نهوة عباس

البارت 19

شنهو الصارلك ﯠتغيـڕ سلوبك
يٲهو الصاحلك ﯛنسـيت محبوبك💔

ماگدر احچي ابتسمت وكمت هيه لزمتني گالت لا تجيبين شي
لا كلام عمتي صح الدنيا حاره اجيبلكم شي تبردون..
مشيت وهوه عينه عليه وضايج شتريد بعد ماتونست يم نداوي؟
طلعت عصاير وخليتهن بصينيه وجبتهن تقدمت وخليت گدامة
دنكت صارت عينه على صدري شو هذه ضاج اكثر..
عفته وحده قدمت لندى گالت تسلمين تعبناج
تعبج راحه بلعافية..
طبت ست نوال هاييي منوو نداووي شلونج واخذتها
مباوس ومحاضن..
اكص ايدي اذا تحبها بس هيج تغثني دخلت فرح هم سلمت
وكعدت يمي گرصتني
بصوت ناصي گالت ارتاحي هسه يغزالي راحت عليچ
نچبي حبي وخليچ محضر خير..
هههههه دشوفي عباس شلون لابس غير دشداشة
هنا نبهتي صددك لابس غير دشداشة يعني سابح فلك صابه ؟
احسس نار شبت بين ضلوعي سابح يعني صاير شي بينهم
ماگدر اوصف شعوري اذا صدك يتسمي غيره فهوه ابشع شعور
الوحده تشوف رجلها بحضن غيرها..
همه يحچون ونوال وعمتي يبسمرن بس ماسمعت ولا حجاية
بالي راح كلشش بعيد..
صاح عباس غززززل
هااا
عباس-شلقصة ساعه اصيح
ماسمعتك..
عباس-عمي خابرني باچر معزومين يمهم على الغده
حضري روحج من وكت
ماشي
عمتي-چاا انت وين رايح يمه
عباس-مارايح يمه بس اگلها خاف باچر ماشوفها الصبح
عمتي-يعني ماتبات هنا ليوم
عباس-لا ابات ابيتي ...يمه
عمتي-ايي يمه يم مريتك لازم تعدل بينهن صارلك اسبوع يم
غزيله هسه دور ندى هم اخذلك اسبوع يمها..
وگامت تكركر هيه وبتها الغاگه اشوف ندى دنگت مستحية
بس استاذ عباس عاجبه الكلام ماباوعت بوجه حتى
شلت الصينيه واخذتها للمطبخ دخل وراي هوه جر ايدي
شبيك
عباس-ومررض شلابسة
شلابسه شنوو غير دشداشة
عباس-وينه الدشداشة مااشوفها
عباس اذا تريد تتعارك فمالي خلكك والله
عباس-لج جاهل اني واتعارك وياج بگدج ماعندي شغل وعمل
اسمعي هاي الدشاديش مناا وغاد ماريد اشوفچ لابستها
ليش شبيها
عباس-مابيها شي بس ضيگه وگصيفه ودلعه نسيتي اكو زلمه
هنا..
مانسيت بس هادي مموجود من يجي عود البس طويل
( هادي اخو عباس وعسكري دوامه كل اسبوع )
عباس-هذه الحچي ميخصني هادي موجود ماموجود هاي
الدشاديش بعد ماتلبس مفهووووم ؟
سحبت ايدي منه وگتله والله مو بكيفك البس اليعجبني
عباس-خووش نشوف هسه محترمچ ماريد افشلج كدام
الگاعدين بس لبسي هيج بعد وشوفي
عافني وطلع انغثيت من كلامة واني منا ضايجه
اليوم جاب ندى وهيچ انگلب عليه بعد اسبوع شيسوي
دخلت للهول هوه گام وگاله يلا ندى هيه گامت
عمتي-وين يمه
عباس-يمه ندى عدها موعد يم الدكتوره اليوم واريد اخذها
عمتي-چاا ليش ماگتلي اخذهه مثل كل مره
عباس-يمه ماعندي شي فارغ وعدنه شغله نريد نگضيها
عمتي-براحتك يمه بلكي نسمع خبر حلو بعد رجعتكم من
الدكتورة عود مرولي
عباس-ان شاء الله يمه ...يلا ندى
طلع بدون مايلتفت حتى وهيه سلمت وطلعت ورا
واني اكل بروحي اكل متت صارت المغرب حتى صلا
ماصليت من حرگه گلبي نوال وامها بلغرفه ماشفتهن بعد
ونوره ملتهية بجهالها وفرح تحضر بلعشا واني وياهة بس
بعالم ثاني..
