#وكر_الحر 🦅
(البارت الثاني عشر )
الحر: نمتلييي شويه وفزيت ع صوت الملايه هسه انتي وكتج صدك جذب حته خرعتني من نومتي اريد اطلع شلون خابرت ع حمزه الووو ها ابو صماخ انته وين
حمزه: كاعد بالجادر والشباب يمي وهوسه مااسمع اله تلفوني يرن منو هذا فتحته لكيته شيخ العرب الووو ها حبيبي
الحر: من حبك برص وسبعه كرص وين عايفني بنص النسوان ولك
حمزة: اي غير نايم جا شسويلك
الحر: ولك تعال طلعني من ساعه السوده الي نمت بيها ولك هاييي خبصتنه بس تنوح جنها ديج
حمزة: خرب يومك هساع جايك
الحر: يلا بسرعه سديت التلفون من حمزه وهايي الملايه قلقتني ساعه تنصي صوتها ساعه تعلي بالاخير ماسمع غير صرخه النسوان وسم ومرض صدك جذب جنهن ديوجه
ضليت كاعد شويه واجاني حمزه ندك الباب مال دوانيه كمت فتحته لكيته خربان من ضحك وجع عليش تتمضحك بلا
حمزه: ولك منضرك يموت ضحك ادري مطلعيك من السجن بكفاله
الحر: شلون راح اكوم اشك حلكه ابو حلك الفكاكه غير هاي خرعتني
حمزه: هههههههههههه يلا تعال جيب هدومك حته تروح تسبح بيتنا
الحر: ايييي جايك يلا ، رحت البيتهم طبيت سبحت وطلعت بدلت لبست دشداشه سوده وشماغ واخذت سبحتي وطلعت لكيت الشباب كلهم كاعدين بعدين اجه الملا يقره قره شويه وراح وبدت ناس تسلم صار اليل صبو عشه انه مااكل اكل الفاتحه هاي شلون طلابه
حمزة: هاا شمالك صافن
الحر: مااكل اكل فواتح مو تدري بيه
حمزة: ادري بيك لاتخاف خل يخلصون عشه واخذك للمطعم
الحر: هاا ومنك انته تدفع يعني
حمزة: جاا ابوي يطلع من كبره ويدفع اي انه ادفعلك
الحر: خوش صاير چريم
حمزة: انه من يوم يومي چريم
الحر: هجم بيت البامياا غير يستقر
الشباب : ههههههههههههههه
.
.
.
بشاير : بشاير: صار اليل سوينه العشه وصبينه للعالم بقت تتعشه انه مااشتهي صعدت فوك افكر بسالفه وسديت الباب صافنه بيني وبين روحي وسالفه تاكل وتشرب وياي شلون ياربييي هساع شلون تنحل الطلابه هاي اتصل بحياه اشوف صار لو اكل الحمزه لو شسوي ياالهي نفتح الباب عاينت لكيتها زهراء هاا زهوره خيرج ؟
زهراء : كل خير حبيبتي جبتلج العشه شفتج ماتعشيتي
بشاير: بعد عمري تسلم ايدج بس والله مااشتهي
زهراء: شوفي بشاير حته انه مااكلت علمودج تعاي كعدي وبلا دلع
بشاير: ولج بعد تعاي اخذيلج راشدي * بشقه
زهراء: موش فتيتي فادي وانه صار ساعه احجي تعاي فضيها * بشقه
بشاير: كعدت اكل انه وزهراء انكش بالاكل بس بالي مو يمها سالفه توديني وسالفه تجيبني
زهراء: بشاير اشوفج موش ع بعضج خيرج خيه
بشاير: هاا لاماكو شي
زهراء: متاكده وجهج اصفر مثل ليمونه صاير شي خيه وماتردين تحجينه
بشاير: لا خيه مو كتلج كلشي ماكو
زهراء: هاا جا خوش براحتج اذا خلصتي حته انزل صينيهه
