نهوة عباس

البارت الثالث

ضحكنه صاحت نوال
نوال- ضحكنه وياجن
جاي نضحك عليج خيه
نوال- شنهووو
فرح-فلك صابج غزل لا هيج مالج شغل بيها تدرين
تحب تشاقه

بقت مطنگره طول مااحنى گاعدين سوى وتخوزر..
تريد تضحك ويانه هيه الغاگه..

صبينا العشا وانخبصنه خبصة اخت الجذب ..
جيب المي ودي التمن حط الخضره اخذ الخواشيگ
خطبه وهيج عرس شلون انه اذب استقاله بلعرس
لاعرفهم ولا يعرفوني

كملنه وكعدوا يتعشون كل الخطار بقينه بس اني وفطم والاء
وطبعا مريم بعد ماشفتها..
واكفه بلمطبخ اسوي جااي والاء تريد تصب بعد ماعون
دخل عباس وصااح ..يول غزل ناوشيني بعد ماعون تمن من يمج

التفت على لاء گتلها من يمج اطي
الاء- ايي خويه جايتك
راحت ناوشته اله وراح ورجعت صبت غيره ودخلت جوى
رجع مره ثانية وگال بعد بعد واحد

هسه تجي الاء وتصبلك
عباس -وانتي شنهو شغلچ
گاعده وساكته
عباس -چاا خووش دصبيلي ماعوون
گتلك هسه تجي الاء
عباس-ولج صبيلي من يمج عيب الوادم متانيه بله هاي شغلة
رجال طول بعرض اركض مثل الصبي اخدم بلوادم
اهوو عباس ماتشوف جاي اسوي بلچاي
عباس-ديلا تخترعين الذره هوه چااي دعوفي وصبيلي
يبت الحلال والله انشلع افادي

عفت القوري يجري المي عليه ورحت صبيتله مشيت بسرعة وضايجة مديت ايدي اله حتى ياخذه واني دايره وجهي
بس مااخذه باوعتله شفته مبتسم..

رفعت حاجبي ..هاااا
عباس-وجعاا.. كل وكتج مبوزه شوكت تضحكين بوجهي
عشم ابليس بلجنه
عباس-ههههههه صدك عود ؟ وليش هيچ تكرهيني..
منو كالك اكرهك بس انته مدري شلونك
عباس-لا والله انتي المدري شلونج ..شوكت تفكين عينيج

بعده يحجي وصاحوله عباس  وراح يركض
ضحكت عليه
صدك عود ليش هوه كام يخدم مو من عوايده؟؟
يجوز شاف الولد مخبوصين رجعت خليت القوري على
الناروصبيتلي ماعون وكعدت اكل حتى الجوعة راحت
بـٰـعدني  اتزقنب وطبت ام عباس
ام عباس-هاا ولج تاكلين بوحدج
ايي عمه كاعده يم الچاي
ام عباس-ايي بعد عمتج كوون چاي ثگيل يعدل الراس
تأمرين امر عمه
ام عباس-مايأمر عليچ ظالم
اكلج عمه ولا وحده من چناينچ حظرت ليش ؟؟
ام عباس-والله يعمه مره هادي راحت لاهله دگول صار هواي مارايحه وبدت العطله بعد ومره عباس ماهي طويبه اضن
اتنسى

هااااتنسى ايي بلخير عليكم مقدما
ام عباس -بعد گلبي هيچ واشوف اوليد عباس بحضنة
يرادلها بخت
ماكو شي بعيد عن الله عمه
ام عباس -ونعم بالله ...غزيله الجاي ثكيل هاا
من عيوني عمه
ام عباس-تسلم عيونج الحلوه

راحت وبقيت اصفن..
وين الله وتطلع صددك حامل وافتك منه..
بلكي يلتهي بمرته وارتاح

خدر الجاي وحضرت الاستكاين وخليت الشكر..
دخل باقرابن محمد وكال عمه جدو يكول الجاي الجاي

كله الجاي موجود اصب هسه ؟؟
راح ورجع يركض
عمه يكول جدو ايــي اي صبي بساعج
صار هسه اصب روح صيح لواحد يجي يااخذه
التهيت اصب بيه..ودخل سجاد ابن عمي ابوناصر
هاا غزيله صبيتي
سجاد لا تصيحلي غزيله مره ثانية ترى احط القوري براسك
سجاد-ولج احترمي اني اكبر منج
دحترم انته بالاول وعود احترمك
سجاد-بوووويه موش اللسان خلصتي اطيني اخذه للزلم
هاك اخذه شلت الصينيه خليته بايده
وكمت اصب بلثانيه اترس الاستكاين ...دخلت نوال

نوال-اييي هذه الجاي النا
لا حبي مو الج للزلم
نوال-جاا خووش عود صبيلنه وياج بداعتي
خدمي نفسج حبي
نوال-كبر شبيج هوه استكان جااي
چا اذا هوه استكان چاي صبي لروحج يبعدي
نوال-غزيله تصبيلي جاي وتجيبينه وراي وغصبن عليج
نجوم السما اقربلج يروحي
نوال-خااب شووف هااي على شنو شايفه روحج بله
اهووو نوال يرحم اهلج طفري من كدامي
نوال-والله عاادي بكيفي ابقى اروح ميخصج

عفتها وانداريت كلش مالي خلكها شكد غثيثه
مدت ايدها رادت تاخذ استكان خبثت وياهه ودفعتها

هي هي وين ماده ايدج هاي الصينيه للزلم..
هسه يجي سجاد ياخذها
نوال-هوه استكان واحد شبيج عود صبي غيره
لو خاشوكه هم مااخليج تاخذينها ذن يمج الستكاين وصبي لروحج
نوال-لا بله اله اخذ من الصينيه واشوف شلون ماتخليني
نوال ولي من كدامي مالي خلكج
نوال-انجبي ولي من كدامي شنو احجي عدل وهسه تطيني واحد
عطت بيهه طركاعه الله وخري مني ماطايقتج

دخل عباس وصااح  هي هي انتي وياهه خير

نوال-خوويه صار ساعه اتوسل بيه على استكان جاي لامي
ماتطيني
بقيت صافنه عليه فلشج يلعرمه

عباس-غزل شجرالج صدك جذب
يعني من كل عقلك ماخليه تاخذ استكان جاي لامك؟؟
دحلفها بروح ابوك هذه الحجي صح

عباس-نويله تحجين صدك لو تتبلين ع البت
نوال-اتبله عليه شنهو بكدها انه مو بكبر اخته شيماء بس هيه ماتحترم ومامخليه حشمه لاحد وكلكم تخافون منه على شني
مادري

نزلت جم دمعه ولافت السالفه علينه وراحت ..
بقيت اهز بيدي
عباس-شوكت تجوزين من سوالفج
باوعتله من فوك ليجوه ونداريت شلت الصينيه

يتبع 🌸