فرح-غزل شنو قصتج
اسكتي فرح احس مخنوگه
فرح-ياا شجاچ
مادري من شفت عباس وياهه روحي راحت
فرح-شفتي حتى تسمعين الكلام من واحد ينصحچ
اهووو فرح والله ماناقصتج
فرح- اسفه حبي مو قصدي والله بس انتي التتأذين بالاخير
ولازم تفهمين غزل عباس ماكو منه واذا بقيتي هيچ انتي
تخسرين
يعني شتردين اسويله مثلا؟
فرح-لا تسوين وكعدي وسكتي بس من يحاجيج اتجاوبي
وياا لا تركضين دكليله اكرهك ماريدك
بقت تسولف ويايه وتصبرني صارالعشا يمكن اكلت لكمه
مدري ثنين ب٩ونص صعدت المن باقيه بعد ..
خابرت اهلي وتاكدت منهم على العزيمه سديتة ورحت اختار
شلبس شفت مالي واهس سديت لكنتور..
احس بديت ادوخ وعيوني تغوش وحلگي رجع يابس
اعراض ارتفاع السكر
البارت الرابع عشر
بدت اعراض السكر عندي وحيل خفت يمكن لان ضجت
ارتفع شسوي ياربي مو مال اخابر عباس..
دزيت رساله لفرح تعاي بسرعة..
صعدت بسرعة هاا غزل؟
فروحه يمكن سكري ارتفع
فرح-صخام صخمني ليشش
مادري بس شو احس دايخه واكو نتله برجلية وروحي رايحه
فرح-هسه اخابر عباس
رادت تروح تجيب تلفونها صحت وراهه فرح تعاي لا
فرح-شبيج
لا تخابرينه
فرح-ليشش غير يجي
لا خلي مرتاح هسه عباله شسويت هيج لان راح
فرح-غزل خلي يكول الي يكوله هذه سكر مو لعب بس
اطيني ثواني..
فرح والقران اذا خابرتي مااحجي وياج للموت
فرح-شوف هاي ياربي لج تخبلتي بله تخربطتي شسوي
مااتخربط مابيه شي بس لان دخت كلت اصيحلج يمي خاف
يصير شي بس هسه مابيه شي
فرح-والله راح تخبليني
گابلتني وگعدت تفرچ برجليه 
-هاا يغزالي اشوفچ طحتي
لا دگولين غزالي عباس مايقبل
فرح-ههههه امداچ ..اذا هيج عباس هامج ليش شالعه گلبه
اوووف فروحه مدري شبيه تخربطت احوالي من سمعت
جاب ندى بس تردين الصدك ندى شلون تحملت تشوفه
يتزوج عليها؟؟
فرح-والله خطيتها برگبه امي هيه ركضت عرست الهم
من سمعته هيچ گالت گمت على حيلي وگابتله ...ايي كملي ؟؟
فرح-شكمل من شافت عباس مچلب بيچ وانتي ماترضين
صعدت عدها الحماوه وگالتله لو اني لو هيه وتمرضت
وصارت كلش وعباس ماهان يشوف امي هيچ وافق وهيه
ثاني يوم ركضت خطبتها سمعت بيه فقيره واهلها ناس على
گد حالهم
اممم گولي رادتها على گد ايدها وبنفس الوكت عود تكسر
خشمي..
فرح-الله يسامحها امي هيه تحملت ذنبها وتدري بعباس يحبچ
نسيت روحي وگتلها ...اخخخخ واني هم
فرح-هاااا شگلتي
هاا شكوو ماگلت شي يلا كملي تفريچ حبي
بقينه نسولف ونلغي لحد نص اليل صح تونست وياه بس بالي
يم عباس گلبي يوجعني حيل اخر شي نمت بحضنها وهيه دگول
انه مو عباس ترى..
صدك تعودت عليه ينام يمي غفيت واحس غصه بگلبي
فتحت عيوني الفجر لگيتها نايمه بس مخليه ايدها جوى راسها
مبينه چانت تراقبني خاف يصير بيه شي حضنتها بثنين اديه
وكملت نومتي..