بشاير: اي خلصت اي شالت زهراء صينيه ونزلت وانه بقيت حايره حاطه تلفوني بحضني وصافنه شلون والحل ياربيي متت من التفكير حته نسيت العالم جوا نسيت روحي انه بفاتحه بس اريد اعرف شلون صارت القطعه بااسمه المن احجي المن انشد ياعلي ياابو الشدات دخيلك ناخيتك لاتردني يتيمه ومحد بحالي داخله ع الله وعليك تحلها اليي خلص كلبي والله انه من مات ابوي الهساع وانه المصايب تتراكع عليه اوف ربي كمت توضيت وفرشت سجادتي وبقيت اصلييي صليت ركعتين الامام علي (ع) ونشدته وطلبت حاجتي منا ادري ابو الحسنين مايردني كملت صلاه واخذت قراني وبديت اقره بلكت ترتاح نفسيتي شويه
زمرد: كاعدين نسولف انه والبنات شويه تتغير نفسيتي واشوف زهراء نزلت من فوك وبيدها صينيه اكل كتلها وين جنتي زهوره
زهراء: فوك صعدت الاكل البشاير مو هيه ماتعشت
زمرد: هاا خوش كمت احوس شبيها بشاير ليش ماتعشت انه من مساع عاينت عليها وجهه مخطوف قاطعت افكاري صوت خالة ام حسن
ام حسن: بنيات كومن يمه شيلن كلاصات الماي الكلينس لمن البيت يلا حبايب
البنات: ان شاء الله
زمرد: كمنه نلم بالبيت وانه بالي يم اختي اخذت الجيس مال زباله وطلعت اريد اذبه بالحاويه واسمع زهراء تحاجي مروة
زهراء: ولج مادري شبيها
مروة: يعني شبيها !! صاير
زهراء: ماعرف انه من مساع عاينت عليها تصفن هواي احاجيها ترد بچلمه وتسكت واحس بالها شي
مروة: خيه لاتنسين صار الهم الله يساعد كلبهن والله كل مااذكر جسمي كله يرجف
زهراء: اي خطيه الله يرحمها ويرحم امواتنا بس انه ضال بالي عليها اول مره اشوف هيج عيونها متروسه قلق
مروة: خايبه بسج لاتخلين بالج تبين هساع قابل شني صاير اشو كلنه بيت واحد وهوسه الفاتحه تلكين دايخه خطيه وتحسب للمصاريف والايام جايتها بسج تهذرين من يمج
زهراء: هم صدك يلا خيه خل اكوم اكف المطبخ احسلي
مروة: اي احسن من الهذره زايده
زمرد: ضل بالي شبيها بشاير ذبيت الجيس وغسلت ايديه وصعدت فوك دخلت لكيتها كاعده تقره قران سدت الكتاب وصدقت وباوعتلي بيج شي بشوره اشوفنج كاعده هناا
بشاير: هاا لامابيه شي اجيت اقره قران الامي شويه واصلي
زمرد: هااا بس انه اشوف عيونج بيهن حجييي شمالج خيتي
بشاير: مابيه شي ياا شجاجن عليي موش هالكاعده جدامجن
زمرد: هاا احاول اصدك ، بعدنه جاي نسولف انه وياها وسمعت صوت خالة ام حمزه صيحنه خيرر ان شاء الله شكو
بشاير: مادري نزلي وانه لاحكتج بس الم سجاده والبس شالي واجيج
زمرد: اي خوش يلا انه انزل كبلج
بشاير: خوش ، لميت سجادتي وسديت القران وحطيتهن ع صفحه ولبست شالي ونزلت لكيت النسوان كلهن رايحات باقي بس جوارين بس خالة ام حمزه وام حسن حته خالة ام علي رايحه هيه وبناتها والبيت نضيف باقي بس المطبخ يشتغلن بيي هاا خالة خيرج
ام حمزة: تعالن يمه عندي جم حجايه وياجن
بشاير: خير خالة كولييي
ام حمزة : يمه اسمعني شراح اكول وخلنها بالجن
زمرد: كولي خالة نسمع
