عشگ ألصغر

بارت 24

واحد گلت تچوه .. فتر عليه البين
خَله الماله بيها ولَملم العِندي..

.
.
.
.
.
.
.
.
.
.
"""""""""""
نورسلين...

رغم أهلي رجعوا وياي طبيعي تعاملهم وعادي
بّس مادري أحس كُلش مشتاقه لباب
وكُلش متحسسه
أحس مفتقده شئ بَس ماعرف شنو هَو....

صايمه وأحس كِلش دايخه من گعدت ولهسه
الدنيا تفتر بيه ومالي خلگ أسوي شئ
أمي سوده عليه هَي سوت الشغل كُله

حتى صعدت شرت الملابس ونزلتهن
گالت لا تتحركين خاف تتخربطين
وأني متمدده بالصاله...

حسيت صار عندي غثيان وألم قوي ببطني
كُلش قوي ببطني
حسيت دا تتقطع أمعائي
وگلبت معدتي

ركضت للحمام أستفرغت رغم صايمه مماكله شئ
هي استفرغت لبطن فارغه
أمي چانت فوگ تعزل غُرفه محمد

غسلت ورجعت تمددت بَس أحس بعدني لعبانه نفسي
وأحس بطني داتوجعني كُلش
مداتحمل
ودايخه رأسي نسطر

أريد واحد يجي وأگله
بَس محدَ
روسيل فوگ تعزل غُرفتهه
وأمي بغرفه محمد
ومحمد طالع....

گعدت ع حيلي ولزمت بطني حيل وأعصر بييهه
صرت أبچي من الألم
أدگ ع التخم وأعض شفتي...

نزلت أمي بيدهه سله ملابس وصخه
شافت حالتي شهكت وشمرت السله تطشرت الملابس
نزلت تركض أجت يمي

امي.ولچ أمييي أحچيييي شبيچ

نورسلين.توجعني يمممه لحگيني أحس داموتتتت

امي.صخام بوجهييي ولچ يمه منين توجعچ أحچيليييي

نورسلين.مادري هاي الصفحه كُلهه داموتت أمييي خابرييي محمددد

ركضت ع موبايلهه تتصل عليه ميرد
نزلت روسيل شافتنه نهلعت من منضرنه
نزلت تركض تسأل...

امي.لزمي أختچ خ أطلع أشوف واحد من الجيران ياخذننه

لازمه بطني وأبچي حَيل وروسيل شابگه رأسي
دخلت أمي ودموعهه تنزل وياي

امي.جيبيلهه شئ فوگ ملابسهه يمعوده

ركضت روسيل چابتلي صايه لبستهه فوگ تراكي
وأمي لبست الصايه والشال
طلعنه وأني سانده نفسي ع أمي وأبچي من الألم...

واگف أمير ببالباب صار شگد مشايفته
شافني ودخل للگراج يرگض

أمير.خاله شبيهه شيوجعچ نويره؟

نورسلين.بطني بطني أحس دا تتقطع

أمير.خاله جيبيهه بسرعه بسرعه هاي سيارتي

طلعنه وهَو كلشوي يريد يلزمني ويرجع لورا
بّس ميلزمني ميگدر
وأمي ساندتني
صعدتني وره وصعدت هَي بالصدر

صعد السياره وشغلهه ويباوعلي بالمرآيه
وأني أتالم وأبچي بهدوء ماگدر أعيط
بّس أحس شئ دا يقطعني من جوه...