الحرب خلت كل بيت ناقصه حدا...
الحرب حرمت كل أم من ابنها أو زوجها...
الحرب حرمت كل اخت من اخوها او ابوها...
الحرب حرمت كل ابن من ابنو او بنتو...
الحرب شتت بيوت وخلت كل حدا من سكان هالبيوت بمطرح...
وهالبلاد حفظ مننا ومن ناسنا كتير...
من تركيا ل المانيا...للسويد ل نروج...ويمكن دبي ومصر واربيل...
كل بلد منهم خصص ل سكانا بيوت وشغل وراتب شهري...
ل تحققله يلي ما حسن بلده يحققله ياه بسبب هالحرب...
كلمات الوداع عم تخبط بحيطان هالبيوت...
دعوات الحفظ وصون عم ترتفع لأعلى سما...
وكلمات آمين عم تلحقها...
بحرقت قلب و وجع روح...
محدا فينا بيتحمل يودع حدا غالي على قلبه...وخصوصي اذا كان الطريق يلي لح يمشي فيه مجهول وكلو خطر بِـ خطر...
فضيت البيوت ويادوب صار ساكنها الام والاب لوحدهم...واذا الله كان رضيان عليهم وبحبهم معهم حدا من ولادهم...بس أغلب هالبيوت صارت خالية من شي اسمو ولد او حفيد...
رجع على البيت بعد يوم مليان تعب...بس بده يضم ولاده لحضنه ويطمن عليهم انهم بخير...ليرتاح من هالتعب...
فتح باب البيت ومع خطواته عم ينادي باسماء ولاده...
واخر الممر مرته ناطرته ودموعها على وجهها...
دخلك نسيت انو ولادك سافرو...ولادك ماعاد يرجعو...وهالبيت فضي علينا...ولادك راحو ونحرمنا منهم...
صفن فيها ودموعو ارتسمت جوات عيونو وبحرقة قلب واضحة...
الله يلعن ابو هالحرب يلي حرمتنا منهم...ومن ولادهم...الله يلعن هالحرب يلي خلت حرقت قلبنا تكبرنا كل يوم مية سنة لقدام...
ضمها بحنية...وطبعلها بوسة لطيفة على جبينها...
بيتنا فضي من ولادنا بس نحمد الله انهم بصحة وانا وانتِ بعدنا عايشين لنطمن عليهم...ولادنا ببلاد أحسن من بلادنا يلي اكلها الحرب ودمرها...بكفي عايشين عمرهم وماعم يكبرو مع هالحرب يلي بتكبر كل يوم الف سنة لقدام...
أنت تقرأ
همسات حرب
Actionحرب أهلية لم تتوقف الا عندما تأكدت بأننا تجردنا من انسانيتنا...حرب أهلية انهكت روحنا...زرعت الخوف بداخل قلوبنا...جعلت مننا مجرد آلات للقتل...سنعود يوماً إلى حالنا؟!... قصص واقعية عن آلام و مأسات الحرب الأهلية...
