ألا ينتابگ هذا الشعور أحياناً؟
-أي شعور؟
.. الرغبه في أن لا توجد!
.
.
.
.
.
.
.
.
.
.
""""""
روسلين..
ودعتهم يم باب المطبخ ومبتسمه وگلبي يرگص
طلعوا واني ركضت للغرفه خجلانه عزا احس دخان يطلع
من وجهي.
سديت الباب ونتچيت عليه صافن ومبتسمه
ركضت للشباگ چانوا دا يصعدون بالسياره
وهو واكف منتضرهن يصعدن ولابس نظاره
وبنطرون أسود وتيشيرت نص ردان أسود
وبارد جسمه وعضلاته
يخبل يربي يخبللللب احبه والله احببببه عزااا
بقيت مبتسمه وصافنه عليه لمن نزع نضارته
وصعد بالسياره وطلعوا
عزاااا مدا اصدگ ونبي معقوله ؟
والله هيچ استجاب دعائي الي سننين چنت ادعي؟....
نفتح الباب ودخل محمد مبتسم سد الباب
واني ابتسمت بخجل ونصيت راسي
كعدت ع الجربايه وهو گعد بصفي وايده ع راسي
محمد.هممم كبرتي والخواطيب تكومت يم الباب؟
ابتسمت بخجل ونصيت راسي عزا شحچي
اني احس فراشات يرگصن يم گلبي
وگلبي يطبللهن.
محمد.بَويا أكيد تعرفين الي چانوا جوه شنو راييدين ؟ والمن جايين؟
هزيت راسي بالايجاب وخجلانه
محمد.ما أحمدلچ بالولد سبق وچانوا گاعديين يمنه صح چنتي صغيره ومتفتهمين من چانوا يمنه بس لو هسه افر المنطقه كلهه واسال عليهم مااسمع غير الحمد بيهم
بيت ابو وطن والنعم منهم ومن ولدهم
والولد شهم وينشد بيه الظهر
خوش ولد وصاحبي واعرفه
واني مارح اطوخ واحمد بيه كُلش وصح چانت عنده علاقه
واني اعرف بس انتهت العلاقه صارلهه سنوات
وناسيهه هوه وشايلهه من باله لا تخليهه ببالج
اساساً هو حچالي مچان يحبهه بس معجب بيهه ومن نكشف حقيقتهه كدامه عافهه بسرعه
ف القرار الچ بَويا..
طول ميحچي واني منصيه راسي خجلانه
كام وگف ومسد ع راسي بحنيه
محمد.اني واثق لو أبوي الله يرحمه چان موجود چان فرح من كُل وگلبه ..انتِ شتقررين اني وياچ للموت
باس راسي وطلع من الغرفه عزا اني كمت اأكمز
من الفرحه احس صرت برتقاليه من الحماس هههه
بقيت بالغرفه افكر واراجع حساباتي معقوله وطن خطبني
يربي خطبني ويريدني اصير مرته؟
اصير مرته واروح لبيتهم چنه؟
ومن يصيحولي يكولولي مرت وطن
عاااااا حموت يمااااا الحگينيييييي
للمغرب دز عليه محمد يگول ختنزل لتظل معلگه فوگ
نزلت جوه وكُلهه تباوعلي ومبتسمين
واني ماحچي عكس كُل يوم
أنت تقرأ
عشگ ألصغر
Randomلگيتك بِـ الدرب صدفة ونسيت الرايد امشيله . فإن كَان حنيني عظِيم فإن كِبريَائي اعظمُ🖤!
