استيقظت ايلين من نومها علي صوت اختها وهي تركض في الغرفة أمامها و تصرخ بها حتى تستيقظ
ايلين بخضة
" ايه يا بنتى البيت هيولع ولا ايه اللى بتعمليه علي الصبح دا "
لينا بسعادة وهي تحتضن اختها
" مبسوطة يا لوليتا بابا قدم لى على تدريب فى بعثة فى بريطانيا لنفس الشركة اللى انتِ بتدربى فيها بس فرع بريطانيا لهندسة الديكور و تصميم الازياء "
ايلين بفرح
" بجد بريطانيا و نفس الشركة انا مبسوطة اوى عشانك "
لينا " بعد بكرة هسافر و هروح التدريب هناك لمدة شهر كده و بعدها هيكون فى إختبار اللى هينجح هيشتغل "
امسكت ايلين وجنتى لينا بين يديها تشدهم و هى تردف
"و طبعا مفيش حاجة تصعب على لينا اللى اكيد هتنجح "
رفعت لينا ياقة قميصها الوهمية بفخر و هى تردف بغرور
" طبعا يا بنتى هو انا اى حد ولا ايه ده انا حته تقيلة اوى "
قامت ايلين بدفعها من على السرير و وضعت الغطاء فوق راسها مرة أخرى و أردفت
" ماشى يا حته تقيلة أنتِ اطلعى برة خلينى انام "
صعدت لينا بجانبها و تدثرت هى الأخرى و نامت سعيدة
••°°••°°••°°••°°••°°••°°••°°••°°••
وعلي الجانب في منزل عائلة الحديدى
استيقظ زين في غرفته كانت واسعة لكن ليست كبيرة جدا ودخل المرحاض واغتسل وارتدى قميص باللون الاسود و بنطال ابيض و ارتدى ساعة سوداء حجمها كبير فهو من محبين ارتداء الساعات بكثرة
نزل زين الي الأسفل ووجد والده ووالدته يتناولان الافطار فذهب إليهما وقال
" صباح الخير "
صفية والدة زين
" صباح النور يا حبيبي اقعد أفكر قبل ما تروح الشركة "
وائل " اخبار المتدربين ايه "
زين وهو يرتشف قهوته
" تمام يا بابا و انا لاحظت امبارح من شغلهم إن أغلبهم طموح جدا"
وائل " طب كويس جدا كل ده هيترصد فى اخر الشهر و اللى هيكون عندهم كفائة عالية يتعين "
وفي هذه الأثناء نزل يزن وهو سعيد ويقول
" صباح الاناناس على اغلى الناس "
صفية " صباح العسل يا زيزو اخبار ترتيبات سفريتك ايه "
يزن " بقى بزمتك البشمهندس يزن الحديدى يتقال له يا زيزو بزمتك دا ينفع يعنى "
صفية " يزن الحديدى دى قدام الموظفين بتوعك انا امك يعنى اقول اللى انا عايزاه "
أنت تقرأ
فى دولة العشق انتِ مدينتى
Romanceكلتاهما تمتلك حلم و هدف تريد تحقيقه و بالطريقة الصعبة رغم توافر كل السبل السهلة لهما لكن أرادتا أن تثبتا أنهما تستطيعان تحقيق هدفهما هما يعيشان حياة بسيطة رغم كثرة الأموال حولهما لكن هذا لا يفرق شىء لديهما غير مظهر للحياة فقط هو بارد غامض يتعامل مع...
