عشگ ألصغر

بارت 33

أبشرك هَلي گاموا يعرفوني لَمن أشتاگ
أصفن وأنتچي وعافيتي تتفرهد...

.
.
.
.
.
.
.
.
.
"""""""""""
روسيل....

بعّد الي صار بذاك اليوم بعدهه ماتصادفت وي
جسام أبد ولا لمحته
يمكن محمد محاچي رغم كُلشي بَس حسيت نفسي

بعدني دا أحن وأشتاق
خصوصاً بعّد أخر كلام دار بيناتنه بذاك اليوم
ومن گال "أحبچ"

حسيت نفسي خلاص أنتهيت بعد سنوات
سمعتهه منه وبحنيه صوته
بّس الحاجز بيناتنه قوي

بيوم گاعده أني يم روسلين هّي تبدل لشهم
ومبدله تريد تروح تشوف بنتهه
خطيه مكسور گلبي عليهه..

متبهذله وبنتههً بعيده عنهه وهَي تعرف
ضي متگدر وحدهه ع طفله صغيره
هَي ضي طفله...

بّس الي مصبرهه وجود ام وطن بذاك البيت
مره تفتهم باللأطفال ومداريه حفيدتهه و
شايلتهه بالصلاوات..

أني أخلي حليب وممه وترمز المي بجنطه
وهَي تدليني وتگلي خلي هذا وخلي ذاك
ولا تنسين غراض لجوان خليهن...

دخل محمد للغرفه بعدما دگ الباب ..

شافنه گاعديين وروسلين مخبصوه بشهم
باس راسهه ب أبتسامه
هَي أبتسمتله ورجعت تبدل لشهم..

گعد گبالي وأني أخلي بالغراض بالجنطه
صافن بوجهي أستغربت
حتى ارتبكت شبيه اول تالي يصفن..

شوي وصدمني..

گال بدون سابق أنذار كلمه خلتني اصفن
بحيث دگات گلبي صار بيدي
حسيت گلبي دايطلع من صدري..

محمد.موافقه تتزوجين جَسام؟

رفعتله رأسي وبلعت ريگ معلگه عيوني
بعيونه وهَو عيونه تلمع ويسألني..

محمد.روسيل موافقه تتزوجين جَسام؟

روسيل.هااا

محمد.شبيچ مفهيه؟

حتى روسلين انصدمت عافت شهم
والتفت ع محمد..

روسلين.اول تالي محمد هيچ يسأل روسيل؟

محمد.أحچي روسيل موافقه تنسين الماضي كُله وتتزوجين الشخص الي فتحتي عينچ عليه؟.
الشخص إلي حسيتي بشعور الحُب وياه؟
الشخص الي لحد هسه محارب لأجلچ؟
موافقه!...

روسيل.أحم شسالفه أكلتني بگشوري فهمني شغير رأيك؟

محمد.مو مهم المهم هسه أني تغيير رأيي وداطلب رأيچ؟

روسيل.تره حچيتهه بسرعه وبدون سابق إنذار حتى مدا تنطيني مجال

روسيلن.روح محمد خليهه تفكر ع الأقل خوما تريد الجواب من تدگ الباب!.

محمد.لعد شوكت؟

روسلين.دروح روح بعدين خليهه تاخذ راحتهه وتفكر