نهوة عباس

البارت 20

ليش من اصيحك ماترد ؟
مو تدري كاتلني البرد
واتلمس حلوك البشر وين الحجاية الدافية💔

لا ..لا اروح منتظريني
ندى.وين تروحين موووعيب اول مرة تفوتين بيتنا واخلج
تروحين
بيتنا ؟؟؟
دخلت وياها واباوعله لابسه دشداشة ربع ودلعه وهيه صاحبه
صدر وصدرهه مبين حييل من الدشداشة وعدها زنود يعني
جسمه حلوو كعدت بلاستقبال وكعدت يمي..
ندى-والله تعبناج غزوله
باوعت بوجهة المفروض هسه اضوج وانقهر منه بس اني
بلعكس كلما اشوفها احبها اكثر وانقهر عليهالان اخذت منها
رجلها
ندى-شلوونج اخبارج
الحمدلله وانتي
ندى-اممم الحمدلله زينه ههه... تعذريني حبي
على شنوو؟
ندى-اوگفيلي شوويه وراحت تركض
طلعت ودخل عباس لابس دشداشة مال بيت لونه نفطي
وربع ردان بلا غتره ولا ساعه ولا محبس يعني بلا تكليف
على الطبيعه بكل بساطه اختنگت حسيت بغصه ذبحتني واني
اشوفه كدامها على طبيعته
عباس-شجابچ
عمتي قاطعني وگال عوفي عمتج على صفحه موو گتلچ الباب ماتوصلينه؟؟
بس اني شعليه هيه گالت وصلي الغده قابل اگلها لا
عباس-ايي دگولين لا ادري بأمي تلح چان خابرتيني واني
اجي اخذه
شلون افهمة كرامتي وغروري ماسمحولي ارفض سكتت
عباس-هاا اخرسيتي
هسسه ليش عصبي
عباس-يااللهي تعصي كل حرف احچي الها وترجع تلوم
عصبيتي لج بابا انتي تفهمين عربي هيچ اني مو بعينچ
وبكل بساطه تعصين كلامي
يعني شلون كفرنه كتلك امك كالت وصلي
بصوت اعلى گال..لججج حسچ لا تعلينه بعده مامكل كلامة
دخلت ندى ولزمته من ايده عباسس شنو سالفتك ؟ استلمت البت تحقيق على كيفك ..
وهوه سكت وبعد ماحچه شي بقيت صافنه اذا هيچ
غاليه عندك يعباس ليشش اخذتني ودمرتني ودمرتها
دخلت وگعدت يمي وبيده علاكه مرتبة خلتها بأيدي
شنووو هاي
ندى-فتحيها
مديت ايدي بلعلاگه طلعت علبه حجمه متوسط فتحتها
بيه تخم ذهب مداليه وسوار وتراچي بس كلشش حلوات
ندى-بلعافيه ..تردين الصدك صار اسبوع حايره شجيبلج
هديه بس عباس كال اخذيله قطعه ذهب احسن من غراض
الغرفه وهيج شغلات ومن رحنه للدكتوره اخذني عباس للمحل واختاريته يكول توه واصل يعني اول قطعه صارت من نصيبج
باوعتله مدري اضحك على روحي مدري ابجي على حضي
الخلاني بهيج موقف مدري اكرهها لو اكره عباس ماعرف
شلون طلعت مني كلمه شكرآ
بس ماكو داعي ...يعني كلفتكم
ندى-لا بلعكس اصلاً اول مادخلت محل عباس صارت عيني
عليه وگتله هذا اخذه الهة يعني نيتج صافيه ههههه ...بلعافية
هزيت راسي أي وگووووه ابتسمت هوه طبعا واگف باب
الاستقبال وجگارته بأيده
هوه واگف يباوع بعيونه وجگارته بأيده بس الله يعلم
شكد كرهته بذيج الساعه گمت گالت ندى وووين رايحه
هسه اكيد عمتي تنتظرني اروح
ندى-لاا ابقي عليح الله
لا والله ع غير مرة اجي اخذو راحتكم
اني ام لسان مدري شجاني هلمرة وماعرفت احچي الموقف
حيل صعب عليه ..
عبرت من يمه وهوه يباوعلي گال اوگفي اجي وياچ عفته
ومشيت اختنكت ردت بس اطلع عبرت لباب وندى بقت
مطلعت هوه لبس وصاح احاچيچ تاني شووي ..