الحرب طفت كل شيء جواتنا...
خلتنا بشر بلا ارواح...
وبشر بلا قلوب...
جردت مننا الرحمة والطيبة والرأفة....
ياترى الحرب اخذت مننا يلي بدها او لسا في بعد؟!
ياترى بعد كل هالخراب يلي ولدته حرب أهلية لسا في خير؟!
يا ترى الحرب خلصت او مالح تخلص غير ل تخلص علينا؟!
كلها أسئلة مالها جواب او يمكن ألها جواب بس ما حدا قادر يحكيه...
يمكن خوف ويمكن تكبر...
بسبب كبر هالحرب وبسبب كبر مشاكلها عطت سلطة اكبر للشب تحت جملة
"شب مابعيبه الشي"
واذا البنت عملت شي غلط ولو بسيط بيعتبروه كفر...
بس لكل قاعدة الها استثنائات....
صارت البنت معلش تطلع لبرا بيتها وهي متفرعة...
تنشر صورها على النت وهي شبه شالحة...
صار الوشم على جسمها من علامة الانوثة...
وصار شلح الحجاب فخر و علامة قوة...
والشب تحت مسمى الحب بيطلب من حبيبته صور بلبس وبدون لبس...
بحجة هي ملكه ومو لحدا تاني...
واذا صار اي خلاف بينهم بصير بهددها بصورها...
بهددها انو يشوه سمعتها ويفضحها...
كرمال يمشيها متل ما بده...
ومافي اي حدا يردعه او يعلمه الصح من الغلط...
وكل هالقصص عم تكتر اكتر واكتر بدون ماحدا يستوعب شو عم يصير او لي لهون وصلنا...
وصلنا لهون بسبب :
تربية المتسيبة ل الشب وصارت ترباية البنت متسيبة اكتر...
عدم رقابة الاهل...
مقولة "حرية شخصية"...
الارتباطات يلي انتشرت تحت مسمى الحب وهي لتفريغ الشهوات...
هالحرب كبرت فينا كتير شغلات...
يلي منها ال :
عيب
حرام
تكبر
خبث
وكبرتنا اكبر من عمرنا بكتير...
بقولو عنا جيل فاشل...
بقولو عنا جيل صايع...
بس نحن جيل الحرب...جيل الحرب يلي كبر قبل وقتو...تفتح على شغلات كتير...تفتح على شغلات للكبار وصارو الصغار بيعرفوها اكتر من الكبار نفسهم...جيل الحرب يلي عطول دموعه على وجهه...حسرته جوا قلبه...وكسرت خاطره اكبر من اي كسر بالدنيا...جيل الحرب يلي انحرم من كلشي بحبو...يلي انحرم من طفولتو...و وعي على صوت الرصاص ومناظر المسدسات والبوريد...يلي وعي على ساحات الدم...يلي وعي على صوت المآذن والقرآن كل يوم بسبب موت حدا...يلي وعي على فقد اهلى واحبابو وناسو...ان كان موت او سفر...
الحرب دمرتنا...وقتلت كلشي جواتنا...
يا ترى شو نهاية هي الحرب؟!...
يا ترى بعد في اكتر من يلي صار؟!...
في اكتر من قضايا :
المخدرات
الاغتصاب
القتل
السرقة
تحليل الحرام
الطلاق
تشرد
الهجرة
التهديد
في اكتر من هيك؟!...
او خلصت؟!...
يا ترى خلصت الحرب مع انتشار هالوباء يلي خلى هالبشر تقعد ببيوتها؟!...
او بعدها شغالة بس هاد الوقت هدنة؟!...
بس رغم هيك بعدها منرسم ضحكة على وجوهنا لنواسي حالنا ونواسي العالم يلي بتشبهنا...
هي لح تكون نهاية همسات هالحرب مني...ويارب تنتهي همسات هالحرب من العالم كلو...
أنت تقرأ
همسات حرب
Actionحرب أهلية لم تتوقف الا عندما تأكدت بأننا تجردنا من انسانيتنا...حرب أهلية انهكت روحنا...زرعت الخوف بداخل قلوبنا...جعلت مننا مجرد آلات للقتل...سنعود يوماً إلى حالنا؟!... قصص واقعية عن آلام و مأسات الحرب الأهلية...
