Under the Blue Moonlight A,B,O [Completed ✔]

Part 7 🌙

ကျောင်းကိုလိုက်ပို့တဲ့ ကားနီနီလေးပေါ်မှာ ပြတင်းပေါက်အပြင်ကိုငေးကြည့်ရင်း ဆော့ဂျင်မျက်နှာကပြုံးတုံးတုံး... နောက်ကြည့်မှန်ကနေ ခဏခဏလှမ်းကြည့်အကဲခတ်နေတဲ့ ဘော်ဒီဂတ်ဦးလေးကြီးချွဲနဲ့ အကြည့်ချင်းဆုံတော့ ပုံမှန်မျက်နှာထားဖြစ်အောင် ချက်ချင်းပြင်ယူလိုက်သည်...

"ဂျင်လေး... ပျော်စရာတစ်ခုခုရှိနေတယ်ထင်တယ်... ဒီနေ့မျက်နှာလေးကြည်နေတယ်..."

"သိသာနေတာလား ဦးလေးကြီးချွဲ... ဘာလို့လဲတော့မသိဘူး ဒီနေ့ကျောင်းတက်ချင်စိတ်တွေဖြစ်နေတယ်..."

"ဂျင်လေးက အမြဲတမ်းကျောင်းတက်ချင်နေတာပဲကို...ဒါမယ့်ဒီနေ့ကျတော့ ခဏခဏပြုံးနေလို့လေ..."

"ခဏ ခဏ မပြုံးပါဘူး ဦးလေးကြီးကလည်း..."

ဆော့ဂျင်ကို အလိုလိုက်လွန်းသည့် အဖေဖြစ်သူ၏အားအကိုးရဆုံးလူယုံဦးလေးချွဲမှာ Alpha တစ်ယောက်... ဆော့ဂျင်နဲ့ကလည်း အသက် ၁၆ နှစ်လောက်ကွာသည်ဖြစ်လို့ တူလိုသားလို ရင်းနှီးတဲ့ဆက်ဆံရေးတစ်ခု...

"ဆင်းလို့ရပြီလေ သခင်လေး..."

ဆော့ဂျင်အတွေးတစ်ခုထဲနစ်မြောနေစဥ် ဦးလေးကြီးရဲ့အသံကိုကြားတော့မှပဲ အိမ်မက်ကလန့်နိုးလာတဲ့ကလေးတစ်ယောက်လို အာရုံပြန်ကပ်လာတော့သည်... သူ့ကိုဘာစကားမှထပ်မပြောပဲ ပြုံးပြုံးကြီးကြည့်နေတဲ့ဦးလေးကြီးကို နောက်ကြည့်မှန်ကနေတဆင့် မျက်စောင်းထိုးပစ်လိုက်၏... သူသိတာပေါ့ "သခင်လေး" လို့ခေါ်ကတည်းက သူ့ကိုသက်သက်စနောက်ချင်နေတာမှန်း... 

"အာ...သခင်လေး... Mask ... Mask..."

ဦးလေးကြီးပြောတော့မှာ မျက်နှာကိုယောင်ပြီးစမ်းကြည့်တော့ Mask မတပ်ရသေး... ဦးထုပ်သာဆောင်းပြီး ကားပေါ်ကစိတ်ပေါက်ပေါက်နဲ့ဆင်းသွားဖို့လုပ်မိတာ... ရှက်ရှက်နဲ့ ဦးလေးကြီးကမ်းပေးနေတဲ့ အနက်ရောင် Mask လေးကို မြန်မြန်ယူပြီး နေရာတကျတပ်လိုက်သည်...

"သခင်လေး... ချစ်သူတွေဘာတွေရနေပြီဆိုလည်း ဦးလေးကြီးကိုအရင်ပြောပြဦးနော်..."

"အာ... ဘာတွေပြောနေတာလဲ... ကျွန်တော့်ဒီပုံစံနဲ့ ဘယ်လိုချစ်သူထားရမှာလဲ နည်းနည်းပါးပါးစဥ်းစားပါဦး အာဂျီးရှီးရဲ့... ဒီမှာ ဒါတွေဝတ်ရလို့ နားရွက်တွေနာရတဲ့ကြားထဲ... နားရွက်တွေလည်းနာတယ် အိုက်လည်းအိုက်တယ်... မျက်လုံးတွေလည်းအောင့်တယ်... ကိုယ့်ဆီကရနေတဲ့အနံ့ကိုလည်းမကြိုက်ဖူး... ဒီလောက်တစ်ကိုယ်လုံးဖုံးအုပ်ထားပြီး လူသိမခံတဲ့ ဒီလိုကောင်လေးကို ဘယ်သူကလာကြိုက်မှာလံ အာဂျီးရှီးပဲပြောပါဦး... ဒီကင်မ်ဆော့ဂျင်ရဲ့မျက်နှာလေးက ဘယ်လောက်တောင်နှမြောစရာကောင်းလိုက်သလဲ... တစ်နေကုန် Mask မဲမဲကြီးအောက်မှာ နေနေရတာ... မကောင်းဘူး... အာပါးလည်းမကောင်းဘူး... ဦးလေးကြီးလည်းမကောင်းဘူး... Alpha တွေတစ်ယောက်မှကိုမကောင်းတာ... တစ်ယောက်မှနော်..."