نهوة عباس

البارت 12

بس انتي فعلا تعبانه وعندج بدايه جفاف وشحوب بلبشره
والفقر دم مبين بعينج
دكتور بس دكلهم هيج هسه يموتوني
-ليشش
لان جنت حابسة روحي يومين بغرفتي
-ههههههه لتخافين راح اگلهم عدهه انهيار عصبي ومن هلحجي
بس شكلي مغذي وضرب ابره بلمغذي كال لان فعلا انتي
يحتاجلج علاج وضعيتج مو زينه طلع شويه شوو غفيت يمكن
خلالي منوم

فتحت عيني وشفت ابوي ومحمد وعباس واحمد..
امي ماكوو اذا سويت شي غلط اندفن هنا رجعت عمضت
عيني ايد مسحت عله راسي فتحت عيني شفته ابووي

-هااا بويه شلوونج
نصيت صوتي كلش وكتله بابا موزينه
-ليشش يبعد ابووج شجرالج
تعبانه بابا تعبانه
-ايي كال الدكتور ليش يابويه تسوين هيج بينه
عباس-عمي مو وكت هلحجي خلينه نطلعه مادامها كعدت
شويه ودخل الدكتور وكتب علاج وكلهم اعصابه تعبانه
ديرو بالكم عليه حجي يغث صدمات لا تحجون يمه
همه يهزون بروسهم سندني محمد ومشيت الصددك احس
روحي صدك دايخه وصلنه للبيت وتلكني امي ولبنات خايفات
حيل وابوي كلهن الدكتور يكول صدمه وحاله نفسيه هنه
مصدومات عباس ماباوعت بوجه اصلاا يجوز اذا اشوفه اضحك استر على روحي احسن ردت اصعد ماقبل ابوي ودخلني بغرفته تمددت اخذتلي غفه وكعدتني بنين اتعشه

بنين-ولج غززل سويتيا صدك
شمسويه؟؟
بنين-لهدرجه ماتردينه ؟؟
هزيت راسي أييي هيه سكتت وطلعت  لثاني يوم
اجو عمامي ونسوانهم  من سمعو بيه داخله مستشفى
يومين واني جوه وكل شويه خطار فوك راسي

العصر متمدده وايدي عله عيوني سمعت لباب انفتح اهوو
منو اجى انوب؟؟
انسد لباب واحس شخص كعد يم خصري مسح بايده على
راسي..
ذب حسره عرفته عباس هاي ريحته ايدي لثانيه مخليته
عله الجربايه بهدوء رفعه وخلاه بأيده  خلا گلبي يدگ
ويمكن لو ماعرف هذه عباس چاان گلت هذه الشخص شگد
حنين لمسه ايده دافيه  گاعد ماراح واني انزعجت منه ..
نومتي بارزه تفاصيل جسمي وشعري يمي مكوم وخرت ايدي
من عيني ونداريت للجهه الثانية
عباس-ادري بيج كاعدة
ماجاوبته
عباس-ليش تعذبيني هيج ...شمسويلج وتعذبيني بيج؟
شافني ساكته رجع گال تغديتي اخذتي علاجج
اريده يطلع هزيت راسي أي
عباس-اذا گاعده ليش ماتجاوبين
اهووووو
عباس-سمعي غزل لو شماتسوين قراري مااغيره نعقد الجمعة
وخلص الموضوع اذا ماتحبيني وانتي هناا من تجين يمي تحبيني
من تشوفين دلالي تتعلقين بيه وهذه اخر كلام عندي
عافني وكام طلع كمت ابجي ودفنت وجهي بلمخده يعني
وراي وراي ياعباس ليش تريد تموتني حرام عليك
بقيت ضايجه لليل ومالي خلگ  دخل احمد يشوفني
وگال عباس يگول راح أئجل العقد منا لمن تصيرين احسن
يعني مو هاي الجمعة بعد كمزت على احمد حضنته وبسته
وهوه يضحك ايييي بلكي يلغي الفكره كله من اساسها

ثاني يوم الصبح بنين كالت راح يجون باجي ووسام لان
سمعو بيه مريضة نشنشت ورحت سبحت وبدلت والله لو
يشوفني عباس