وكر _الحر 🦅

البارت الرابع عشر

#وكر_الحر 🦅
(البارت الرابع عشر)
زمرد: انه اعرف عمي سامي بيوم امي جانت مريضة بالمستشفى وانته اخذت بشاير بعد ماانه توسلت بيها ورحتو للبيت حته تمر ع مروة وجيبها يميي ورا مارحتو كمت رحت للمغاسل غسلت ورحت اشتريت كيكه وعصير لان جنت جوعانه برجعتي الغرفة امي شفت رجال بيده اوراق وطالع من غرفتها اول شي ماعرفته ضليت صافنه منو هذا قبل لايبعد عني رحت وكفته وكتله منو انته من ندار شفته عمي سامي وبيده اوراق بس خلاهن ورا ضهره ورزلته رزاله طلعت كل قهر قلبي بي وهوه يحجي برود ولاكانو شي مسوي بس الشي الي اذكره والحد هسه يدك بكلبي من كتله اكدر اشتكي عليك بس خوفاً ع عمتي وبناتك كلي شتردين سوين سوي انه مايهمني بعد دام اخذت الشي الي اريده والله ماجان عبالي يقصد قطعه ابوي ولااجت بالي واصلاً انه دوهنتت جان تفكيري كله يم امي وبيوم الي رجعت الغرفة امي شفتها نايمة ورا مااجيتو انته ومروة وطلعت من الغرفة من سمعت صوت الانذار ورجعنا للغرفه ولكيت حالة امي دهورت انه كلبي نغزني وحسيت عمي وراها بس كلت ليش اضلمه ماخليته بالي جان كل همي امي صير زينه وترجع صحتها احسن من قبل هذا الشي الي ردت اوصله وبس والله مادري مادري اخخ يمه اسفة سامحيني ماجنت ادري بي هوا السبب بموتج * بجييي وصياح
بشاير: زمرد حجت كل الي صار وانه خاف جان هم واحد ع كلبي صارن هموم الدنيا كلهن بيه كلبي راد يوكف من سمعت كلامها والهسه مامصدكه هوه ورا كلشي جسمي كام يرجف والساني نربط حته ماعرف شحجييي بقيت ابجي واملخ بخدودي اوففففففف ولج ليش ماحجيتي ليش ماكلتيلي بذيج ساعه ليش ليش كل هذا صاير وضامينه علييي امي ماخربطه وانه مادري والله كلبي حسني وحسيت انو امي بيها شي وماردت ارد للبيت بس اخخ بعديش بعديش فات كلشي وهسه العزيزة حدر التراب ليش هيج سويتي خيتي ليش احسن هسه من امي ماموجوده ويانه وفرحتنه وهيبتنه مكسوره ليش ولج انه ناقصني تعب وقهر وحزن مو راح اموت والله ناقصني عمر وراح اروح تبقين وحدج بس فهميني شوكت تفكرين بينه ليش ليش ماحجيتي اخخ *بجي وعياط
زمرد: والله مو قصدي موقصدي ماجنت ادري ماجنت ادري ليش ماتفهميني ماجنت اعرف ولااحس ع الي سوا ليش ماجاي تقدرين ضروفي يعني انه لو ادري اخلي يروح هيج اخليي بس جاوبيني وحاجيني مو كلبي خلص عبالج انه فرحانه من راحت امي تره هيه مو بس امج امي هم والله انه النار الي بكلبي تزيد ماتنقص اخخ يايمه كسرتيني 💔*بجي
حمزة: كافيييييييييي مااسمع صوتجن بعد شنو مو بعينجن زلمه شكدني وشكبري حته ماخليتن الي احترام وانتن كاعدات تتعاتبن هساع وكتها هايييي كتلجن انه احلها وخلاص*بصياح
