ပိုင်မင် သူငှားထားသည့်လူနှင့်တွေ့ဖို့စီစဥ်ထားသောလျှို့ဝှက်အခန်းထဲသို့ဝင်လာလိုက်သည်။အခန်းထဲသို့ရောက်ရောက်ချင်းမှာပင် လေထဲ၌ ပျားရည်စုပ်ပန်းရနံ့သင်းသင်းလေးကိုရလိုက်၏။ထိုရနံ့က စိတ်တည်ငြိမ်မှုကိုပေးစွမ်းနိုင်ပြီး သူ့ရဲ့စိုးရိမ်ပူပန်မှုတွေကိုလျော့ကျသွားစေသည်။သူ စားပွဲဝိုင်းလေးကိုကြည့်လိုက်ချိန်တွင် ကိုယ်ကိုကိုင်းထားသည့်ခေါင်းစွပ်နှင့်လူတစ်ယောက်ကိုတွေ့လိုက်ရသည်။
(T/N-ပျားရည်စုပ်ပန်း)
"ကျွန်တော်ရောက်ပြီ။" ပိုင်မင် ထိုသူ့ကိုပြောလိုက်သည်။
"သိတယ်။မင်းပြောနေစရာမလိုဘူး။" ထိုသူသည် သရော်သလိုမျိုးပြောကာ သူ့ကိုယ်ကိုပိုပြီးကုန်းလိုက်လေသည်။ပိုင်မင် ထိုသူ့သဘောထားကြောင့်မျက်မှောင်ကျုံ့ထားရင်းဖြင့်သာ စားပွဲဝိုင်းဆီသို့လျှောက်လှမ်းလာလိုက်သည်။ထိုသူ့နာမည်မှာ 'ရှောင်ကွေ့' ဖြစ်ပြီး ဒီနာမည်ကိုမှည့်ထားတာက သူ့အကြောင်းနှင့်သူဆိုပေမဲ့ ထိုသူ့ပုံစံက 'သေးငယ်တယ်' ဆိုသောစကားလုံးနှင့် နည်းနည်းလေးတောင်ဆက်စပ်မနေပေ။
(A/N- 'ရှောင်ကွေ့' က 'နတ်ဆိုးလေး' လို့အဓိပ္ပါယ်ရပါတယ်။ 'ရှောင်' ဆိုတာက 'သေးငယ်သော' ပါ။)
ရှောင်ကွေ့က သူ့ကိုသတိထားသလိုကြည့်လာကာ အသက်အရွယ်ကြောင့် မျက်လုံးပတ်ပတ်လည်ရှိအရေပြားက လျော့တိလျော့ရွဲဖြစ်နေ၏။သူ့လက်ချောင်းထိပ်ဖျားတွင် ဆေးတံရှည်တစ်ချောင်းရှိနေပြီး ထိုအရာဆီမှ အဝါရောင်မီးခိုးခပ်ဖျော့ဖျော့ထွက်ပေါ်နေသည်။အခန်းထဲတွင်သင်းပျံ့နေသောရနံ့က ထိုအရာဆီမှထွက်ပေါ်နေခြင်းဖြစ်မည်။ရှောင်ကွေ့ သူ့ကိုယ်ကိုအနည်းငယ်မတ်ပြီး အနောက်ကိုမှီထိုင်လိုက်သည်။ "ငါမင်းကိုတစ်ယောက်တည်းလာဖို့ပြောခဲ့တာ။"
BINABASA MO ANG
A Lotus Born Of Mud(Myanmar Translation) (Completed)
Fantasy"လုရှစ်စွင်း...ကျွန်တော်ရှစ်စွင်းကိုသဘောကျတယ်" "ငါလည်းမင်းကိုသဘောကျပါတယ်,ရှောင်ရင်" "ကျွန်တော်ပြောလိုက်တဲ့ *သဘောကျတယ်* ဆိုတာက အိပ်ရာထဲမှာတစ်နေ့လုံးတစ်ညလုံးလူးလှိမ့်ချင်တဲ့သဘောကျမှုမျိုးပါ ရှစ်စွင်း" *ဆန့်ကျင်ဘက်အရပ်သို့ ကမန်းကတန်းထွက်ပြေးသွား ...