عشگ ألصغر

بارت 16

أبشرگ هلي گاموا يعرفوني لمن أشتاگ
أصفن وأنتچي وعافيتي تتفرهد...

.
.
.
.
.
.
.
.
.
.
.
.
.
.
.
.
"""""""
روسلين..

أسبوع لا خبر منه ولا أحد أجه ومحد فتح
الموضوع
واني حال الضيم حالي...

الاكل گطعته والليل كُله أظل گاعده بس أبچي
أحس فراغ داخلي
أحس ناقصني شي
يوم مو كامل أبد...

سند سوه فراغ بداخلي بغيابه بهذا الأسبوع
أحس مشتاقه لكُلشي بيه
لعيونه
لضحكته
لسوالفه
لحنانه
لاهتمامه
لصوته..

أحس هاي الاشياء البسيطه سوت فراغ كبير
بداخلي...

حتى دراسه عايفتهه مدا ادرس وحالتي
أبد موزينه أهلي حاولوا يعرفون
شنو بيه
بس ماحچي بس أبچي...

محمد يوميه يجي يحچي وياي ويسألني
أذا سند مسويلي شي
ياريته مسوي شي ولا عايفني هاي المده
مشتاقتله حيل...

وهنا تأگدت أني أحبه حيل وماگدر أعيش بدونه
ماتحملت الشوگ بعد
وهو ما سأل عليه بعد
كُله من أيدي...

گاعده بالغرفه ومحمد طالع للعياده
والبنات بالدوام روسيل ونورسلين
وأمي جوه گاعده ...

شوي وسمعت صوتهه تصيح الي..

روسلين.مابيه حيل أنزل ماما

امي.تعاالي رجلج أجه يشوفچ ..

أحس فز كُلشي بيه
فز گلبي
ونهضت روحي
گلبي نزل يركض قبلي

كمت حتى بدون ما اباوع لشكلي نزلت ركض
شافتني أمي هزت اديهه..

امي.احمدك ربي للرجل تركض لحگي رح يطير.

ماسمعت لكلامهه لان فعلاً حقهه هيچ تگول
ركضت للاستقبال مالگيته...

خابت أمالي وكُلشي بيه
رجعت للصاله واجر بذيول الخيبه..

روسلين.تضحكين عليه ماما؟
امي.يااا ليش؟

روسلين.وينه شو ماكو.
بچيت وخليت ايدي ع وجهي

امي.ولچ طلع بالكراج گال ادخن.

مسحت وجهي بفرح ورجع الأمل تجدد
بداخلي...

ركضت طلعت للكراج شفته ذب الجگاره
منطيني ظهره وواكف
سحگ الجگايره برجله ..

نكت البنطرون مالته وتمشى يريد يطلع
صحت ب أسمه ...

روسلين.سندددييي

وكف بمكانه حسيته جمد لا ارادياً ركضت
حضنته من ورا وراسي ع ظهره
وايدي حضنت صدره ...

لزمت قميصه بقوه وبچيت حيل والشهكه
تشگ صدري وتطلع ...

روسلين.سنددي لا تعوفني والله ماتحمل غيابگ بعد حيل تأذيت ببعدگ ماريدگ تعوفني أني أريد أكمل وياگ
مشاعري چانت مخربطه وماعرفت شنو أقرر
بس هسه تأكدت أني ماكدر بدونگ
سندي لا تعوفني...