بزمن لا يملك أحداً منا سوى شهادتهُ...تعليمهُ...وخبرته...
اصبح التعليم ليس سوى سلعة...يتاجر بها المعلمين أو الدكاترة...
خالية من النصيحة الحسنة...والمفيدة...مليئة بالنقود والمصالح الشخصية...
هالحرب يلي علمتنا لازم ناخد شهادة...ليكون عنا مركزنا وشغلنا بالمستقبل...لانو بالحرب مافي مستقبل فيه غير بالشهادات...
بنفس الوقت الحرب هي يلي خلت علمنا وشهاداتنا مجرد تجارة...وكلها اوهام...
بدل ما يتوافر تعليم بدون اقساط غالية...صار يتوافر باقساط خيالية...
بدل ما تكون نصيحة بالمدارس ببلاش...صار حقها ملايين...
بدل ما طالب يفرح بجامعته ويتخرج و ينجح كل سنة مع سنتها...صار حلمه انو يتخرج...
بدل ما نلاقي نسخ الكتب موجودة ومتوافرة...صار الحلم انو نلاقي كل النسخة...
بدل ما يروح الطفل على مدرسته وهو مبسوط...صار ياكل هم يروح وحدا يطالبه بقسط المدرسة...
بدل ما يروح طالب الجامعة بنشاطه على محاضرته...صار يحسها سجن مؤقت مدته ساعتين مع تعذيب بأسوء انواعه...
هالحرب شو صورتلنا شغلات لازم نساويها...ووقعتنا بفخها يلي مافي منو مخرج...
هالحرب شو رسمتلنا خيارات بعلمنا...وطلعت عم تاجر فينا فيه...
هالحرب شو ورجتنا حلاوة ولذة العلم...لتحرمنا منو وتساويه اسوء كوابيسنا...
هالحرب شو خلتنا نرسم وظائف وشغل...على اساس هالشهادة...طلعت عم ترسملنا وهم وعذاب...
هالحرب يلي علمتنا انو سلاحنا هو شهادتنا...طلعت عم تقتلنا فيه...وعم نموت على البطيء...
هالحرب يلي قالت املنا بهالجيل...هي نفسها يلي عم تكسر فيه...هي نفسها يلي كرهته التعليم...وكرهته ببلده...هي نفسها يلي عم تخلي جواته الف غصة وغصة...
هالحرب يلي سمتنا جيل الغد...نفسها يلي سمتنا جيل بلا امل وبلا هدف...
هالحرب يلي قالت هالجيل هو اقوى جيل...هي نفسها يلي قالت انو هالجيل جيل نعنوع...
هالحرب يلي راهنت علينا انو نحن جيل المستقبل بعلمنا وشهادتنا...نفسها يلي خسرت رهانا وسمتنا جيل الحرب فاقد الامل والتعليم...كاره للحياة...ناقم على مستقبله...بلا رغبة...
هالحرب شو عطتنا أمل أنو مستقبلنا بهالشهادة...طلع مستقبلنا بشهادة الاسلام...
أنت تقرأ
همسات حرب
Actionحرب أهلية لم تتوقف الا عندما تأكدت بأننا تجردنا من انسانيتنا...حرب أهلية انهكت روحنا...زرعت الخوف بداخل قلوبنا...جعلت مننا مجرد آلات للقتل...سنعود يوماً إلى حالنا؟!... قصص واقعية عن آلام و مأسات الحرب الأهلية...
