မီးပုံးတွေက ခပ်မြင့်မြင့်ဆီသို့ပျံသန်းရောက်ရှိသွားကာ ဟိုးအဝေးတစ်နေရာရှိ တလက်လက်တောက်ပနေသောကြယ်ကလေးတွေဖြင့် ရောနှောသွားလေ၏။ထို့နောက်တွင်တော့ ပိုင်မင်နှင့်ရှုရင်တို့နှစ်ယောက်လည်း ထွက်ခွာသွားကြကာ သန်းခေါင်ယံအချိန်ရောက်တော့မှာဖြစ်သည့်အတွက် ပိုင်မင် ကပြဖျော်ဖြေခဲ့သောစင်ငယ်လေးဆီသို့ဦးတည်သွားလိုက်သည်။
ရှုရင်မှာတော့ ပိုင်မင်၏လမ်းလျှောက်နေပုံကိုကြည့်ပြီး မရယ်မိစေရန် သူ့နှုတ်ခမ်းကို ကိုက်ထားရသဖြင့် မျက်နှာပေါ်ရှိကြွက်သားတွေပင် နာကျင်လာရသည်။
"အကယ်၍ ငါအဲ့ဒီဝိုင်ပုလင်းကိုမရဘူးဆိုရင် ငါ့ညီလေးကိုဖြတ်ပစ်လိုက်မယ်!" မည်သူတစ်ဦးတစ်ယောက်မှရှိမနေသောနေရာတွင် ပိုင်မင်တစ်ယောက် မေးစေ့ကိုလေထဲဝင့်ကြွားစွာမော့ထားရင်း ပြောလိုက်၏။
ရှုရင် ရယ်ချင်စိတ်ကိုနောက်ထပ်ဆက်ပြီးထိန်းမထားနိုင်တော့ပေ "ခွီ!"
"ငါတကယ်ဖြတ်ပစ်မှာ!ငါဒီလောက်အားစိုက်ထုတ်ပြီးကခဲ့တာတောင်မှ အနိုင်မရဘူးဆိုရင် နတ်ဘုရားတွေကငါ့ကိုယောက်ျားဖြစ်ဖို့မထိုက်တန်ဘူးလို့ယူဆထားတာပဲဖြစ်ရမယ်။အဲ့ဒီတော့ ငါ့မှာ အဲ့ဒါရှိနေဖို့လိုပါဦးမလား" ပိုင်မင် သူ့ခွကြားကိုပုတ်ရင်းပြောလိုက်၏။ရှုရင်၏မျက်လုံးတွေက ပိုင်မင်ပုတ်ပြလိုက်သောနေရာတွင်သာ နှလုံးခုန်သံ 'တဒုန်းဒုန်း' ဖြင့် နာရီဝက်လောက်ရစ်ဝဲနေခဲ့မိသည်။
"အဟမ်း။လုရှစ်စွင်း...ဒီလိုမျိုးပြောနေမဲ့အစား ဘယ်သူပထမရမလဲဆိုတာကိုပဲသွားကြည့်တာမကောင်းဘူးလား။"
"ဟမ့်...မင်း ငယ်ပါသေးတယ်ကောင်လေးရယ်။မင်းရဲ့အသက်အရွယ်မှာ ရဲရဲဝင့်ဝင့်နဲ့စွန့်စားသင့်တယ်ကွ...မင်းရဲ့ပစ္စည်းကိုတောင်အသုံးမပြုဖူးသေးဘူးမလား? ပြောရမယ်ဆိုရင် အမျိုးသမီးဂိုဏ်းသားတွေအများစုမင်းကိုကြည့်နေတဲ့ပုံစံက ငါဝက်သားကင်ကိုကြည့်နေတဲ့ပုံစံနဲ့တစ်ပုံစံတည်းပဲ..."
YOU ARE READING
A Lotus Born Of Mud(Myanmar Translation) (Completed)
Fantasy"လုရှစ်စွင်း...ကျွန်တော်ရှစ်စွင်းကိုသဘောကျတယ်" "ငါလည်းမင်းကိုသဘောကျပါတယ်,ရှောင်ရင်" "ကျွန်တော်ပြောလိုက်တဲ့ *သဘောကျတယ်* ဆိုတာက အိပ်ရာထဲမှာတစ်နေ့လုံးတစ်ညလုံးလူးလှိမ့်ချင်တဲ့သဘောကျမှုမျိုးပါ ရှစ်စွင်း" *ဆန့်ကျင်ဘက်အရပ်သို့ ကမန်းကတန်းထွက်ပြေးသွား ...
