وكر _الحر 🦅

البارت الثامن

#وكر_الحر 🦅
(البارت الثامن )
دنيا ما بيها أم ما تسوه بيها نعيش
شلي بهيج دنيا وأمي ما بيها
‏. ᰔᰔᰔ .
زمرد:3/20 هذا التاريخ الي بحياتي كلها ماانسااا ابدا ابدا ماانساا صادف يوم خميس واحنه بالمستشفى فَ من رجعت غفيت فزيت ع صرخه عبالي هم جاي احلم ماادري الي صار ولامستوعبه والحد هذا اليوم رغم انه تغيرت حياتي 190 درجة وانه بعدني مامستوعبه الصار ومن اذكره عيوني دمع وروحي تريد تطلع ع موقف الي شفته فتحت عيوني والكا المستشفى كايمة ماكاعده بشاير وخالة ام حمزة والعنود وحمزة ومروة وام حسن وام عليي جوارينه واخت ام حمزة خالة ام احمد والعالم الي نعرفهم بس ادور بالوجوه ع شي ناقص بيييي تمنيت اشوف ابوي بذاك اليوم اباوع البشاير العيون مورمة ولازمتها مروه تهدي بيها وهيه تبجييي وتدعيييي والكل يبجيييي فزيت مثل المخروعه صاير محد يرد عليهه صرخت بعالي صوت مو جاي احجي شبيكم ملتمين يم غرفه اميييي صايرررررررررررر * بدموع
مروة: خيه هدي هدي بس كولي يالله * بجيي
زمرد: حمزه صاير صاير احجي صاير
حمزة: مادري شكلج ياخويه بس ادعي الامج
زمرد: شلون واحد ضربني ع راسي وصارت بكلبي نغزه قويه ليش شبيها امييييييييييييييييييييييييييييييي
حمزة: امج حالتها نتكست وضلت تتقيء دم ومادري جا يصير جوا خويه بس ادعيلها
زمرد: انه صافنه ع الي جاي يكوله هذا شبي خرف شنو تقيء شنو دم شنو صخام ضليت بس اباوع بعيونهم ودموعي نشفن كمت مااشوف كبالي بس صافنه عليهم لحد ماحسيت روحي ماعت وطحت بالارض ولزمتني العنود
العنود: كومي حبيبة بس اهدئي ان شاء الله ماكو شي *بدموع
زمرد: ضليت صافنه عليهم وانه روحييي شايطه بس اريد اعرف شنو صار مادري شبيه كمت  ماااستوعب اي كلمة يكولولها اليييي دموع ماكو ع وجهييي مثل الصدمة صارت بيه خو بشاير لاشفتها ولاحاجيتها ولاوصلت الها بس صافنه وكاعده بالارض انه وعباتيي شالي مخربط الوجه اصفر ومادري شديصير الى ان طلع الدكتور اخخ ياكلبييييي
حمزة: بشر دكتور صار
بشاير: دكتورررر امي وين صار احجييييييييييي شبيك ساكت احجيييييي
الدكتور: احنه سوينه العلينه الباقي بيد رب العالمين مااعتقد طول للعصر * بقهر
زمرد: هوه كال هيج الدكتور انه بعد ماحسيت بشي حته حيلي باد رئسن نغمه عليههه فتحت عيونييي لكيت مروه تبجي وتقره قران يم راسي والعنود بصفهاا دخل حمزه باوعلييي
حمزة: هاا خويه الحمدالله ع سلامتج هبطتينه شلون صرتي * بحزن
زمرد: زي زي زينه *بكلمات متقاطعه* امي شلون صارت
مروة: حبيبة الحمدالله ع سلامة { ضيع الموضوع }
العنود: خوفتينه عليج ولج ردت اجيب من وراج ع هل هبطه هاي * بشقه وحزن
زمرد: ابو اسد احاجيك رد علييي امي شلون صارت
ابو اسد : خويه بعدها بعدها * بقهر وحزن
زمرد: اريد اكوم والدوخه لزمتني شويه ودخلت الممرضه
الممرضه : الحمدالله ع سلامتج ورده شلون صرتي
زمرد: الله يسلمج زينه عفيه وخري هذا كلش جاي يضوجنييي وراسي بده يوجعني
