عشگ ألصغر

بارت 32

شِلت أيدي من عِندگ بعَد
سَوي التِريده مهنة
أگعد ونَام وَي الغِرب
ولسَاني أگصه وداعتَگ
لو وَن عليَك وغنِه...

.
.
.
.
.
.
.
.
.
.
""""""""""""
نورسلين...

ميس صارت تتقرب مني بشكل مو طبيعي
بحَيث شكيت عندهه شئ وياي لو عندهه غايه

وفعلاً تأگدت شكوكي من صارت تراسلني وتتصل
عليه وتدزلي سكرينات محادثه هَي وأمير
وتگلي ..

ميس.يايييي نوره شوفي أميري شلون يحاچيني ولچ الحُب حلو ارتبطي

ميس.نوره باعي أميري شجابلي اليوم

وهيچ كليوميه ع نفس الرنه رغم أشوف
حمرد وبرود من ناحيه رسائل أمير

بَس رسائلهه وغزلهه الجريئ عبالك هَي
الولد وهّو البنيه لأن هّو يسكتهه
وهّي تتغزل....

أحس النار تشتعل بيه وشئ بداخلي يشتعل
أحس نفسي أموت ع البطيئ
صرت أتجاهل رسائلهه ومكالماتهه..

لأن حرفياً صرت أتعب من أشوف كلامهم..

وخصوصاً مرضي مسيطر عليه أقل تعب
وأقل قهر وحزن يأثر ع صحتي وأتخربط

وأني صاحبه خفقان...

مرت الأيام وصارت حتى لو مارد عليهه
مستمره تدز صور جهازهه ومكيفه تگلي

اليوم طلعنه بَس أني وأمير جهزنه وهيچ
سوينه وهيچ اشترينه وهيچرجابلي وهيچ

بحيث تحرگني غصب عني أخر شئ
ماتحملت گبيت بيهه وگلتلهه....

نورسلين.عيب عليچ خلي خصوصيه إلچ ولخطيبچ بعَد يومين تتزوجين هّم تجين تحچيلي شيصير بينچ وبينه

أردفت عليه بضحكه..

ميس.ههههه أيي عادي أنتِ بنت خالتي لو تغارين لأنرأني قبلچ نخطبت وانتِ بعدچ!.

فورت دمي وردت أطم روحي
يعني أني وين وهَي وين تفكر؟.

نورسلين..شبيچ بابا مشايفه رجال ؟ إلي يشوفچ يگول هاي ماحاچيه وي رجال قبله

ميس.يعني تعيريني لأن چنت أحچي وي بسام قبل أمير؟

نورسلين..ما أعير بَس حرفياً تصرفاتچ صايره ماتنطاق متطفله كُلش

زعلت مني وأني ارتاحيت من زعلت
لأن بعّد اتصلت ولا دزت شئ ولا
حرگت گلبي....

أجانه خّبر أنو حددوا العرس يابه شدعوهه
هيچ مستعجلي گالوا امير ماقبل يطول ...

وهيچ صار فوگ الههّم همين وحسيت نفسي
خلاص بعّد أيام ويتم نصب فاتتحتي
وتندفن نورسلين مو ذيچ القديمه....

الكُل بجهز لعرسهم بدون حماس وبدون نفس
لأن بعده سَند يدگ بصدرنه
حتى ام امير تگول أمير مافرحان مدري ليش
استعجل اذا هيچ ضايج...