ကျွန်မ၏ စိတ်တွေ မှိုင်းညှို့ရင်း လေးကန်ထိုင်းမှိုင်းနေ၏။ ဤအရပ် ၊ ဤဒေသ ၊ဤနှင်းတွေ ၊ဤမြူတွေ အုံ့ဆိုင်းနေသည့် အရပ်နှင့် ကျွန်မ ဝေးကွာတော့မည် ဖြစ်ရျ် ကျွန်မ၏ စိတ်တွေ မရွှင်မပြနိုင်။
မည်သည်ကနေ မည်သို့ ဖြစ်လာမလဲ ။ ကျွန်မတွေးမထားသေး ။ လက်ရှိတွင်တော့ ကျွန်မ၏ ခရီးအစထဲက ပါလာသည့် အထုတ်အပိုးများကိုသာ ပိုက်ပြီး အပြန်ခရီး စတင်ရတော့မည်သာ ဖြစ်၏။ ဤသည်တွင် ကျွန်မ ပိုရျ် ဝမ်းနည်းကာ စိတ်မကောင်း ဖြစ်ရပြန်၏။ စိတ်ဝင်စားရာ မရှိခဲ့သည့် ဒီအလုပ် ၊
တစ်စုံတစ်ဦးကြောင့်သာ စတင်ခဲ့သည့် ကျွန်မ၏
ဤရိုက်ကူးရေး ခရီး ။ စသည်များဟာ ယခုအချိန်၌ ကျွန်မ၏ စိတ်ဝင်စားရာ ၊ စိတ်အားထက်သန်ရာများ အဖြစ် စိတ်အတွင်း၌ ကြီးစိုးကာ တည်ရှိနေလေသည်။
သို့ဖြစ်ပြန်သော်လည်း ကျွန်မဤခရီးတွင် ဆက်ရျ် ရှည်ကြာစွာ နေလို့ ရမည်မဟုတ်တော့ချေ။
ကျွန်မ၏ မူလအလုပ် ၊ ကျွန်မ စိတ်ဝင်စားရာ ၊
ကျွန်မ ထက်သန်ရာ ဖြစ်သည့် အရင်းခံ ဝါသနာများက ကျွန်မအား စောင့်ဆိုင်းနေပြီ ။ ဟားဗဒ်တွင် ပူးတွဲ အမှု ကလည်း ကျွန်မအား စောင့်ကြိုနေသလို ၊ ဂီတတန်း နှင့် ဂန္နဝင် စာပေတန်းကလည်း စောင့်ကြိုနေလေသည်။ လက်တင်တန်းကတော့ ဘွဲ့ကြိုနှစ်ထဲက ပြီးဆီးခဲ့ရျ် ဒီနှစ်တွင် လက်တင်တန်း တက်စရာ မရှိ။ ။
"တီ တီ--! "
"ပွမ်--!"
ကားဟွန်းတီးသံ ကြားလာရ၏။ ထို့နောက်တွင်
"ဟေ့ ကျော်ဌေး ၊ ရောက်လာပြီလားဟ ။
လာ --! ထိုင်ပါအုံး ။ ရန်နူးရေ ပျား၊ သံပုရာ ရည်နွေးကြမ်းလေး လုပ်ပါအုံး " စသည်နှင့် ဦးနော်ဂျာအောင်၏ ဖော်ရွေရွေ နှုတ်ဆက်သံကိုလည်း တစ်ဆက်ထဲ ဆိုသလို ကြားလိုက်ရလေသည်။
ကျွန်မ တကယ်ကို ပြန်ကြရတော့မည်ပဲ ။
ကျွန်မအား လာခေါ်သူပင် ရောက်ရှိလာပြီ ဖြစ်၏။
"ထိုင်အုံးမှာဟေ့--! ။ တရုတ်ဘက်က ဝင်လာတာဆိုတော့ အေးကအေးနဲ့ ၊ ပျားသံပုရာရည်လေးနဲ့ဆို
အကိုက်ပဲ ။ "
" ရေလှိုင်း လုပ်စာရာလေးတွေ ရှိသေးလို့
ထင်တယ်။ မဆင်းလာသေးတာ ။ အစောကတော့
အောက်ထပ် ခဏ ဆင်းလာသေးတယ် ။
ရောက်မဆိုက်ကြီး မသွားကြနဲ့ ၊ ဝမ်းလေးနွေးသွားအောင် သောက်ပါအုံး "
YOU ARE READING
"မီးအိမ်ရှင်မလေး ---!" (complete)
De Todoကချင်ပြည်နယ် မြောက်ဖျားပိုင်းက ရှိန်းခေါင်ဟု အမည်တွင်သော ရွာလေးကို ဇာတ်အိမ်တည်ထားပါတယ် ။ ( ပုံလေးသည် pinterestမှ ယူသုံးထားခြင်း ဖြစ်သည့်အတွက် crdအပြည့်အဝ ပေးပါသည် ။) ကခ်င္ျပည္နယ္ ေျမာက္ဖ်ားပိုင္းက ရိွန္းေခါင္ဟု အမည္တြင္ေသာ ရြာေလးကို ဇာတ္အိမ္တည္ထာ...
