قبل ما تكون الحرب أهلية...
الحرب جواتنا وبعدين طلعت لبرا...
نحن هي الحرب...مو الحرب يلي أثرت علينا...
نحن حرب من مئات السنين...
أكبر دليل أنو البشرية ما شافت السلام غير سنين معدودة مقابل سنين طويلة...
الحرب موجودة بفكرنا قبل ما تكون برا...
الحرب يلي جواتنا ولدت حرب كبيرة...
خلت من ساحات لعب تبع ولاد الحارة مجازر ومقابر...
ساوت من البيت يلي هي الأمان حجار مكومة وهرب منها الدفا والأمان...
هالحرب يلي حرمت الولاد من اهليهم... والاهل من ولادهم شباب او صبايا...كبار مدري صغار...
هالحرب يلي سلبت الرزق من اصحابو...
هالحرب حرمتنا من وطنا...من الوطن يلي كان أحلى وطن...الوطن يلي كل شوارعه ياسمين ودقة قديمة...
وصار هالوطن غربة لسكانو...منفر لكل الموجودين...تحول لساحة حرب مابتخلص...تحول لنكتة ساخرة لكل بلاد العالم...وطنا يلي كان من أقدم الأوطان بالتاريخ...يلي كان حامل قصص قديمة...بتخلي السواحل تجي لتعرف هالقصص...صار وطن ناءِ...صار مكان للغلاء...للعيش بدون روح...خالي من السواح...ومن اهله...
انتهت الحرب المنشوبة بالأسلحة...ولكن بقيت الحرب في نفوس مواطنيه...حرب فكرية...حرب تنشب عند خلاف أي شخصين...حرب تنشب بأبسط الامور...لم يعد سكانه كما كانو...فقد انتهت من نفوسهم تسامح...الطيبة...الحنية...ووجدت مكانها النزاع والصراع المستمر...الحقد...التوتر...
أنت تقرأ
همسات حرب
Actionحرب أهلية لم تتوقف الا عندما تأكدت بأننا تجردنا من انسانيتنا...حرب أهلية انهكت روحنا...زرعت الخوف بداخل قلوبنا...جعلت مننا مجرد آلات للقتل...سنعود يوماً إلى حالنا؟!... قصص واقعية عن آلام و مأسات الحرب الأهلية...