ام حمزة: يمه شوفن تره الوضع هساع تغير وصرتن بريحاتج قبل جانت اميمتجن وياجن الله يرحمها وهل الله سبحان عزوجل اخذ امانته وراحت دار حقها المره انتن هساع نسوان بحدجن لازم تعرفن المسؤليه وراح تحسن بيها يجوز قبل امكم الله يرحمها شايله منجن شويه تساعدجن شويه هساع فرغ البيت عليجن وراح تحسن بفراغ يمه انه اريدجن كلب ع كلب ضلن مااريدجن صير حزازيه بينجن لو عداوه وهاي الحياة يايمه شسوي لازم تستمر فَ ديربالجن يايمه ع بعض وصيرن حبيبات ولا كل وحده بكثر عن ثانيه وتزاعلن وتخربن يايمه انتن مالجن غير بعض هساع انه لو رحت والبنات راحن يبقه البيت فارغ عليجن لازم تتعودن وذكرن الله وتدعن الامجن الله يرحمها ويغفر الها زين يمه وشتحتاجن انه موجودة انه امجن ثانيه هم وان شاء الله مااقصر وياجن واخوجن ابو اسد موجود شتحتاجن تكولن وانه بين كل يوم ويوم امر عليجن مايردجن يايمه اله السانجن وماريد تستحن لو تكولن لاعيب وزحمه. لازحمه ولاعيب انه بمثابه امجن الله يرحمها وشتردن تعالن الي زين يمه مو تكولن ماكالت خالتنه
بشاير: ماتقصرين خالة نريدج سالمه حبيبة رحم الله والديج الله يشهد كلكم ماقصرتو ويانه والله مااعرف شلون اجازيكم
ام حمزة : يمه شهل حجي هذا كلنا اهل وحبايب ان شاء الله يلا انه يمه بعد اروح واخليجن وخلي مروة تبات يمجن اليوم بين ماتتعودن شويه شويه
زمرد: ان شاء الله خالة رحم الله والديج
ام حمزة: والديج رحمه يمه بس صحيلي مروة
زمرد: ان شاء الله مروة وينج امج تريدج
مروة: ها يمه خير
ام حمزة: يمه انه رايحه للبيت اخذ مرت اخوج تعبانه وانتي باتي عد البنات وماعليج بااخوج انه اكله هساع هوه ملتهي ويه صنديد صارله زمان ماشايفه فَ ابقي يم البنات بين مايتعودن شويه شويه
مروة: ان شاء الله يمه
ام حمزة: يلا سدن الباب عليجن مع السلامه
البنات: الله وياج
.
.
.
.
الحر: تعشو الناس وبدت تخف العالم لل10 ونص الكل راح مابقه احد وانه كتلني الجوع هاي شلون سالفه هساع هذا وين وله ادك عليه مايجاوب اجاني شاب طول بضخامه
سامر: الله بالخير
الحر: الله بالخير والعافيه اغاتي
سامر: اشوفنك حاير شمنتظر
الحر: منتظر هذا الاغبر المصخم
سامر: هههههههههه هذا ياهو الاغبر المصخم
الحر: مشعول صفحه هذا
سامر: اي ياهوه *بضحك
الحر: حمزه ابو صماخ وين تكسح كتلني الجوع وهوه دايح
سامر: هههههههههه يخسه الجوع بعد اخوك كوم وياي البيتنه نضيفك وشتريد نسويلك والله وتدلل
الحر: رحم الله والديك خويه ماتقصر بس هساع انتضر هذا المصخم يلفيي
سامر: هساع اشوفه الك
الحر: اي والله من رحم الله امك وابوك ع هل خلفه هاي
سامر: هههههههههههه
الحر: راح هذا الوليد وهناك اجه سبع مالتييي هاا حموزتي وين جنت حوبيبي * بدلع
حمزه: ههههههههههههههههههههههههه خرب يومك عليك الله عيدها
الحر: امشي لك كو*د ساقط عار كاتلني الجوع وهوه كاعد يديح ويسلم ع هذا وذاك ليكول سنه ماشايفهم
حمزة: غير اسلم ع عالم واخليهم يطلعون واجيك
الحر: وانه مشتعل ابو الخلفني امشي فضنييي خل نروح نسمم وراي كعده من الصبح وهساع كمت اشوف الواحد 100
حمزة : امشي يلا بس اجيب سويج سياره
الحر: مايحتاج عندي سويج سيارتي بس امشي خنروح نزقنب
حمزة: اي اي رايح شمالك خبصتنه
الحر: مو الخلفني احترك من الجوع
حمزه: هههههههههه يخسه الجوع هساع شلون اوكلك كباب يلوك الهل حلك
