عشگ ألصغر

بارت 21

كلهن بالگلب چذبات
وانتِ العازتچ عازة..

.
.
.
.
.
.
.
.
.
.
.
.
""""""""""
سَند..

سندتهه وطلعنه من المستشفى وأني گلبي
يوجعني عليهه بَس مابيدي أسويليهه شى
نامت ع گبر أبوهه عبالك رجعت ليوم وفاته..

أنهارت ع الگبر وتخربطت أخذتهه گبل للمستشفى
عدهه أنهيار أقل شئ يصير وياهه
رح تنهار
وأنطونه علاجات...

أحس گلبي خامشني عليهه چن روحي وگعت
وياهه من وگعت گدامي
صعدتهه بالصدر وافتريت صعدت بالسياره.

تقربت عليهه رجعت كشنهه مطلتهه شوي
علمود تاخذ راحتهه
صرت حيل قريب عليهه ماتحملت منظرهه

شكلهه يغري...

العيون بياضهن أحمر والرموش منگعه
الشفايف منفوخات وحمر
خشمهه أحمر ووجهه عباره عن حمار
وترمش بعيونهه..

گلت هَي بوصع ميسمحلهه أسويلهه شئ
خليهه ترتاح وأطلع حيف أمس
من عفتهه ورحت لجماعتي
شني أحس مفارگ روحي...

أبتعدت ورجعت لمكاني وشغلت السياره
شغلتلهه قرآن ترتاح شوي
غمضت عيوني وماسمع بَس الشهكه...

يايابه وعلي أحس وي كِل شهكه روحي تطلع.

سَند.روسلينتي تاكلين شئ مشتهيه شئ؟

هزت راسهه بالرفض ماسمعتلهه
طبگت يم مطعم ونزلت أخذت لفات گص تحبه
وبيبسي ومقبلات ورجعت..

صعدت بالسياره لگيتهه مفتحه عيونه..

سَند.يلا باباتي گومي أكليلچ شئ ماريد تأذين روحچ لأن روحي تتأذه وياچ ترضين روحي تتأذه؟

هزت راسهه بالرفض وگامت عدلت گعدتهه
مديتلهه اللفه وفتحتلهه البيبسي
وانطيتهه مقبلات
وهَي مبينه جوعانه والصبح ماماكله ...

اكلت اللفه كِلهه ونص اللفه الثانيه أبتسمت
ومسدت ع راسهه..

سَند.عفيه هيچ أريدچ صيري قويه خَوش يَابه؟

أبتسمت وسحنت روحي وي أبتسامتهه
مدتلي اللفه مارفضتهه للأن من أيدهه..

خلصنه الأكل وشلت الباقي ولو هَو كِلشي
مابقى ذبيته بالحاويه الي قريب ع المطعم

ورجعت طلعت عطري من الچكمجه
صارت ريحه أكل بالسياره
وأني أتخبل من يصير شي بالسياره...

رشيت العطر وأنطيتهه مي شربته
ورجعت شغلت السياره وهَي رجعت نامت..

وصلنه بغداد وگبل لأهلي طلعت تقريباً الظهر
وصلنه للبيت همستلهه بحُب..

سَند.يلا حبيبه گلبي گومي وصلنه.

فزت سميت بالله عليهه ومسدت ع راسهه
هزت راسهه ونزلت أني قبلهه
فتحتلهه الباب هلمره ماسويتلهه الحركه ..