فزيت على صوت حچيها هيه وعباس يكلها وليش ماخابرتيني
خوويه والله غزل ماقبلت گالت عيب
عباس-شنهو العيب يفرح هيه عقله زغيرانتي وياهه بله صار
عليها شي؟؟
فرح-شبيدي يخويه شبيدي تعرف غزل تخاف منك وخافت
اخابرك وتضوج واني بقيت يمها خاف تحتاج شي
عباس-لا حول ولا قوه الا بالله العلي العظيم ...هاي تموتني
يالله ترتاح..
دخل وسد الباب اني صحيت بس مغمضه عيوني ..
گعد يمي وباس راسي
عباس-غزالي نايمة..تمرضتي ومادري بيچ ؟؟
ليش ماخليتيهم يگلولي ليش تكرهيني هلكثر واني روحي
معلگه بيچ..
هوه يحچي واني عيوني صبت شلال حييل مغثوثة منه
تمنيت اگمز بحضنه واشبع بچي بس ماريد يگول حبتني
كام طلع وبقيت متمدده وكلامة ينعاد بأذاني بقيت شويه
وكمت نزلت جوى هوه ماكو.
فرح-صباحوو
هلاو صباحوو
فرح-هاا شلون صرتي
الحمدلله احسن
عمتي-ليش چاا انتي شبيچ
فرح-يمه يمكن ارتفع لسكر عدهة بليل
عمتي-يااا شجاج
مادري عمه بس شو دخت حيل
عمتي-ولج خاف من شفتي عباس راح يم مرته
فرح-يماااا
عمتي-وغمه چا چذب
لا عمه عباس شعليه بلموضوع بس اني صار هواي مارايحه
للدكتور
فرح-ايي عباس گال ليوم ياخذچ
عمتي- ياا وين ياخذها غير اليوم عزيمه اهلها
فرح-يمه منو احسن العزيمه لو صحتها
عمتي -فريحه ماتسكتين صرتي اله محامي ميلي عن دربي
هنه يتعاركن واني اباوع عليهن..
تريگت وماقبلن البنات اسوي شي وياهن وطبعا نوال يوم
تختفي مدري وين ويوم تطلع بس شنو تطلع تذب سم عليه
ساعه ب١٠ دخل عباس..
-صباح الخيرر
صباح النور
عباس-هاا بويه شلون صرتي
الحمدلله احسن
عباس-العصر من اهلج ونطلع للدكتور
ماشي
عباس-شو گاعده هنا ليش مامبدلة
هسه راح اصعد
صعدت وبدلت بعدني اخلي مكياج دخل هوه
عباس-لتكثرين مكياج
وين رايحة هوه لبيت اهلي ومن الباب للباب
عباس-ميخالف لا تكثرين الناس بلشارع تباوعلج
باوعتله وگتله مااااااا
هوه ضحك واجه صار وراي وگال اووف يعنادچ
و لج لا تخلين هواي ولعيون تصيرعليچ واضل انه احرگ
بروحي حرك..
وليش تحرگ بروحگ بله ..احچي واني اطوخ بلحمره على
عناده مد ايده رفع راسي ومسح الحمره ابوسه..
بقيت صافنه بوجه..
عباس-هههههه طعمها طيب
هاي ليشش؟
عباس-گتلچ لا طوخين بس ماتسمعين
جريت القلم ردت اخلي گال والله اذا خليتي ارجع امسحها
مثل هسه
باوعتلة بنضره بريئه..بس شويه
عباس-ولا هلگد
حبااااب
عباس-ابددد
يعني شلون اطلع هيچ ملطخة
گومني وگفني گدامة وبأيده گام يمسح الحمره من وجهي
وهوه مبتسم واني صافنه بوجه وگلبي يدگ يدگ يدگ
رفع عينه شافني صافنه غمزلي وهز راسةيعني هاا ؟
استحيت ودرت وجهي باسني بخدي..
عباااس
-ييفداااااچ ...حتى البوسه حرام
مو حرام
عباس-چاا شني ماتردين ابوسچ؟
هاا...لا مو هيچ...بس
-بس شنو ..حچاها وهوه يتقدم عليه وعيونه على شفتي
وانه خدرانه جوى أيده سحبني ورجع باسني بخدي وباسني
بشفتي بس مو مثل بوسه ذيچ المرة..لا احلى احس رجليه
صارن خيوط وبجسمي صارت رعشه شال شفته من شفتي
وگال بصوت ناصي..
كل يوم ابوسچ هيچ..بهدوء..برقه..لحد ما تتعودين على
بوساتي واني سرحانه بعيونه هزيت راسي أيي
گرصني بخدي حيل وگال هم يالله نروح
وطلع واني واكفه بمكاني مثل الهبله صافنه عليه وهوه
يمشي..
