عشگ ألصغر

بارت 1

الماضي علمني أن لا أثق ب أحد
والحاضر أثبت لي هذا..

""""""""""""""﮼"""""""""""""""
بغداد..الرصافه ..الساعه 11/:11صباحاً

كعدت من النوم متحمسه أشوفه وأضحك ويا
ركضت غسلت وجهي بسرعه ورحت لأمي
تمشطلي شعري الطويل وتسويلي
ضفيره فرنسه اموت عليهه

مشطلتي وهي تحچي وياي وأني أرد عليهه

امي.ماما بطلي هاي السوالف أنتِ صرتي چبيره
روسلين.ماما شبيچ هو كُله عمري ١٣ وين الكبر بالموضوع؟

امي.اوف منچ ومن دلالچ
روسلين.ديلا هسه خلصتي الضفيره أريد أروح
امي.أي كومي وقبل لترحين كعدي أختچ الچبيره عدهه دوام

ركضت لغرفتنه طفرت ع راس روسيل أختي
الجبيره عمرهه ١٧ سنه هي أكبر وحده بينه

هي طفرت من يمهه مخروعه ضحكت بصوت عالي
شمرت عليه علبه الكلينس بعصبيه

روسيل.أدبسززززز متبطلييين سوالفچ المخبله شكبرچ تصيرين بگد الثور

روسلين.نننن ننن ننن ديلا گوميرعندچ دوام أني رايحه
روسيل.متبطلين هاي الدياحه
روسلين.لا لا ما حزرتي داده

ركضت نزلت جوه طلعت بوجهي نورسلين اختي
التؤام الي بس أبد مانتشابه ب شئ

نورسلين.وين طالعه؟
روسلين.طالعه العب بره
نورسلين.تره صرتي جبيره شعندچ طالعه
روسلين.اويي مابقت عليه غير. نور تحاسبني ع الطلعه

شمرتلهه بوسه بالهوى وطلعت من البيت أركض
چانن البنات كاعدات بباب بيت أبو وطن
يم بتهم الي بگدي وصاحبتي تصير

ركضت يمهن كعدت وهنه ضحكن من شافني

ورد..اهوووو هم أجتي المخبله
نورس.أي والله شگد لزگه

الدمعه صارت بطرف عيني باوعتلهن ببرائه

روسلين.ليش هيچ تحچون وياي أني مو صاحبتچن؟
ورد.ههههههه لا رح تبچي ولچن لا تبچن صاحبتي

حضنتني واني امسح بدموعي وهنه يضحكن عليه
صحت بيهن

روسلين.لا تضحكن چلبات أدري مقلب مثل يوميه
نورس.هسه تشكيلنه لوطن ويكتلنه
ورد.صدُگ تره وطن گال بعد لا تگعدن بالباب عيب

روسلين.أووو كُله عيب وعيب شنو السالفه بعدنه صغار
وطن.صغار وهيچ لسانچ چَا شحال لو گبرتي؟

فزيت من مكاني من سمعت صوته باوعتله ببرائه
چان واكف ورانه ومكتف اديه لصدره

يباوعلي شوي وضحگ عليه من شافني رح ابچي
گرص خدي ووخرني ودخل للبيت
لتلمست خدي الله يعني لمستي
أحس كهرباء مو لمسه

طلع أخو سند من البيت ضحگ من شافني
أجه وكف يمنه البنات ملتهيات يسولفن

سند.ها ولچ شلونچ روسلين
روسلين.زينه
سند.شبيچ من وره خشمچ؟ولچ
روسلين.ولجلاچه لتگلي ولچ ولگ؟