အသက် ၂၃ နှစ်ပြည့်တာနဲ့ ကင်မ်လုပ်ငန်းစုရဲ့လုပ်ငန်းကြီးတွေအကုန် လွှဲပြောင်းယူခွင့်ရရှိမယ့် စာချုပ်လေးတစ်ခုရယ် ၂၃ နှစ်မပြည့်ခင်အထိ ယာယီထိန်းသိမ်းပေးထားဖို့ လုပ်ပိုင်ခွင့်စာချုပ်လေးရယ် ထိုစာချုပ်အောက်မှာ လက်မှတ်ထိုးထားတဲ့ ဂျောင်ကုအဖေရဲ့နာမည်... ထိုအရာတွေကို ဖတ်ကြည့်ပြီးဆော့ဂျင်နားလည်နိုင်စွမ်းမမှီခဲ့...
ခေါင်းကိုတဗြင်းဗြင်းကုတ်ရင်း ဆော့ဂျင်တစ်ယောက် ထိုစာချုပ်တွေကို တစ်ရွက်ပြီးတစ်ရွက်အပြန်ပြန်အလှန်လှန်ကြည့်သည်...
ကင်မ်လုပ်ငန်းစုရဲ့ အဓိကလုပ်ငန်းကြီးတွေဆိုတာ အရောင်းအဝယ် Trading နဲ့ပက်သက်တာတွေ၊ ဆောက်လုပ်ရေးလုပ်ငန်း၊ စားသောက်ကုန်လုပ်ငန်းနဲ့ ဟိုတယ်လုပ်ငန်းတွေ... အဓိကလုပ်ငန်းကြီး ၄ ခုထဲမှာမှ ဆော့ဂျင်ကို ၂၃ နှစ်ပြည့်တဲ့အခါ Trading ကလွဲပြီး ကျန်သည့် ၃ ခုကိုလွှဲပြောင်းဆက်ခံစေမည်ဖြစ်သည်... လုပ်ငန်းအကြီးစားတွေကိုလွှဲပေးနေတာက သိပ်ကိုစောလွန်းနေသည်မို့ အဖေဖြစ်သူရဲ့အတွေးကို နားမလည်...
"အချိန်ယူပြီးကြည့်လို့ရပါတယ် ကင်မ်သခင်လေး... နားမလည်ရင်လည်းမေးနိုင်ပါတယ်... အဓိကကတော့ သခင်လေးအသက် ၂၃ ပြည့်တာနဲ့ Trading ပိုင်းကလွဲလို့ လုပ်ငန်းအကြီးတွေကိုပါဆက်ခံခွင့်ရမယ်... အခုလောလောဆယ်ကတော့ လုပ်ငန်းအသေးလေးတွေကိုစီမံခွင့်ရမယ်... နောက်ထပ်အရေးကြီးတာတစ်ခု ခေါင်းဆောင်ကင်မ်မှာလိုက်တာက..."
"......."
ရှေ့နေကြီးက စကားစကိုရပ်လိုက်တော့ ဆော့ဂျင်စိတ်ဝင်တစားဖြင့် မျက်လုံးလေးတွေအရောင်တောက်လာတော့သည်...
"သူဌေးဂျွန်ရဲ့သားနဲ့ စေ့စပ်ထားဖို့ပါ... သခင်လေးတို့နှစ်ယောက် ကင်မ်အိမ်တော်ကိုလာပြီး စေ့စပ်ဖို့ကိစ္စဆွေးနွေးစေချင်တယ်လို့မှာလိုက်ပါတယ်..."
"စေ့စပ်ဖို့??? အာပါးကကျွန်တော့ကိုစေ့စပ်ခိုင်းနေပြီလို့ ပြောတာလားရှေ့နေကြီး..."
"ဟုတ်ပါတယ်သခင်လေး... ဖြစ်နိုင်ရင်အိမ်တော်ကိုသွားလိုက်ပါဦး..."
"မဟုတ်ဖူးလေ ရှေ့နေကြီး... ကျွန်တော်ကကျောင်းပြီးသွားမှပဲ ဒီကိစ္စတွေစဥ်းစားမယ်လုပ်ထားတာ..."
ESTÁS LEYENDO
Under the Blue Moonlight A,B,O [Completed ✔]
Hombres Loboငါတို့ပြန်ဆုံကြမယ်... အခုဘဝမှာရော... နောက်ထပ်ဘဝတွေတိုင်း ဒီအပြာရောင် လမင်းကြီးရှိနေသ၍ ပြန်ဆုံကြမယ်... နောက်ထပ်ပြန်ပြီးမွေးဖွားလာမယ့်ဘဝတိုင်း... အမြဲတမ်းအတွက် ဒီနေရာမှာပြန်ဆုံကြမယ်... 🌙🌙🌙 Start Date : 26.4.2022
![Under the Blue Moonlight A,B,O [Completed ✔]](https://img.wattpad.com/cover/308930557-64-k911899.jpg)