الممرضه: ميخالف حبيبتي هاي لان مااكلتي شي هساع صيرين زينه بس خل يخلص المغذي
زمرد: لا ماريد يخلص اريد اكوم هسسسسسسساع
الممرضه : حبيبتي لاصيحين منا مرضه ومستشفى عام هاي عيب هسه صيرين زينه وطلعين
زمرد: انتي ماجاي تفهمينيننييييييي اكلج اريد اطلعععععععععععععع هسسسسسسسسسسسسسسساع
حمزة: خويه صل ع محمد خل يخلص المغذي
زمرد: ليش ماتفهمون اريد اشوف اميييييييييييييييييي طلعونيييييييييييييييييييييييييييييييي بقيت اصرخ وهمه ولاكأنو يسمعون اليه ولايمهم دموعييي بدن ينزلن واباوع عليهم يبجون كبالي بس مايقبلون يخلونييي اشوف امييي اختنكت وغصيت بخنكتي ليش ياربي شمسويه بحياتييي حته هيج اتعذب انه واختي اوف رحمتك
مروة: اهدئي زمرد اهدئي بعد حيلي ع كيفج هساع شوفين امج
زمرد: بقت مروة تحجي وياي وانه فاصله صح انه علاقتي مو هالكثر مثل بشاير هيه قريبه ع امي انه جنت اربعه وعشرين ساعه يم ابوييييي حيل احبنه ومتعلكه بييي صح امي واحبها اكثر من روحييي بس ماجانت علاقتي قويه بس من تمرضت روحي نمردت مادري مادري شلون حته انه ماعرف اوصف شعوري جانت تحجي وياي مروه ودخلت بشاير يميييي ودموعها ع خدهااا والوجه احمر ع ازرك ع اصفر ماتعرفين شنو بيهااااا بس دموعها ع خدها وحجابها فالت والعبايه نازله ع اجتافها هيه شافتني وانه بعد ماسيطرت ع دموعي غصيت
بشاير: اخخخخخ يمه اخخخخخ يابعد روح اختج انتي تعاي حبيبة تعاي اوف يمهههههه كعدي شوفي بناتج نذلن اوففففف يمه حبيبة نكسر كلبي ونكسر ضهري اخخ ربييييي رحمتك بينه والله يتيمات ومالنه غيرك الهييييي بزينب واخوها العباس اتوسل الك ياربييي فدواتك والله تعبت
زمرد: حضنتني بشاير وتبجي احسها امي مو اختي واحس كلبها راح يوكف كافي بشوره تبجين كافي حبيبة كلبج راح يوكف
بشاير: ولج خيتي عساني انه بدالها ولاهيه شوفتها وهيه صونده بحلكها والاجهزه يمهااا كسرتت ضهري امي كسرت ضهري شلون بيه ربي انه مااصبح بوجهاا شلون بعد بيه شلون اخخ يانار كلبي اخخخ
زمرد: هيه تحجي وانه ابجيييي ماعرف شسوي وماعرف شلون اسكتها انه روحي ماعرف اسكتها بقيت بس ابجي وانه حاضنتها هيج اريد ادخلها بضلوعيي واسحب الالم الي هيه جاي تعيشه بقينه ع هالموقف وحمزه والبنات يبجون ويانه الحد ماحجت بشاير
بشاير: خيتي انه اروحن اغسل واجيج ابقي هناا بين مايخلص المغذي
مروة: اروح وياج مااعوفنج خاف تطيحين
بشاير: يلا ماطول عليج
زمرد: خوش روحي بقت العنود يمي وحمزه راح يم غرفه امييي يشوف الوضع خلص المغذي وكمت اعدل بروحي صح الدوخه لازمتني بسس اريد اطلع اشوف امي شويه ويه كومتي دخل حمزه بيده علاكه
حمزه: وين وين احنه شحجينه يابه وين رايحه
زمرد: اشوف امي وين بعد
حمزه: تعاي هساع شوفين امج بس تعاي كعدي
زمرد: وين اكعد حمزه ميل من يمي خل اروح اشوفها
حمزه: ولج بويه ترحين بس اوكفي احاجيج
زمرد: يلا بلا احجي شتريد
حمزه: هاي كيكه وعصير اكليهن حته تقاومين باعي وجهج شلون اصفر
