نهوة عباس

البارت السابع

من وسام گال هيچ احمد خزرني بعينه بقيت جامده مكاني
شصخمت اني وشحچيت بسرعه لاف السالفه وغير الموضوع
من الفشله ماا ركزت وياهم اجن بنين وباجي كتله بنيني اخذيني
منا صعدنه فوك لغرفه نام بيها ولزمتني
بنين-تعالي وج شمسويه
ولج بنين صخمت ولطمت وگعدت احجيله
بنين-هههههه خرب غيرتج غزل ولا تلزمين لسانج
اني شعليه اخوج استلمني تحقيق واني تدرين بيه كلبي
مورم من عباس واهلي
بنين-والله وسام حباب ويحب سوالف العوائل ومشاكلهم
لان محد عايش يمهم وتلگينه تونس بسوالفج

ولج ادري ادري بس من حجه لاحمد خرب كلشي
بنين-لتخافين اذا يحجي احمد اني افهمه نامي نامي هسه

گتلها منين راح يجيني النوم شو بس حطيت راسي
رحت بسابع نومه من الفره والمشي مافتحت عيني اله الصبح
ساعه ب٨ ونص لكيت بنين تلبس ملابسها
صباح الخير
بنين-صباح الحب والغزل عود جاي اصحيج بس صحيتي
وحدج..
ليش احمد كالج نروح
بنين-ايي هم يالله ازدحامات بغداد ما تنجرع
ماشي كمت دخلت للحمام وغسلت وطلعت بدلت ولبست
ونزلت يمهم
صباح الخير باجي
باجي-ياا صباح العسل على احلا غزوله ان شاء الله ارتاحيتي بنومتج
الحمدلله باجي نمت مرتاحة
باجي-ياارب دوم الراحة
اخذت منه قوري الچاي ودخلت للصالك وكلت صباح الخير
ردو احمد وسام كعدت يم بنين وسكتت خايفه من احمد
بس هوه طبيعي يسولف ويشاقه همزين  خلصنه ريوگ
وگمنه نلبس حتى نطلع تمنيت ابقى هنا عله بساطتهم ولا
ارجع لبيت اهلي وضيم عباس بس مجبوره سلمنه عليهم
ويسولفون شوية باب البيت رفعت راسي لكيت وسام صافن
بوجهي ابتسمت بوجه وهوه هم شويه وصعدنه وشغل احمد
السياره حرك..

طول طريق الرجعه افكر بي ماشاء الله طول بعرض
لحيه وتسريحة حلوه ومرتبة وستايلة يجنن والاحلى كلامة
اسلوبك مال واحد متفهم واعي چاا شمالهم الطرگاعه العندي
ماعدهم كل تفاهم سرحانة

وماحسيت اله وصلنه اهووو رجعنك فتحت الباب ونزلنة
احمد كال فوتن جوى واني ادخل العلاليگ
دخلنه اني وبنين
گتله اكلچ بنين شوو احمد بغداد ماگال فوتن عيب بس هنا

بنين-غزوله هناا الوضع يختلف هناك شفتي محد اله شغل
بلثاني بس اهنى اولاً المنطقه شعبية وثانياً اهلج ناس معروفين اخوتج ولد عمامج الهم معارف فهذا الشي عدهم ميصير

عبشت وجهي وگتلها شيصير لو نروح لبغداد
بنين-ههههه تردين ترحين هناك
والله ياريت واگعد يم باجي هههههه
بنين-امممم بس اخابر باجي اگولها غزوله اشتاقتلكم
هههه لا ولج عيب

دخلنه واحنى نضحك تلكتنه مريم الله يديم افراحجن خيه
بنين-حياتي تسلمين
عفتها ودخلت ادري بس احجي كلمة يشتغل لسانها وبعد
ماتلزمة

طبيت سلمت عليهم وصعدت بدلت ونزلت كعدت اشوف
لبنات ششتريت عجبتهن ملابسي حيل نطت شويمه من يمها
اكلج عباس يرضى بفساتينج هاي
سحبت الفستان منه وكتلها اله توكلينه خ..
شيماء-ومرض احترمي
يعني اجفصون ابطني وتردون اسكت يرحم امج عباس
شدخله؟؟
شيماء-ولج ماتعرفين عباس شنوو طبعه وعلي يحرم
عليج العرس
اهووو شيماء دكافي عاد لازم تخربين فرحتي
الاء-غزوله شيماء تحجي صدك عباس اذا شاف فساتينج
راح يخرب كل العرس عليج