي والله بس اني ماهاويته ماريدة واريد
اعيش حياتي
جدتي-ولج هي حياة التحجين عنها يمفلوكه ؟؟
عايشين بأوربا احنى ودورين حيات تلاحكي لروحج وصحي
من احلامج يمعزايه عباس رايدج عمرلو بس تفتحين دماغج
هذه جان صار براسج حظ تشوفينه شكد يحبج وين اكو واحد
مثله يضل متانيج كل هلعمر والشيبات اكلت راسه اكل بهلوكت
ماكو زلمه يحب ويوفي مثل هلحب ياخوفي تاليتج توكعين
والوكعه چاايده يبنيتي

جدة ابوس ايدج سدي الموضوع مو انتي هم عليه
جدتي-سديناا لنشوف تاليتها وين يصفى بيج الدهر
كومي ميلي عني اريد انام وسدي وراج الضوه

هااا هيج صارت قبل شوي عباس دكليله اخذ راحتك
جدتي-ولج عباس رويحتي انتي بيش كيلوو
اييي عيني حقج طالعه طالعه

عفتهاوسديت الباب ورحت للمطبخ ويحه المعلاك ترد الروح
سويت لفه وگعدت اكل مدري شلون الي نفس اكل
يلا ميخالف الياكل بضرسه ينفع نفسي ..
اسولف ويا روحي واضحك

ساعة١١ونص تقريباً الكل طش وراح لبيتة ضلوا
بس ولد عمامي وجماعتهم وي اخوتي..
واكفه اغسل المواعين وي مريم طبعاً عله النص طفرت
بحجه جهالها بقيت اغسل وحدي..

دخلو عباس واحمد رادو چاي غسلت ايدي
وخليت القوري عله النار
ماحچواشي همه گعدوا وبقواساكتين وانه هم سويت نفسي
ماشفتهم مانسى موقفهم قبل شوي ضوجوني

احمد-غزل بنين رادت رقمچ اطي الها
هزيت راسي بأي
عباس-بس اطيها خبر الرقم ماتطي لأحد
احمد-أمن بنين تعرف وضعنه كلش زين
رجع كال يلا بويه چاي باچ هوه
غسلت ايد وحضرت الستكاين ..وصبيتلهم
اخذته وخليته گدامهم ورجعت لمكاني ..
عباس-شوكت العرس احمد؟
احمد-بلعطله غير بين ما تخلص غزوله امتحانات
عباس-هيچ وتخلص امتحانات ونفتك من هلمدرسة الگشره