Under the Blue Moonlight A,B,O [Completed ✔]

Part 24 🌙

မျှော်လင့်ထားသလိုဖြစ်မလာသည်မို့ ကင်မ်ဂျောင်ဟိုတစ်ယောက် ညမအိပ်နိုင်သေးပဲခေါင်းခြောက်အောင် စဥ်းစားခန်းဖွင့်နေရပြီဖြစ်သည်... ထိုတဇွတ်ထိုးလုပ်ချင်ရာလုပ်သည့် ခပ်ရိုင်းရိုင်းကောင်လေးကို ဆော့ဂျင်ရဲ့အနားကနေ တစ်ခါတည်းပျောက်ကွယ်သွားအောင်လုပ်ချင်ခဲ့ပေမယ့် ဆော့ဂျင်က ခါးခါးသီးသီးဖြင့် ရှိသမျှအင်အားကိုသုံးကာတားဆီးခဲ့၏... ရလဒ်ကတော့ထိုကောင်လေးကိုမခံချင်စိတ်နဲ့ သဘောတူမိခဲ့သောအလောင်းအစားတစ်ခုသာ အဖတ်တင်လေတော့သည်...

စာကြည့်မီးမှုန်မှုန်လေးသာထွန်းထားခဲ့တဲ့ အလုပ်ခန်းထဲကနေ မနက် ၄ နာရီကျော်အထိသူတစ်ယောက်တည်းထိုင်နေ၏... ဂျက်ဆန့်ကိုရှာခိုင်းထားတဲ့ ထိုဂျွန်မျိုးနွယ်ကောင်လေးနဲ့ပက်သက်သမျှအချက်အလက်တွေကို အပြန်ပြန်အလှန်လှန်ဖတ်သည်... ဒီအချိန်မှာဇနီးဖြစ်သူကတော့ ဘာမှမသိပဲ အေးချမ်းစွာဖြင့် အိပ်ပျော်ကောင်းအိပ်ပျော်နေမှာဆိုပေမယ့် သူ့အတွက်တော့ အပူတစ်ခုထပ်တိုးလာသည်မို့ အိပ်စက်အနားယူဖို့ဆိုသည်မှာဝေးစွ...

ထိုကောင်လေးရဲ့အမူအကျင့်တွေက လက်ခံနိုင်စရာမရှိဘူးဆိုပေမယ့် ဂျက်ဆန်ပေးထားသည့်အချက်အလက်တွေအရတော့ နောက်ခံအင်အားတောင့်တင်းကာမျိုးရိုးကောင်းသည်... ဂျွန်ဂျောင်ကုရဲ့အဖေကိုလည်းသူကောင်းကောင်းသိသည်... ဂျက်ဆန်လိုမျိုး သူတို့မိသားစုရဲ့အာဏာသက်ရောက်နိုင်သည့်သူမျိုးတော့မဟုတ်ပေမယ့် ဆော့ဂျင်အတွက်အထောက်အပံ့ကောင်းကောင်းပေးနိုင်သည့် အသိုင်းအဝိုင်းပင်...

နောက်တစ်ခုကဆော့ဂျင်...‌ ဆော့ဂျင်ရဲ့စိတ်အခံက နူးညံ့တာကိုသိပေမယ့် ထိုကောင်လေးအပေါ်ကိုတော့ သာလွန်ထူးကဲစွာကာကွယ်ပေးနေခဲ့ခြင်းပင်... နူးညံ့တဲ့စိတ်အခံနဲ့ ခွင့်လွှတ်ပေးတတ်တဲ့စိတ်ကလေးရှိတာကိုကောင်းကောင်းသိပါသည်... ဒါပေမယ့် သူ့အပေါ်မှာပုံစံမျိုးစုံနှင့် အနိုင်ကျင့်ဆက်ဆံခဲ့လေသည့်ထိုကောင်လေးအပေါ်ကို မုန်းတီးနေခြင်းမျိုးတစိုးတစေ့မျှမရှိပဲ သနားဂရုဏာသက်သည့်မျက်လုံးများနှင့်ကြည့်နေသည့်သားငယ်... ဆော့ဂျင်ရဲ့သနားဂရုဏာသက်သည့်အကြည့်တွေကို ပြန်စဥ်းစားမိလေ ကင်မ်ဂျောင်ဟိုရင်မောစွာဖြင့် သက်ပြင်းတွေအခါခါချမိလေ...