مادري شلون خلصت تبديل ولبست رايحه بعام ثاني..
نزلت وشفته بلهول يكلب بتلفونه ومخلي جگارته بحلگه
صفح شافني ابتسم وغمزلي طلعت عمتي وكالت يلا
طلعنا وصعدنا وعمتي صعدت يمه گدام وهوه عدل
المراية عليه ليشوفه يگول سايق وشاف بنيه حلووه
كل الطريق وهوه مبتسم اذا بوسه خلته هيچ اذا گتله احبك
شلوون
دقايق وصلنه البيت اهلي ولا تشوفون استقبال اهلي
ابوي واخواني الولد كلهم واگفين بلباب ..
نزلت وهمه من بعيد يصيحون هاااا غززللل
سلمت ع ابوي والولد واخر واحد احمد حضني ويبوس بيه
ماعافني غزوله
- مشتاق يول ولج لا تخابرين لا تسالين
وهوه حاضني جرني عباس من ايده
احمد-هاا عباس
عباس-كاافي احمد طمع هوه
احمد-هاا تغار عليها مني؟
عباس-اغار عليها من الهوى مااغار عليها منك
وهمه ماتو من الضحك بس اني صرت ماي من المستحه
دخلت وسلمت وسوالف وضحك وصار الغده وعباس مزاجه
عال العال واني نفسه كل شويه ارفع عيني واباوعله مثل
چني اول مره اشوفه..
صبت مريم الچاي واخذته اني الهم جاي اطلع أشرلي عباس
بيده رحت يمه گعدني وخله ايده على چتفي..
حسين- عباس تره ماراح ناكلها
عباس-خويه ابو علي مالك شغل
حسين-هههه هاا صارت هيج
ابوي-حسين شلك غرض انت بيه مريته وبكيفه
احمد-بس هيه اختنه قبل لا تصير مريته
عباس-چاااانت اختك هسه بنيتي
حيدر-ادور بنيتك ماتذكر عدك بنات
عباس-اخذ راحتك حدوري
وبقو ساعه همه يحچون بهذه الموضوع بس ماحجيت حجايه
يبووو يافشله الفشله ..
عفتهم وصعدت يم بنين فووگ
بنين -ايي عيني شكوو ماكوو سولفيلي
ماكو شي سلامتج
بنين-هاا منا منا
هههههه لا منا ولامنا صددكي
بنين-ايي وشلونه عباس وياج
يعني شنوو
بنين-يعني انممم
ماكو لاتخافين
بنين-يعني شنو ماكوو
يعني لهسه ماكو شي
بنين-عزه العزاج يعني شنو ماكو شي
يعني بـعدنه لهسه ممسوين شي
هيه بقت صافنه بوجهي ومصدومه
بنين-زين ...ليش...اذا عمتي سمعت تگلب الدنيا
مادري بنين مادري ماگدر اتقبله والله
بنين-شنو الماتدرين غزل ؟؟ شگد عيب هسه شيگولون عليچ
محدد يدري بس انتي هسه عباس ماحچه لاحد
بنين-لعد شگد يحبچ وساكت لهسه ..لج ليش هيچ تسوين ليش
تضيعينه من ايدچ ..
بقيت ساكته وماعرفت شجاوبها وهيه بقت تحچي وتسولف
وتنصح بيه صح كلامها حلوو ونصائحها اليه تدخل لگلبي
بس اني احس بعدني رافضه تقرب عباس اليه ماگدر اتخيله
يكشف على جسمي ويتلمسني هيه بوسه ومدري شلوون رهمت
نزلت وعباس گال خابرت وحجزت نروح للدكتور بس
مگال لاهلي تخربطت بليل ...ودعتهم وگلهم اجيبها الاسبوع
الجاي وطلعنه للدكتور..
بلطريق هوه يباوع الي بس اني عيني على الناس ماباوعتله
وصلنه وبسرعه دخلنه والدكتور سوالي تحليل وفعلا طلع
مرتفع السكر واخذ عباس حچه وياا على صفحه ماسمعته
كتبلنه علاج وطلعنه طبگ عباس بنص الطريق بمكان
شبه فارغ
ليش وگفت
عباس-شبيچ
شبيه ...مابيه شي
عباس-شنو لمضوجج ليش مرتفع سكرج لبارحة
دنكت وحرت شحچي اگله فرفحت روحي عليك رادتك
صدگني مابيه شي بس احس روحي تعبانة
عباس-غير اكو سبب لتعبچ ؟؟ اخذ ايدي وگال احچيلي
شبيچ؟
يعني واذا حچيت شراح يصير
عباس-يصير هواي اولهم ترتاحين ويخف الهم عن گلبچ
مدري شبيه خنگتني عبرتي وبچيت احس روحي ضايجه
منه بس اريده..