الحر: شلون راح اكوم افرك حلكك بنعال وانعل يومك اكله جوعان يريد يوكلني كباب الدايح ابو الشوارع كول مفطح كول مندي كولي برياني شبيك فكر طلعهن طلعهن المن ضامهن للكبور هوه ياهو المات واخذ فلوسه وياا
حمزة: ياجلمه ردي مكانج مو صوجك صوج الي راح يعزمك خل نوصل وشوف اذا دفعت ربع دينار
الحر: انته لاتدفع وشوف شسويلك اذا ماخليك سلم ع شهداء اطلع مو ابن امي
حمزه: ههههههههههههههههه
الحر: بقينه نشاقه وصلنه للمطعم اكلنه وطلعنه للبيت رجعت ميت تعب بس اريد انام صار يومين متهجول من مكان المكان نوب فاتحه وهاي كعدتني العصر تنعي فوك راسي { معلومة عن بطلنه مايحب صوت الملايه ابد ولايحب لطم والصريخ وصوت العالي لذالك يحجي عليها😂😂} نزلنه دخلنه للبيت رحت للدوانيه كاعد ادخن وانفتح الباب علييي خيرر شكو لافيي ع عمري
حمزه: شبيك اجيت اشوفك محتاج شي
الحر: مامحتاج بس اجفيني شرك اريد انطمر وراي كعده
حمزه: خوش صدك امي تريد سلم عليك
الحر: هيه امك وكتهاا كلها مطمور
حمزه: خوش ، يمه تعاي دخلي الحر كاعد
الحر: لاياساقط ياادبسزز ياماتستحي شكد ماعندك ذوق ماتحترم خطارك
حمزه: هساع اكول الماما عليك ليش تحجي عليه
الحر: اويييي بلقيس حبيبتي لازعلين مااقصود
حمزه: بعد لاتشاقه وياي هيج اكول الماما عليك ضربك بالعوده
الحر: خاب كم كو*د شون يريدني اغردله هساع بهل ليليله * جاي نشاقه ودخلت الحجيه
ام حمزه: يمه هلا وميه هلا هلا بعد عيونييي زارتنه البركة وليدي شلونك شلون صحتك اهلك شلونهم
الحر: الحمدالله يمه انتي شلونج مشتاقلج بعد حيلي
ام حمزه: وانه اكثر بعد روحي شخبارك يمه شون كيفك
الحر: بخير دامج بخير شكو ماكو راجعه شباب
ام حمزه: وين يمه ماشوفني رجليه ملولحه بالكبر
الحر: لااسم الله عليج عمرج طويل بحميزه ولابيج
ام حمزه : ههههههه بعد حيلي يايمه اخليك ترتاح انه اخذ راحتك
الحر: رحم الله والديج خالة ، راحت امك انته شكو معرس ع عمري ماتولي اريد انطمر
حمزه: هااا مو اريد اشوفك شمحتاج
الحر: مامحتاج بس كوم تكسح اكفيني شرك خل انطمر
حمزه: اوييي شبيك قاسيي جرحت اوحساسي
الحر: كوممم لاانعل والديك ساقط ، راح حمزه وانه لفيت راسي ونمت ..
.
.
.
بشاير: البنات عزلن البيت وانه طبيت سبحت وطلعت فرشنه نريد نام نامت العالم وراحت وانه اتكلب بفراشي ياعليييي عيني ماجاي تاخذ نوم شلون يابويه يايمه شلون بيه كمت لبست عبايتي وسحب مثل الحرامي ع درج نزلت جوا وطلعت بحديقتنه بيتنه وبيت خالة ام حمزه واحد كبال ثاني بيوم طلعت كعدت ع مرجوحه وسالفه توديني وسالفه تجيبني اجه بالي حمزه كلت خل اشوف سيارته هناا لبست عبايتي وفتحت باب الشارع توني ماده راسي واسمع صوت وراي ......
#الكاتبة نيروز الكربلائية.🖤
أنت تقرأ
وكر _الحر 🦅
Короткий рассказگمت اشتاگ للتابوت⚰ ريحة مگبره ابالي شوگت اتمرني عزرائيل ظل طاريگ يحلالي اخذني اهناگ گلها اعزاز عندي بگل گبر غالي ⚛︎ القصة حقيقية 100% .