بشاير: حشاك ياخويه مو هيج بسسس النار الي بكلبي ماضن تطفه
حمزة: وانه المن موجود بشاير انه جم مره كايلج انه بمثابه اخوج الچبيرر جم مره اكلج انه حزام ضهرج انه الاصير عكازتج وكت ماتميلين ليش ياخويه شلعين كلبي تردين عمي يزعل علييي. وانه انطيته وعد ماخليجن بحدجن
بشاير: موبيدي والله ياابو اسد مو بيدي هاي امي تعرف شنو يعني ام وفوكاها هذا الحقير ماناوي يعوفننه حسبي الله ونعم الوكيل عسى حوبتنه ماتتعداه ياربي اريد حوبتي وحوبه اختي تطلع بي وانه ادري الحوبه تسحك وتلحك كون عسى بالوجعاا الي خلاها بكلبنه واحنه بعدنه شابات وماشبعنه لامن حنيه اب ولامن حنيه ام
مروة: بسج ياخيه صلي ع محمد وكولي يالله هساع ابو اسد يحلها وان شاء الله ترجع قطعتكم وتنحل الامور بتمام لاتخافين كل ساعة الها فرج
بشاير: ونعم بالله الله كريم اوف بعد وبعد شمضموم الي
حمزة: خير ان شاء الله انه هساع اخابر كل الناس الي اعرفهم واشتغل ع هلقضيه بس الي اريده منجن ماتحجن البشر ولاجيبن سيره وانتي مروة حسج اسمع موصله خبر الامي هذا الشي راح يصير بس بينه احنه ال4 ماريد احد يدري الحد ماشوف الي يصير خوش فتهمتن لو اعيد
البنات: افتهمنه صار
حمزة: يلا بويه انه اترخص اتاخر الوكت لازم ارجع للبيت ومثل ماكتلجن ديربالجن وسدن البيبان ونامن وبشاير لاتفكرين زايد دام انه اخذت قضيتج اطلعها مثل الشعره من العجين واردلج حقج خوش بويه
بشاير: خوش الله وياك خويه محروس بالله
حمزة: مع سلامه ..
بشاير: راح حمزة وانه القهر اكل كلبي اكل خو تفكير يمهه كد ماافكر احس روحي عمري 70 سنة ع هم والغم شايلته زمرد ثكلت وجهي عليها صح هيه مو ذنبها بس نقهرت حيل نقهرت يعني كل هذا صاير وتالي انه ماادري والله موبيدي تعبت تعبت حيل تعبت بيومها ماتعشيت ولاحطيت لكمه بحلكي صعدت الغرفتي قفلت الباب وكتلهن ماريد وحده تجي الي وحطيت راسي ونمت صار نوم هوه الملجأ الوحيد الي ..
زمرد: بعد الي صار والي حجيته بشاير ضلت تعاتب بيه وحمزة كال انه استلم قضيتكم انه اعرف حمزة نشمي واذا كال حجايه ينفذهاا اعرفه كدها وكدود ابوي الله يرحمه دوم يوصييي ع شي ويسوي اله ودوم جان يسولفنه عليه يحسبه مثل ابنه رغم القهر والهم والضيم الي جاي. يصير بينه نقهرت من بشاير بقت تحجي ويه مروة وحاكرتني وكانو انه ماموجودة بجيت بوكتها ودعيت الله يريح كلبي وكلب اختي كلش تعذبنه صعدت بشاير تنام بليلتها ومروة راحت تكمل العشه وانه اجيت اساعدها
مروة: شعندج واكفه يمي روحي ارتاحي ولاضلين تنكين فوك راسي ماعرف اشتغل واحد فوك راسي روحيي عني اكمل واصيحجن