هوه تسودن فتح الباب واندارلي من الجهة الثانية
وتقرب مني حيل تخبل شلون ابچي..غزل شبيچ.. ليش تبچين
هزيت راسي مابيه شي ماگدرت احچي..
رفع وجهي ومسح دموعي وكال غزالي ..ليش هلدموع
حاچيني؟؟
ماا...مابيه شيي...بس شويه مخنوگه
عباس-ايي غير اعرف ليش؟
مادري عباس مادري ..عوفني
عباس-ولج شلوون اعوفچ وانتي تبچين بلايه سبب شجرالچ
الضهر چنتي شحلاتچ تضحكين وتسولفين
هه اضحك من ضيم گلبي
عباس-اه ضيم گلبچ ...سلامه گلبچ يبعد گلبي
غزالي حاچيني شبيچ
اووو عباس مابيه شي الله يخليك رجعني للبيت
عباس-صاار وعلى امرچ نرجع بس لا تبچين ولا تغثين روحچ
صعد ورجعني للبيت بس بقيت اغم روحي شمالني ضعفت
وبچيت گدامه؟؟
هسه يلزما عليه لزمه وصلنه صعدت للغرفه اخذت ملابس
وللحمام صار بوجهي راد يحجي عفته ودخلت يمكن بقيت
ساعة ماريد اشووفه طلعت مالگيته صعدت فرح تسال على
الدكتور..
گتلها وينه گالت ولد رادوا بلباب وراح وياهم
بعدد احسن تعشيت ورحت انام وهوه ماجه اتصل ماجاوبت
اكثر من مره دز رسالة بنيتي شلون صرتي..بعدچ ضايجه
ماگدر اجي عندي شغل وارجع متأخر نامي ورتاحي خووش
سويت روحي ماشفته ضايجه بس من التعب غفيت بسرعة
فزيت بليل مالگيته موجود شلقصة هلكثر مشتاق لندى
وماا يگدر يفارگه غطيت راسي ونخمدت..
الصبح نايمه وتفلش الباب رفعت راسي اندفر وفاتت نوال
شني ماتسمعين نوميش هذه
شبيج شكوو
نوال-ومرضوو ماكوو شي يلمسعده ساعه ب٩ ونص وانتي مطموره
وانتي شعليج شرايده
نورل-بلا حجي زايد كومي يلا
ويييين شبيج
نوال-نوره راحت لاهلا وبقيت وحدي يلا كومي خلصيلج
جم شغله..
چاا وانتي شبيچ ناقصه ايد رجل بيت اهلج هذه حطيت
راسي وگتله يلا حياتي طلعي وسدي لباب وراچ
مااحسه اله تلزم شعري وستحلني وتشمرني من الچربايه
للگاع احسس قبق راسي طا عطت وبقيت لازمه شعري
وراسي بيدي
نوال-طايحة الحظ مو خدامة عد الخلفوچ انتي چنه هنا يعني
شغلج تخدمين بينه سمعتي
من الصدمة والوجع ماگدرت ارد عليها واجاوبها طلعت وبقيت
مكاني گمت وماعرف شسوي نزلت لگيتهالازمه تلفونها تخابر
بغرفه امهاشافتني كامت سدت لباب هاي شحجي وياها
اني مالي خلگ وضايجه وهاي جملتها باوعت مالي نفس اتسمم
كنست ومسحت وغسلت ملابس ولكراج وا وا بعد شغل بيت
فرح ماكو يمكن وي عمتي بلسوگ صارت ب١١ وربع
صبيتلي چااي واخذت بسكت واحس معدتي تگلب من القهر
خليت اول لگمه دخلن هنه شافتني فرح وشهگت
ولجج غزل هسه يلا تتريگين؟؟
ماشتهيت الصبح
فرح-حتى لوو غي عدچ علاج تشربينة
عادي ماصار شي
فرح-ادور تاكل بسكت مخبله انتي
حبي والله عادي فدشويه اتغده ...
