عشگ ألصغر

بارت 20

أحِب ذاگ إرتباگچّ مِن ألاگيْچ
       عَكس ذيچ الوِكاحهَ ال برسائِل...

.
.
.
.
.
.
.
.
.
أنستا : raem1290
"""""""""""
نورسلين...

صعدت وأني أتلفت وراي خاف واحد يشوفني
ونوب اروح بيهه ويگلولي شعندچ صاعده
شسوي غير هذا الخِبل...

يگلي عندي موضوع وياچ،.

ياترى شعنده وياي !...

فتحت الباب ع كيف وعفته ماطبگته
لأن من أطبگه يطلع صوت عالي
وخاف يگعدون دنيا ظهر نايمين...

وروسيل هسه اجت من بيت عمي صارلهه
يومين يمهم ومانسمعلهه حس وخبر...

طلعت للسطح لگيته منتچي ع الحاييط الفاصل
ويدخن ومنطيني ظهره
تقربت منه ورجعت شعري ورا أذني ب إرتباگ

تخطيت خَجلي وعطت يم أذنه..

نورسلين.بوووووو

فز بمكانه وألتفت عليه ضحگ وفرك وجهه
باوعلي وحچه بحسره!...

امير.متبطلين خبال شوكت تعقلين؟؟

نورسلين.شرايد مصعدني للسطح بهاي الظهريه؟

أمير.رايدچ

نورسلين.هااا

أمير.أم حلگ الفاهي رايدچ بموضوع

نورسلين.موضوع ! وبيني وبين أمير؟ متطوره السالفه

أمير.أن شاء الله تتطور اكثر وأكثر بحيل الله

نورسلين..أوووه شرايد؟؟

أمير.قبل مابلش بكلامي شعندچ البارحه بالسطح؟

فتحت عيني ع وسعهن هو سبل بعيونه وهمس
بصوت مبحوح...

أمير.يول يمعثوره شليتي حالي عيونچ جنهن شط العرب خَضره ووسيعه!.

نورسلين.أووي منيلگ هل حچي بعَدين عيوني مو ذاگ الجمال!.

حچيت متقصده أريد أشوفه شحيگول
بَس صدمني!...

أمير.عجَل يَابه هِن عيون لو البَصره بالغِبشه!.

نورسلين.أنباري بّس غزلگ بصراوي؟شلون رهمت!

أمير.ترهم ترهم كِلشي يرهم

حچايه بحسره ورفع عيونه بعيوني
حيل أرتبكت من نضراته لاول مته ينبلع لساني
گدام شخص وأضيع بعيونه!....

عيونه حيل ممُيززه وحِلوه...

صفنت بمعاني وجهه ودققت ع أقل تفاصيله
عيونه المسحوبات مثل عيون الذِيب ولونهن غريب..

رصاصي ؟ أخضر؟ شفاف ؟ مدري .

خشمه رفيع وعبالگ مسوي عمليه تجميل
هل أيام يسوون عمليات حتى يحصلون مثل خَشمه..

شواربه الي محاوطات شفايفه !
لحيته الخفيفه محدده
وشعره السرح الأسوز نازل ع عيونه...