زمرد: لا خليني اريد التهي بشي وياج بلكت يبتعد التفكير عني
مروة: زمرد عادي اسئلج سؤال
زمرد: اكيد حبيبة اسئلي
مروة: صدك انتي لويش ماكلتي البشاير بيوم امج تخربطت وانه اذكر انو سمعت من امي من ردت للبيت انو الدكتور كايل الهم بدت حالتها تتحسن بس شلون هيج صار بدقيقه تحول كلشي
زمرد: ربج بعد الله يريد هيج يصير شبيدي ماتكليلي والله خفت انه خفت ليش محد جاي يفهمني خفت احجي وصبر مصيبه جان كل همي انو امي تكوم بسلامه كلش نقهرت هساع من تصرف بشاير يعني انه شذنبي كليلي شذنبي
مروة: الله كريم حبيبة شسوي هيه هااي الدنيا غبره يلا هساع عوفيج من سوالف وتعاي كلي وحش طاوه (البيتنجان) بين مااشوف البيتزا صار بيها احتركت فحمت
زمرد: خوش جيبي وكفت بمكانها اكلييي ومروة شافت البيتزا وراحت حاجت ابن علي يجيبنه بببسي وانه بالي فكره تودي وفكره جيب مافزيت اله ع صرخت مروة ولج شبيج
مروة: يمه اجه كلبي يوكف يايمه ياحبيبة
زمرد: يااا عليش يوكف اسم الله شفتي جني وبعدين وين جنتي
مروة: ولج خايبه ياريت جني جان تلبسني وصرت مسودنه بس يمه اوكفي انطيني ماي حته فحطت
زمرد: هاج احجي شبيج
مروة: ولج طلعت اشوف ابن علي وصيته يجيب ببسي النه وحلويات نجرش بليل خايبه بعدني ماساده الباب واشوف مخبل مدري مسودن خرب ببليسه ولج اجه ومد راسه الي من الباب ولج يمه كلبي راد يوكف سديت الباب وسويتها ركضه اركض اخوي عامر اركض يمه حته جسمي يرجف نعلعله ابو روحك ياجلب نوب عليه المخابيل هذا منين لافي ع منطقه
زمرد: هيه تحجي وترجف عوزها شويه وتبجي وانه من كد ماجنت ضايجه ومقهوره ضليت اضحك ع منضرها عادي خيه جان حجيتي وياا يجوز يحبج وحته تعرسون انتي مخبله وهوه مخبل تتلوكون وجيبون مخابيل صغار وتعيشون حياة سعيدة
مروة: والعباس مال احط راسج هساع بالطاوه الي جاي تكلين بيها حبج برص انتي وياا ولج باعي جسمي كله يرجف عمه بعينه شون خرعني والله بعد فلا اطلع للباب لو ابوي يعدل ويجي بلباب هم مااطلع
زمرد: هههههههههه انه اطلع بس تعاي شوفي استوت البيتزا
مروة: اي هساع
زمرد: كملنه العشه وصبينه بقه بس الببسي رحت اجيب الماي وسمعت الباب يندك اشو هاي طفري من مكانج واوكفي ع درج هاا ولج شو شردتي
مروة: والله ولااروح افتح الباب ماا روحي انتي يمهه بس لاهذا المخبل
زمرد: هههههههه صخونه انه رايحه اشوف رحت فتحت لباب لكيت ابن علي باقر اخذت الببسي وشكرت منه ودخلت
مروة: هاا منو
زمرد: باقر هاج الببسي والعلاكه هاي شموصيه بيها
مروة: حلويات الييي يعني شموصيه
زمرد: هاا خوش
مروة: اكلج بشاير وين صيحيها
زمرد: هااا لاانه مااروح اخافن ماترد علييي