شفت المسواگ هواي وهيه هستوها جايه وتعبانه گمت
ارتب وياها ونوال على فد مخابرة ماشفت وجهه كلما ادنگ
وارفع راسي احس الدنيا تفتر بيه بس هيه براسي براسي اذا
مو ليوم تگب عمتي عليه باچرر تشتغلني..
خلصنه صارت الصلاة ورحت بلهول خلصت فرض الضهر
فاتت
نوال-يلا صلاه تراويح عيني
باوعتلها بطرف عيني ورجعت اسبح
نوال-شووف هااي انتي على شنهو شايفه روحچ شو عباس
ومل منچ بليله ويوم عافج وراح هههه
عرفت علتچ ينوال لان عباس ماجاي يمي استغليتي الوضع
غلست ماجاوبتها..
نوال-شووفي عيني مناا وهيچ دواچ يمي من سنين الكل
مخبوص بيچ واولهم اخووي العوود بس بعد السمعته الوضع
اختلف..
من گالت هيچ باوعتلها وگتله شسمعتي بله ؟؟؟
نوال-تعرررفين كلششش زين السمعته شنو لتغشمين روحچ
ياااا ست بريئه
عافتني وطلعت بقيت اصفن هاي شتخرط ؟
خلصت الصلاة ورحت وگفت يم عمتي بلمطبخ على الطبخ
عمتي-عباس صار جم يوم ماماكل بلبيت وهوه متعود على
اكلي اذا مايضوگه يتمرض من اخلص تاخذيلهم بصفرطاس
شاخذ عمه
عمتي-تاخذين غده لرجلج يبعد عمتچ
تحچي بنبره استهزاء
وليش مانخابره ويجي هنا
عمتي-لا يمه تاخدينه اله لمكانه خلي مرتاح يم مريته
عرفته تقصدت تسوي هيچ عوود تذلني وتضوجني
گتلها صارر عمه تدللين انتي وعباس ...وابتسمت
بقيت وياها لحد ماخلصت لغده بس شنو احس طابوگه نامت
على صدري كلش قهرتني علمود ترضي غرورها كسرت
خاطري بس ابد ماابين الهم ولو شويه من ضعفي وانكساري
بدت هيه تصب صعدت غسلت وجهي تكحلت وحمره خفيفه
وعطر وشال حلوو ونزلت اله حتى لبست شحاطه كعب هيه
بقت تباوعلي من فووگ ليجووه..
اخذت الصينيه منهابأبتسامه صاحت وراي فرح
ولجج لا تروحين انتي خااف عباس مايقبل
عمتي-يقبل بس لا تدخلين انتي
فرح-يمةةة ذاك ليوم مدت راسها من الباب گلب لبيت علينه
ادور تروح لبيته وهوه اصلا هسه بلمحل
عمتي-مالچ غرض بيه روحي وگليله عمتي ودتني خابرته
وگال اني بلبيت هسسه
هزيت راسي بأي ومشيت بقت فرح تصيح رجعي لا ترحين
فتحت لباب وطلعت وبيته بصف بيت عمي كلش باب على باب
دكيت لباب انفتح من وحده دخلت امشي ورجليه وحده تضرب
بلثانية الكراج مو حيل جبير بس صار شطوله عليه وصلت لباب المطبخ..
مقفول دگيته واديه ترجف محد سمع دگيته مرة ثانية
سمعت صووت ندى صاحت من جوة عبااااس الباب يندگ
جاوبه ايي عيني طالع ..
اخخ صوته وهوه يگلها عيني زرف گلبي
فتحه وگال منهووو شافني انصدم
عباس-غززل ....شعندچ
هااا ...عمتي ورفعت الصينية
هوه بقى يباوع وساكت يمكن من صدمته ماگدر يحچي شي
مدت راسها ندى وكالتله هاا حبيبي منوو شافتني وصاحت
غزززل..
اجت بسرعه وباوستني لجج هلوو شجابج
هلاوو شلونج ..عمتي دزت الغده هذه
ندى-يااا وانتي جبتي شطلعج ليش ماخابرت على عباس
التفتت لعباس وكلتله عباس خااف خابرتك ماسمعت ؟؟
هيه تحجي وهوه عينيه عليه واني مدنكه ماباوعت والنار
بدت تسسسعر بداخلي..
اخذت الصينيه وجرتني تعاي تعاي حاره ليش واكفه برى

يتبع....🍁