عشگ ألصغر

بارت 19

حُلو بعين حين يغمره الرضا
ويزيد من بعد الخِصام جمالاً
جمعَ المحاسن صورةً وفصالاً
حتى الجنون أُحبهُ في طبعهِ
عَذب في كُل صفاتهِ كأنهِ
كالطفل يلهو يمنةٍ وشمالاً
هو هذا حُلو في كُل ظروفهِ
إن لَم يكن كالبدرِ كانَ هِيلالاً

.
.
.
.
.
.
.
.
.
.
.
.
""""""""
روسلين..

اليوم ثالث يوم لعرسي الحمدلله مرتاحه وياهم
حتى وطن أبد مابدر منه تصرف موحلو بَعد
لأن دا يشوف علاقتي وي سند حلوه كدامهم

وهَو خطيه ملتهي وي مرته سناء فد وحده عنوديه
وترد بالوجه وهَو يتخبل من الرد
ويگوم ويكتلهه ويفكوا منهه لان حامل..

أبوهم نادراً أشوفه لو بليل صدفه
لو الصبح إذا أكعد من وكت وياهم أشوفه
وإذا بهل وقتين ماتواجدت يعني ماشوفه شغل مدري شنو؟.

وخاله ام وطن فدوه اروحلهه الورد متخليني أشيله
وورده الشغل عليهه وماتتذمر أبد
بس بالشقه تحاچيني وتگلي وره السبعه أكربچ ههه

وزهور يوميه تتصل عليه تطمن وتسأل
فدوه ابد ما عافتني تگول أدري عروس وتستحين
ف تتصل دائماً

اما سند...

اوف يا سند صح مامبينلي شي ولا متعامل وياي
بالموزين
بس نومته بعيد عني وبالغرفه بعده عني
يفسر تصرفاته ويجرحني

مينام يمي كُله ع القنفه وأدري تأذي بس
مدري شنو الجابره ينام هناگ
من أدخل للغرفه يطلع وأبقى أنتضره
لمن أنام وأكعد الكا نايم ع القنفه..

وطول هاي الأيام الثلاثه مامتقربلي..

تنهدت وكملت تبدديل اليوم نروح للكاظم
بَس أني وسند
لبست بنطرون قماش بيجي
وقميص تركوازي
ولبست شال بيجي خليت ورده تلفه الي ماعرف اني...

ومكياج ماخليت لان رايحين نزور مو نتونس
لبست گعب ناصي مال طلعه رسميه
لون بيجي

اخذت الجنطه التركوازيه وتعطرت ونزلت
سند منتضرني جوه
سلمت ع خاله وورده..

روسلين.محتاجات شي اجيبه وياي؟

ام وطن.لا خاله زوري وادعيلنه

روسلين.ان شاء الله عيوني يلا وسلميلي ع عمو كوليله راحت

ام وطن.ان شاء الله خاله

سناء.رح ترحين

روسلين.أييي محتاجه شي؟

سناء.عفيه حبابه مشتهيه طين خاوه واستحي اطلب

روسلين.ادللي

ابتسمت بوجهه وطلعت بره سند
صاعد بالسياره ومنتضرني
السياره جوه بالكراج

صعدت بالصدر وخليت علاگه العباة
وره شمرتهه وتنهدت

سند.خوما ناسيه شي بَعد؟