أخذ زين ايلين و ذهبوا سويا إلى مكان عالى مثل الجبال على حسب رغبة ايلين فهى تحب المرتفعات و المغامرة و هى تريد استغلال وجود هذه الإمكان فى بريطانيا لتستمتع
كان الثلج متساقط و الهواء بارد بشده لكن هذه الأجواء رائعة رغم برودة الطقس
جلسوا على مكان ليس مرتفعا كثيرا بالنسبة للجبل و جلسوا سويا
تحدث زين و هو يرمق ايلين
" أنا اسف جدا على الفترة اللى كنت بتجاهلك فيها و على كل حاجة بس انا كنت بخطط ازاى اخليكِ تسامحينى "
صمت قليلا ثم تحدث
" أما بالنسبة لموضوع مروة أنتِ فاهمة غلط خالص
انا لما حكيت لك على مروة كل اللى قلته كان كذب أو مش كله
مروة مش بتحبنى ولا مدلوقة عليا لا انا و لا يزن و لا اى حاجة ولا حتى عايزة تتجوز حد مننا احنا كلنا معتبرين بعض اخوات المشكلة فى مرات عمى بعد وفاته كانت مفكرة اننا هنكوش على كل حاجة و هناكل حقها و حق مروة رغم أننا مش بنعمل كده و نص الفلوس بتروح لها لأنها بتاعت عمى بس هى مش مقتنعة و دايما بتعمل مشاكل لدرجة أنها بقت عايزة تزق مروة عليا انا أو يزن عشان تتجوز حد مننا
مروة مكنتش موافقة احنا إخوات بالنسبة لها حتى جت لنا تعيط و حكت اللى مرات عمى طلبته منها و احنا اتفقنا اننا نمثل عشان متقعدش تزن على مروة يعنى قدامها كنا بنمثل أنها بتحاول تلاغينا و اننا بنصدها عشان مش تضغظ على مروة بأى حاجة بالذات إن مرات عمى صعبة فى طباعها و ممكن تخلى حياة مروة جحيم
و بالنسبة ليه مقلتش لك عشان هى مش تشك فى حاجة و يبان مثلا انك بتمثلى يعنى لما تظهرى مشاعر الكره لمروة حقيق بدل ما تمثلى بالذات انى عارف إن قلبك ابيض و مش بتعرفى تمثلى الكره لحد و بس هى دى الحكاية "
نظر ناحية ايلين يستشف ردة فعلها حتى عضت على شفتيها عندما تذكرت ضربها هى و لينا لمروة بسبب الغيرة و الحديث الذى سمعته فى البداية عن مروة حتى وضعت يدها على وجهها و تحدثت بصدمة
" يالهوى ده انا بقيت اضرب فيها بغل بسبب غيرتى و الكلام اللى قلته ليا و أنا مفكرة صويتها عشان تلفت نظرك و لينا دى لينا كملت عليها و البت ملهاش ذنب "
ضحك زين بشده عندما تذكر ما فعلته هى و لينا و ما أصاب مروة فبالفعل كان مظهر مروة مثير للشفقة و الضحك بسبب ضربهم لها لكن تحدثت ايلين بحنق
"بس تستاهل برضو ما هى متسهوكة و مدلعة و عمالة تدلع عليكم هى اللى جنت لنفسها "
" بصراحة أنتِ و لينا مرحمتهاش أنا مكنتش مستغرب رد فعل لينا لانها كانت غيرانة اوى على يزن و كمان هى زادت على نفسها بالدلع "
مسكت ياقة قميصه و تحدثت بإبتسامة
" طبيعى اى بنت تبقى غيرانة على جوزها أو خطيبها لانها بتحبه بجد"
أنت تقرأ
فى دولة العشق انتِ مدينتى
Romanceكلتاهما تمتلك حلم و هدف تريد تحقيقه و بالطريقة الصعبة رغم توافر كل السبل السهلة لهما لكن أرادتا أن تثبتا أنهما تستطيعان تحقيق هدفهما هما يعيشان حياة بسيطة رغم كثرة الأموال حولهما لكن هذا لا يفرق شىء لديهما غير مظهر للحياة فقط هو بارد غامض يتعامل مع...
