عشگ ألصغر

بارت 24

تجافيني وأعاند روحي وأرجعلَك.
         وأگولن آنه المقصِر...!

.
.
.
.
.
.
.
.
""""""""
روسلين...

جريت الكِحله بعيني ولأول مره أجرب وأخليهه
يمي ورده تصلي ع محمد وتنفخ بوجهي
وازهار صافنه عليه...

روسلين.خاب دوخري فگستس عيني بنفخچ

ورد.ولچ غير أحصن مرت أخوي طالعه تشگين

روسلين.ديلا أنچبي أني دائماً أشگ

ورد.هسه اشگين شگ

روسلين.مشكوره وخري عني خ أباوع لروحي

وخرتهه من گِدامي ووگفت گدام المرآيا الطويله
وشفت روحي بالفستان الأسود
والكَعب الماروني دموي

ومكياچ ترابي بَس الحُمره ماروني دموعي ..

أزهار.باع الحُمره تجيب التايه

ورد.أي وعلي أراهن وياچ إذا سَند ماعاف العِرس ورد وياچ.

أبتسمت ب أستهزاء وباوعتلهه بتك عين..

روسلين.لا تخافين ع أخوچ فرحان مستحيل يعوفهه ويجي

أزهار.روسلين لَيش متحاولين تفهمين؟

روسلين.خَلص سدوا الموضوع مهَو أخوچن حتى ما أحترم خسارته لأبنه ويگلي أني مقهور؟

ضحكت ب استهزاء ..

أزهار.تره مجبور بهذا الأسبوع يتزوج وهيچ يسوي لأن دا ينبشون ورا.

روسلين.خَلص گلت سدن الموضوع.

فتحت شعري بعَد ماچنت لامته بقراصه
علمود المِكياج
ونزل مبروم لجوه ظهري ...

روسلين.يلا ماتنزلن؟

ورد.خَلصت أني

نزلت گدامهن وهنه وراي شافتني خالتي
گامت تصلي ع محمد وآل محمد
..

أبتسمت بوجهه وتخطيت أنظار الموجودين
نصهم جايين شماته
ونصهم مقهورين
ونصهم فرحانين
شنسوي ...

رحت لغرفه خالتي دخلت باوعت ملابس
سَند مشموره الچربايه
ماصعد فوگ بدل
جوه بَدل ...

طبگت الباب وتقريت شلت التيشيرت
ضميته لحضني
وشميته حيل صار أيام حضني فارغ

أيام منايمه بحضنه مشتاقتله
رغم الأذيه القَدمهه إلي
ورغم كُلشي سوا وحرگه گلبي

بَس مشتاقتله...

شمرت التيشيرت خ يولي ماريد أشتاق
وگفت گدام المرآيه أعدل بروحي
فستاني طويل مخصر كُلش بارز جسمي

والصدر يصير تول والردان ع طوله تول
والفتحه توصل للفخذ
والفستان كُله بلك قماشه ...

عدلت شعري وشفت عطره ع الميز
سحبته رشيت منه شوي
ورجعته....

طلعت من الغرفه المطبخ يصير گدام
الغُرفه مباشره
أول مرفعت رأسي صار گدامي هَو...