مروة: صدك جذب شجاجن ماتكللي ياهيه طكتجن عين شو روحي صيحي اختج عليش ماترد عليج
زمرد: انتي ماشفتيها مساع شسوت بيه مااصعد كتلج ومروة لاضلين تلحين عليي
مروة: طاحظج وطاحظي اصعد انه اشرفلي
زمرد: روحييي جفيني شرج
بشاير: غافية وتعبانة من الهم الي بكلبي والي شلت هموم اكبر من عمري والمفروض هساع انه عايشه حالي حال البنات او يجوز جاي احضر الخطوبتي العرسي بس وين اوف يادنيا شكثر قاسيه ع فقير فزيت ع ربده بالباب كمت ع حيلي فتحت الضوه وفتحت الباب هااا مروة
مروة: شني خيه مابسج نوم العالم راحت واجت وطلعت وطبت وانتي لساتج نايمة
بشاير: حته نوم صار حرام
مروة: اعصابج خيه موهيج كصدي بس انه اجيت اكلج صبينه عشه ماتردين
بشاير: مااريد عوفيني انخمد عساني لاكعدت
مروة: خيه ماببسج شهل حجي طايح حظه دكومي وياي تعشي والله سويت بيتزا تلوك لهل حلك اذا مااجيتي ازعل عليج
بشاير: ضلت تلح مروة عليي رحت غسلت ومشطت شعري ونزلت اتعشه شفت زمرد كاعده ع صفحه هيه شافتني ورادت تكوم زمخت بيها وين ع الله احترمي نعمه واكعدي
زمرد: انه مااشتهي اريد اروح الغرفتي
بشاير: كلت احترمي النعمه وكعدي وبلا حجي زايد لو عيوني مايعجبج تتعشين ويانه جي انه نزلت اتعشه هاا ؟
زمرد: لا مو هيج بس انه مااشتهي
مروة: ايييييي وجع الوجعني وخلاني اخلص منجن وارتاح بس موتني وحده تزعل وتعزل روحهادوحده تنام وتعزل روحها وانه حايره اراضي بهاي وانزل هاي شنيه فحطتني تكعدن تاكلن وتنجبن موتني سم بكلب العدو وبعدين وياجن خبلتني
بشاير: ولج انتي عليمن صيحين
مروة: عليجن يعني ع امي موتني كعدن زقنبن وفنها الي تكوم ومامخلصه الاكل اله احط راسها بماعون الشوربه
بشاير: اكليخرا وكعدي ازقنبي انتي هم والسانج اكضبي شوي
مروة: اشكرنج حبيبتي مقبوله منج بس كعدن اكلن فحطتني
بشاير: كعدت زمرد ومروة يتعشن وانه ضليت انكنك بالاكل من انقهر اكوم حته نفسي مااشتهي اباوعلها بالمرايه الدنيا كلها اكرهه كملت عشه ورحت اسوي چاي واكفه بالمطبخ وبالي يودي ويجيب فار الچايييي واحتركت ايدي واله انه شاغت روحي للستار صرخت صوت يمكن العالم كله سمعني
زمرد: جاي نتعشه وبشاير كملت وراحت سوي چاي شويه وسمعنه صرختها بالمطبخ كمنه نتراكض يمه احس كلبي وكف من شفت ايدها شون محروكة ودموعها عشره عشره ومفرحه تفرفح مادري حرت شسويلها ضليت ابجي ع بجيها
مروة: بسج خايبه خل افتهم البنت شبيها دوهنتني ينعل بليسك يلشيطان وين تلفون خايبات
زمرد: هذا باايدج
مروة: من كد ثول نسيت حته تلفون
بشاير: انه مفرفحه روحي وهذن يتناكرن زمخت بيهن ومروة جرت تلفون واتصلت ع حمزة ..
.
.
.
.
