အသံကျယ်ကြီးကိုကြားလိုက်ရချိန်တွင် ရှုရင် အိမ်အနောက်ဘက်ကိုအပြေးအလွှားသွားရင်း လမ်းတစ်လျှောက်မှာလည်းလင်ပန်းပေါ်ကအစားအသောက်တွေဖိတ်မကျအောင် တတ်စွမ်းသမျှဂရုစိုက်ပြီးကိုင်လာရသည်။သူဦးတည်ပြီးသွားနေသောနေရာကိုရောက်သည့်အချိန်မှာတော့ ရှုရင်တစ်ယောက် လုရှစ်စွင်း၏အပြုအမူတွေကြောင့် နောက်တစ်ကြိမ်ထပ်ပြီးထိတ်လန့်သွားရပြန်သည်။
လူဆယ်ယောက်လောက်အုပ်စုဖွဲ့ပြီးပွေ့ဖက်ရင်တောင် ပင်စည်တစ်ပတ်မပြည့်သောသစ်ပင်ကြီးတစ်ပင်သည် လဲကျနေ၏။လုရှစ်စွင်းက အဲ့ဒီအပေါ်တွင်ဆောင့်ကြောင့်ထိုင်နေရင်း ပါးစပ်ကနေ 'အရမ်းအားကောင်းလွန်းတယ်' 'အရမ်းနှေးလွန်းတယ်' ဆိုပြီးတတွတ်တွတ်ပြောနေသည်။အမြစ်ကနေပါဆွဲနုတ်ခံထားရသောသစ်ပင်ကြိီးကိုကြည့်ပြီး ရှုရင် တံတွေးအလျင်စလိုမျိုချမိသွားသည်။လုရှစ်စွင်း၏မကောင်းသည့်ဘက်အခြမ်းနှင့်မတွေ့မိအောင်လည်း သူ့ကိုယ်သူသတိပေးလိုက်သည်။
ပိုင်မင် သူ့စွမ်းရည်များနှင့်ပတ်သတ်ပြီး ထိုင်ကာတစိမ့်စိမ့်တွေးတောနေရင်း ဒီနေ့အတွင်းမှာပင်ကြားရတာနှစ်ကြိမ်ရှိနေပြီဖြစ်သော လုပ်ချောင်းနှစ်သံကိုကြားလိုက်ရပြန်သည်။သူ အောက်က်ိုငုံ့ကြည့်လိုက်ချိန်တွင် စားစရာတွေပြည့်နှက်နေသည့်လင်ပန်းကိုကိုင်ထားသော တပည့်လေးကိုတွေ့လိုက်ရသည်။ "အချိန်ကိုက်ကိုရောက်လာတာပဲရှောင်ရင်!ငါအခုဗိုက်ဆာလွန်းလို့ မြင်းတစ်ကောင်လုံးကိုတောင်စားလို့ရလောက်တယ်" ပူပူနွေးနွေးအစားအသောက်တွေကိုမြင်လိုက်ရချိန်မှာတော့ ပိုင်မင်လုပ်ရိုးလုပ်စဥ်တွေကိုမေ့သွားကာ ရှုရင်ကိုရင်းနှီးသောလူတစ်ယောက်လိုမျိုး ကြည့်လိုက်သည်။
ရှုရင်လည်းသေချာပေါက်ထိုအရာကိုသတိထားမိကာ ရှက်စိတ်ကြောင့် သူ့လည်ပင်းကနေမျက်နှာတစ်ပြင်လုံးအထိ နီမြန်းသွားလေသည်။သူ စကားမပြောခင် ချောင်းဟန့်လိုက်၏။ "အာ...အမ် လုရှစ်စွင်း ဘယ်နေရာမှာစားမှာပါလဲ?"
DU LIEST GERADE
A Lotus Born Of Mud(Myanmar Translation) (Completed)
Fantasy"လုရှစ်စွင်း...ကျွန်တော်ရှစ်စွင်းကိုသဘောကျတယ်" "ငါလည်းမင်းကိုသဘောကျပါတယ်,ရှောင်ရင်" "ကျွန်တော်ပြောလိုက်တဲ့ *သဘောကျတယ်* ဆိုတာက အိပ်ရာထဲမှာတစ်နေ့လုံးတစ်ညလုံးလူးလှိမ့်ချင်တဲ့သဘောကျမှုမျိုးပါ ရှစ်စွင်း" *ဆန့်ကျင်ဘက်အရပ်သို့ ကမန်းကတန်းထွက်ပြေးသွား ...