عشگ ألصغر

بارت 23

يداده لو حابك من طَرف واحد چَا سهلة!...
-المشكله من كِل الأطراف...
.
.
.
.
.
.
.
.
"""""""""
روسلين...

أباوع ورجفه بجسمي متأمله بالخَبر الي رح أسمعه
وبصفي واكف سَند ويباوعلي ويهز برجله
وخالتي واكفه تفتر علينه...

شوي وطلعت الدكتوره وأبتسمت...

د..روسلين؟

روسلين.أي دكتوره

د..مبروگ يا أحلى أُم

أبتسمت بفرح والدموع تجمعت بعيوني
سَند باوعلي مامستوعب
وخالتي ماصبرت صارت تهلهل والناس تباوع..

د..ههه مبين عليكم الفرحه بَس لازم ترتاحين وتنام ع ظهرچ نهاي مثبتات الچ اشتروهن من الصيدليه.

سَند.مشكوره دكتوره

أخذ الراچيته منهه ومشه گدامنه بخطوات سريعه
شبيه حتى مابارك ولا گال شئ
حطل حزن بخاطري وضجت...

صعدت بالسياره وخالتي گدام وأني ورا
وهَو جاب الي كتبته الدكتوره
وصعد بالسياره
بَس كُله بسرعه بسرعه...

رجعنه للبيت فتح الباب ودخل السياره للگراج
وأجه للباب مالتي فتحه راد يسندني
هسه تذكر من عافني ويركض گدامي ماگال أسندهه..

دفعت أيده تفاجئ من تصرفي
ونزلت گدامه ...

تمشيت وي خالتي الي طايره من الفرحه
عكس فرحتي الي نكسرت من تصرف سَند...

دخلنه كُلهه گاعده حتى عمو راجع من وكت اليوم...

عرفوا بحملي الكُل فرح وورده گامت تگمز گدامي
متت من الضحگ وخرت الضوجه...

ووطن تقدم وباركلي وحضن سَند يباركله...

وطن.بَطل والله الف مبروك بَويا

سند.يبارك بيكم ...

عافهم وصعَد وأني بقيت أباوع ورا
وسناء تباوعلي صفح وتهز ب أيدهه..

باركتلي من ورا خشمهه وصعدت..

ام وطن.يلا خاله صعدي لغرفتچ ولا تنزلين اله ع الأكل ولو هسه سَند حتى الأكل يصعده إلچ فوگ
...

يضحكون وأني استهزء بكلامهم والله مصدگين
ماتشوفوا گالب وجهه.

ابو وطن.بَويا لا تظلين صاعده نازله أثبتي علمود الطفل.

هزيت رأسي وترخصت منهم ورده أصرت
تمشي وياي رغم مابيه شئ
وصعدت وصلتني للغرفه يلا عافتني..

فتحت الباب بعدني ماسادته ونسحبت من أيدي
نردمت بشئ قوي
حضن سَند...

بسرعه بچيت وهَو يمسد ع رأسي ويبوس براسي
..

سَند.هشش ولچ ع شنو البچي بَويا ؟

روسلين.وخَر مني عابتلك

سَند.له له روسلينتي ضايجه شبيهه؟؟