حمزة: بعد سالفة بشاير وزمرد وعمهن رجعت للبيت مالي خلك دنيا واحد يجي يرتاح البيته يسمع شي يغثه ضليت افكر بسالفه واحاول اتصل ع معارفي واعرف اطلعهن من المصيبه الي هنا بيها اجتني العنود
العنود: حبيبي تريد عشه
حمزة: لايابعد عيوني ماريد عشه
العنود: حمزة شبيك اشو وجهك اصفر وضايج ومالك خلك خير خوماكوشي
حمزة: سدي الباب وتعاي يمي اريدج بسالفه
العنود: خير حمزة خوفتني احجي انته مريض بيك شي صاير شي وياك بالدوام احجي طيحت كلبي
حمزة: اهدي بويه اهدي ماهو زين عليج وانتي حامل لايابعد عيوني ماكو شي من الي بالج بس اكو موضوع اريدج بي بس اول شي توعديني هالشي يضل بيني وبينج وحته امي ماريدها تعرف بي
العنود: ياا صدك جذب اكيد اوعدك وعد وداعت وليدي الي مااجه للدنيا بعده وماكحلت عيني بشوفته مااحجي بس سولفلي اغديلك فدوه جسمي كله يرجف احجي صاير
حمزك: شوفي يابنت الحلال هذا عم البنات زمرد وبشاير ماخذ قطعه ابوهن ومخلي خالتي الله يرحمها تتنازل اله وهيه بالمستشفى تذكرين من خابرتج وكتلج حالتها تعبانة بيومها جاي هذا الي مايسمى الله ياخذه شنو من بشر مهدد المره ومخليها توقع ع اوراق وطالع وراجعه زمرد جانت بالحمامات راجعه شايفته حاجيه وياا وكايلتله اكدر اشتكي عليك بس اخاف ع عمتي وبناتك منو الهن كايل الها انه مااخاف شتردين سوين سوي ماطول اخذت الي اريده وهيه مامفتهمه سالفه بعدين مرت فتره وخالتي توفت نوب هاي وحده من بناته جايه بالفاتحه ويه امها ومنطيه رقمها البشاير وسامعه ابوها شون يريد يبيع القطعه كايمه وحاجيتلها وهاي متخبله وهساع خابرتني ورحتلهم كبل وسولفتلي راح يخبلني هالزلمة
العنود: حسبي الله ونعم الوكيل شني من بشر هذا مايخاف الله والله حرام علي يعني بنات كافيات شرهم خيرهم عنك شتريد منهن بدال ماصير الهن سند وتحتويهن وتربيهن هنا امانة من اخوك هيج سوي بعد الله شيسوي بيك حته مانعك من الولد ومطيح حظك
حمزة: بويه المثل هذا يصير سلايه بالضهر مو سند بس انه اعرف شون ادبه اذا ماخليته يمشي ويحجي ويه روحه اطلع مو حمزة انه وابو اسد بسيطه يصير خير
العنود: حبيبي ع كيفك وهساع شراح سوي
حمزة : يصير خير جاي اشتغل هساع شويه شويه اخابر كل ناس الي اعرفها وان شاء الله مااقصر
العنود: حمزة فدوه ديربالك ع روحك انه اعرفه هذا عمهم يشرب ويكبسل وانه اخاف عليك فدوه اروحلك ع كيفك لايصير بيك شي والله انه اتخبل واموت بيومها
حمزة: اسم الله حبيبتي ان شاءالله مايصير شي
العنود: اي قشمرني تدري لو يصير بيك شي عمه تموت والله بعد عمر طويل الها وانه تلكاني سابقتك للنجف لاتحرمني من شوفتك انه وابنك الي بعده ماجاي للدنيا لاتيتمه مثل ماابوي يتمني وحرمني منه وانه حته ماشايفته ماعندي غيرك والله انه الحنيه والحرمان الي عشته والخوف والوجع الي شفته بحياتي كله ماانسه الحد هذا اليوم بس من زوجتك وعشت وياك عوضتني عن هواي شغلات صرت اشوفك الاب والصديق والحبيب والاهل والعزوه والسند كلهن بيك الله لايحرمني منك احبك انه  ابو اسد
حمزة: ول ول بويه هاي كلهن اليي يابعد بيتي ياضوه حياتي وشمعه سنيني يااميرتي وسندي وحزام ضهري وروحي من هاي الدنيا يابعد اهلي كلهم خاب يروحلج فدوه الحر وعشيرته خرب روحك هزاع ولج تعاي صايره حلوه
