عشگ ألصغر

بارت 10

يشعر بالسكون معها حد أنها كلما ذهب إليها
كما لو أنه أغلق باب القلق خلفه...

.
.
.
.
.
.
.
.
.
.
.
.
.
.
.
.
"""""""""
ورد..

واكفه أغسل المواعييين وأمي واكفه تگلي بالعشى
ووطن طالع بالشغل
وسند طالع وي روسلين فدوه شگد حلوين ..

واني افكر ومبتسمه هم يجي يوم واطلع وي خطيبي
وهيج اتونس من اشوف صورهم من يمي
اتونس واضحك وادعي ربي يديمهم ويحفضهم...

ثنينهم ع نياتهم ويستاهلون ...

دخل سند مبتسم سلم وباس راس امي
جر كرسي وكعد يگرط خيار ويصفن

امي.ورده كملت تگلا حضري صينيه رايحه احضر حمام لابوچ ع جيه...

ورد.مو تتاخرين

عافتني وراحت كلشوي ابتوع ع سند
بحلگه حچي ومبين مامرتتاح وبس يصفن.

شطفت المواعييين وعفتهم بمكانهن ينشفن
مسحت ايدي بتيشيرت التراك الس لابسته

سحبت كرسي وكعدت گباله وسحبت ايده.

ورد.شبيگ أشو تصفن شصاير؟

سند.مابيه شي!.

ورد.لا ونوب مابيه شي وي ضحكتگ الحلوه؟؟

سند..هيچ ورده تعبان مابيه شي

ورد.تعبان سوده عليه احچي شبيگ..
سند.روسلين.

رديت مستغربه !

ورد.شبيهه بيهه شي؟؟؟

سند.اووف ورده مادري احسهه مغصوبه عليه تصرفاتهه متناقضه ساعه تضحگ ساعه تگب بوجهي
ساعه ضايجه
خوب من اطلعهه لو اني احچي لو متحچي

ومن احچي تعلق وواكفتلي ع الكلمه
كلشوي تگب وتعيط بوجهي اني ماتحمل وتعرفنيي
كلشي ولا مره ترفع صوتهه عليه...

ورد.عزاا بس لا تضربهااا؟؟؟

سند.شبيچ تخبلتي بالعكس اخذهه بالضحگ واتغزل بيههه بس هي مدري شبيهه
احس تصرفاتههه متناقضه وياي بس
اخخ لو ما احبههه فلا ابقى دقيقه وياهه والله.

دگ ع صدره حيل وعيونه حمر عبالگ
يريد يبچي.

سند.بس هذا ابن الكلب مايرضى ع زعلهه.

ورد.حبيبي تريد اني احاچيههه؟؟

سند.لا ديري بالچ لا تخليهه تحس اني اضوچ منهه ومن تصرفاتهه عوفيهه ع مايهه
نشوف وين تصفه بيهه..

سحب موبايله والسويچ وصعد للغرفه
تنهدت رغم هذا كُله ومايريد يحسسسههه هي تضوجه
يربي لعد شگد يحبهه؟...

اتمنى من الله يهدي روسلين ع اخوي
ويبرد گلب اخوي!...

"""""""""
سند...