أبشرگ هلي گاموا يعرفوني لمن أشتاگ...
أصفن وأنتچي وعافيتي تتفرهد...!
.
.
.
.
.
.
.
.
.
.
.
""""""""""
روسلين...
دخل محمد للغرفه عليه عصبي تقدم عليه وحچه بنتر
محمد.شوفي والله والله اذا هسه متگومين تبدلين وترجعين لدوامچ أفين حضچ كافي صار شهرين گاعده حتى فصلوچ
روسلين.انتَ كلتهه فصلوني ماحاجه ارجع
محمد.ترجعين ورجليج يركبن راسچ خوووش؟؟؟ اني اخلي صاحبي يدبرهه معليچ
روسلين.ماريد محمد مالي واهس حتى اذا ارجع مانجح
محمد.تنجحين وبمعدل عالي واضمنلچ هذا الشي
روسلين.شلون يعني واسطات قصدگ؟؟؟
محمد.مستحيل اتعامل بالواسطات بس انتِ غصبا عليج تدرسين وتجهدين
روسلين.محمد داكلك حالتي النفسيه تعبانه ماكدرر
محمد.لا تكدرين معليچ روسلين تكملين لخاطري اذا عندي خاطر يمچ
باوعتلي وتنهدت وهو يتوسل بنضراته
نزلت راسه وهمست بصوت خافت وبيه غصه
روسلين.مدا أگدر انسى بابا!
محمد.كِلنه هيچ خاف عبالچ عايشين حياتنه ومرتاحين ومتونسين لا والله وفاته لهسه تدگ بگلبي..
شفته هم ضايچ ومقهور ماردت اهضمه
رجعت خصلات شعري لورا أذني وگلتله...
روسلين.خلص لا تضوج اني قررت ارجع هاهيه مثل متريد
محمد.والله؟
روسلين.اي والله شبيگ
حضن راسي لان اني كاعده وهو واكف
وباس راسي وهمس
محمد.اوعدچ اعوضچ عن فقدان أبوي ولو محد ياخذ مكان الاب بس رح اسوي كلشي ب استطاعتي واقدملچن..
روسلين.ششش لتحچي هيچ اصلاً انتَ من زمان ماخذ دور الأب بالنسبه النه وبعد فقدان بابا الله يرحمه صرتلنه ونعم الاب .
محمد.الله يبارگ بيچ حبيبتي اختي وتاج راسي ان شاء الله اشوفچ احلى خريجه انتِ وذيچ ام صماخ
روسلين.هههه ملتهيه تدرخ
محمد.وانتِ الفهيمه
ضحك وطلع من الغرفه كمت وكفت كدام المرآيه
وابتسمت من تذكرت وطن
اوف شصاير ومتغير
ابتسمت من تذكرت شكله وتوسعت ابتسامتي
ورحت لغير عالم
عالم الخيال والاحلام الورديه
واخطط شنو نسوي بالمستقبل من نتزوجج؟
بانيه هواي احلام
ماجنت متوقعه شي رح يهدم هاي الاحلام.
لَكن الاقدار چان الهه رأي ثاني...
""""""
مشت الايام وبلشت بدوامي وصرت اتواصل
وي ورده واحچيلهه كُلشي يصير وياي
الصغيره والچبيره ..
أنت تقرأ
عشگ ألصغر
Randomلگيتك بِـ الدرب صدفة ونسيت الرايد امشيله . فإن كَان حنيني عظِيم فإن كِبريَائي اعظمُ🖤!