العنود: هههههههههههه بعد روحي انته لاحبيبي مايصير الدكتوره مانعتني وموزين ع طفل
حمزة: لابويه زين هاي دكتوره ماتفتهم شي
العنود: شون ماتفتهم جاا المن اسمها دكتوره
حمزة: بويه حضن الحبيب دوا وعافية تعاي تعاي مالج غرض
العنود: ههههههههههههه تؤ تؤ تؤ كبدبد
حمزة: شلون راح اكوم اكسرها كمت جريتها من ايدها ووووو...... (نطلع من يمهم عيب بناتي استحو شويه )
العنود: وخر عني حمزه وبقيت حاضنته ونسولف اكول حبيبي
حمزة: كولي يابعد عيون حبيبج
العنود: صنديد صدك مزوج
حمزة: وشذكرج بي
العنود: هساع اجه بالي
حمزة: اي صدك مزوج
العنود: يااا وشني اخذها عن حب لو لا
حمزة: لابويه وين اصلاً هيه هدية فديوم جانو طالعين والزمال صاير يحل مشاكل وحال هاي المشكله وكايم ابو البنية وهاديله بنته وعيب هوه يرجعها ويردها زحمه مو حلوه بحقه وبحق اهله وماخذها
العنود: يااا صدك تحجي زين وهوه يحبها عنده جهال منها يعني
حمزة: والله يابويه مادري يحبها لو لا بس ماعنده جهال منها
العنود: ليش
حمزة: مادري بس هوا هواي راجع اطباء حته للهند اخذها وكلها تكله لاانته بيك شي ولاهيه بيها شي بس بعد فدواتك ربي يجوز الله ماناوي يرزقهم هساع
العنود: زين اكلك بعد سؤال اريد اسئلك
حمزة: ليوم شجاج عليي سئلي يلا
العنود: امم انته صارلك شكثر تعرف صنديد (الحر)
حمزة: اليوم شعندج وياي تحقيق كله اسئلتج علي وع صنديد خيرج
العنود: مو لازم اذا ماتريد تحجي براحتك انه اكوم اسبح سوري ازعجتك
حمزة: تعاي ولج عود هيه تزعل ام السوري اشاقة وياج عزيزتي هساع اسولفلج شوفي بويه انه من جان عمري 7سنين اول ماسجلت بالمدرسة جنت صغير جانت امي تاخذني للمدرسة وانه ادك والطم مثل نسوان رجعوني ماريد المدرسه وجم مره نفصلت بحيث مره داومت بس يومين واخذتلي اسبوعين مامداوم والمدير دز ع ابوي طيح حظي المهم اول مادخلت للمدرسه جنت جديد ع مدرسه وماعرف احد فَ كعدت رحله وحدي مرت ع هاي سالفه يومين بيوم ثالث اجه طالب جديد وشني شايف روحه ومغرور بشكل ماتصورين شكثر مغرور اجه وخلا المعلم يكعد بصفيي وجان وكح حيل عكسي جنت هادء بعدين خلص درس وصارت الفرصه كمت اريد اروح للحانوت اشتري وهوه لحكني اجيت اشتري وكعدت ع صفحه اكل اباوعله يريد يشتري واجه واحد ودفعه اخذ مكانه جان يطلع صف رابع ذاك الولد وصنديد ضل يبجي واكوملج لزمت الولد ومعارك انه وياا انه صغير وهوا جبير بكبر البغل وكام ضربني ع خشمي ويندار صنديد ويااي وكطعنا تكطع خلينا حته ايده تنكسر بعد اخر شي كام صنديد يشمر عليه طابوك هههههه والله ايام ومن عدها صرنه صحبه واليومج هذا جانت ايام حلوه
العنود: ههههههههه ومااشتكه عليكم
حمزة: شلون مااشتكه غير  اسبوع مفصولين احنه
العنود: ههههههههه الله يحفظكم زين هوه منو الاكبر انته لو هوا
حمزة: لا شوفي انه اكبر من الحر ب اسبوعين وهوه اجه للدنيا
العنود: يااا حلو نفس الشهر انتم
حمزة اي انه عمري اسبوعين وهوه لفه للدنيا ساعه سوده
العنود: ههههههههههههه الله يحفظكم ان شاءالله ويديم خوتكم
حمزة: اللهم امين
العنود: حبيبي انه اروح اسبح وانزل عيب من عمه
حمزة: ماشي بويه ، راحت العنود تسبح طلعت وانه اخذت ملابسي ورحت للحمام سبحت طلعت جانت واكفه تمشط شعرها وانه اجيت انشف شعري واسمع تلفوني يرن ياستار ياهو يتصل فتحت التلفون واشوف مروة اختي خير ان شاء الله الوو هابوية
مروة: حمزة الحكليييي بشاير احتركت
حمزة: شلون احتركت ولج وهساع شون صارت خرببب روحك صنديد جاي جاي انه بويه لبسيها عبايتها جاي
مروة: خوش خوش يلا مع سلامه
حمزة : الله وياج عنود وين سويج سياره بسرعه بويه
العنود: شبيك حمزة صاير منو هاي المحتركة
حمزة: مو كتج من ارجع احاجيج انطيني السويج
العنود: هاك هذا سويج
حمزة: اخذت سويج وطلعت طاير حته امي ماحاجيتها رحت للبيت لكيتها ملبسيها عبايتها وحجابها اخذت واخذت مروة ورحت للمستشفى شلون احتركتي بويه
بشاير: مادري مادري اجيت اسوي الچاي وفار ع ايدي
حمزة: استغفرالله العلي العظيم ولج بويه غير تنتبهين
بشاير: بعد صارت
حمزة: شو اشوف ايدج
بشاير: هايييي توجعني
حمزة: لا ان شاءالله ماكو شي هساع وصلنه وصلنه
بشاير: دخلنه للدكتور بسرعه دخلوني روحي مفرفحه احس الحرك بكلبي ضربوني ابره كالو همزين حركها مو غميج سوو ايدي ومادري شيحطون ويحجون ويه حمزه بس روحي فرفحت بعدين انطوني ادويه ولفوها الي وطلعت
حمزة: هاا بويه هساع شون صرتي
بشاير: زينه بس تحركني حيل تحركني
حمزة: اي ميخالف بويه هساع صيرين احسن اخذي ذني الادويه من توصلين وصيرين احسن ان شاءالله
مروة: هبطتيني ولج راد كلبي يوكف
بشاير: لاتخافين هاي جدامج مامتت
مروة: عابتلج ولج
بشاير: صفنت ع جامه وايدي تحركني بس مو مثل الحرك الي بكلبي وعم السكوت بالسياره
ام حمزة: ولج يمه شبي رجلج نزل يتراكض
العنود: عمه مادري خابرته مروة كالتله احتركت مادري منو وهوا اخذ سويج وطاير
ام حمزة: يمه سوده بوجهج نبراس هاي ياهي الي احتركت
العنود :والله مادري هساع يجي ونفتهم
ام حمزة: شوف هاي البطرانه وانه انتظره انطيني عبايتي وانه رايحه للبنات اشوف واجي
العنود: ياعمه وتعوفيني بحدي
ام حمزة: ماطول اذا ماروح وافتهم اموت اليوم
العنود: راحت عمتي وسديت الباب وراها اتصل ع حمزه مايرد عمتي راحت وعافتني اكل بروحي وتالي ربي وين راحو هذول ..
.
.
.
.
زمرد: بعد ماصرخت بشاير اباوعلها مفرفحه روحها بس مابيدي شي بقيت ابجي واملخ بروحي ياربي كله مني كله مني والله راحت مروة خابرت حمزة كالها خل تبدل انه جاي بطريق بدلت وراحت هيه وياها وحمزه وانه بقيت بالبيت اتصل ع مروة ماترد اتصل ع حمزة مايرد بقيت اطحن بروحي شصار ياربي هساع هناك اندك الباب رحت فتحته لكيت خالتي ام حمزة
ام حمزة: هاا يمة ولج صاير
زمرد: فوتي خالة فوتي
ام حمزة: ولج تعاي احجي وين البنات ياهي الي احتركت
زمرد: خالة بشاير راحت سوي چاي واحتركت ايدها واخذها حمزة ومروة
ام حمزة: يمه سوده بوجهي بنيتي وهساع محد خابرج
زمرد: لا خالة اتصل مايردون
ام حمزة:  يايمه ياحبيبة شهل شهر نحس المصايب تتراكع علينا مانكد نرتاح اذا مو مصيبه فوك مصيبه
زمرد: بقينه ننتضر انه وخالتي هناك سمعنه صوت سياره كنه اجو اندك الباب رحت افتح
يتبع....
#الكاتبة نيروز الكربلائيـة.🖤