زمرد: شكراً لاتعب نفسك وياي تره مااشتهي وميل من يمي اريد اشوف امي
حمزه: ولج زمرد راح ادفنج باارض الله هاي اكليهن لاتعصبيني
زمرد: صيح عليه حمزه وانه دموعي يصبن شلون ياربييي مااشتهي هساع هيه كوه
العنود: حمزه ع كيفك وياها انطينياها وانته روح يم خالتي
زمرد: اخذتهن العنود وكعدتني ع قنفه وفتحتلي العصير والكيكه والله مااشتهي ليش ماتفهمين مااشتهي
العنود: خييتي مايصير وجهج اصفر كومي اكليييلج لكمه وشربيي عصير مايصير هساع واكفه ع طولج ترجعين طيحين
زمود: بلكوه اخذتهن اكلت جم لكمه وضليت كاعده شويه حسيت سيطرت ع نفسي بعدين كمت ويه العنود طلعنه اشوف خالتي ام حمزه تقره قران وام علي سبح وام حسن هيه واخت ام حمزه  رايحات البيتنه ينضفنه خطيه هيه والبنات ومروه وبشاير واكفات ع صفحه يقرن قران انه بسطت انه وعبايتي باب الغرفه وكعدت ابجييي وادعييي ربييي يكومها سالمه شويه ونحس صوت الانذار مال الجهاز يطلع صوت انه كلبي خمشنيييي اجو الدكاتره يركضون كلها التمت باب المستشفى اريدن اكوم ع حيليييي ماكو رجليه بادن وجسمي بقه كله يرجف ياربي سترك ورحمتك ياالله الساعه ب3:30 الظهرر كلنا واكفين باب الغرفه والدكاتره داخل الغرفه مادري شيسون نخبصو خبص وحمزه اعصابه فايره ويخابر فلان ويخابر علان ومادري ويامن يحجيييي وامه محمد كلها تبجي وتندعي الاميييي وانه واكفه ع صفحه ماشوف اله وحده حضنتني انداريت لكيتها بشوره اختي
بشاير: ادعيلها ادعيلها بنت اميييييي *بجي
زمرد: بجيت ويقيت ملزمه بحضن بشاير وادعييي الامييي طولو الدكاتره جوا  واحنه نخبصنه ياربي شسالفه احد يطمنه شويه صارت الساعه ب4:00 ضبط احس حمزه خلاص بعد مايتحمل نفذ صبره واحنه ضجنه محد يطمنه عاد حجت بشاير
بشاير: حمزه شسالفه محد يطمنه ولااحد يكول امي شبيهااا * بدموع
حمزه : اسكتي دخيل الله بس اسكتن شويه خنفتهم *بااعصاب
زمرد: شويه طلع الدكتور من المستشفى احس الدنيا كامت تفتر بيه كلنا التمينه عليااا نريد بس بششاره خير منااا جسمي كام يرجف
حمزه: احجي دكتور صاررررر احجي مو كلوبنا خلصت
ام حمزه: خالة احجي وياييييي عليك بستر امك وخواتك المره شبيها احجي خاله نشفت ريكنه وبعد كل حيل مابينه
الدكتور: والله مادري شكول بس انتم تعرفون الله عزوجل بكتابه العزيز قال تعالى {وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ.أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌوَأُولَئِكَ هُمُ الْمُهْتَدُونَ"} وبالاخير الحياة فانية وكل انسان ع هاي الحياة اله يوم يتوفه بيها ويبقه بس وجه ربك ذو الجلال والاكرام وقال تعالى { الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ"} صدق الله العظيم منزله الصبر بعد الموت عند الله عظيمه فَ انتم مؤمنين اكيد بقضاء الله وقدره وبكثير من القهر والحزن لازم ابلغكم انو البقيه بحياتكم وان الله وان اليه راجعون ...
زمرد: كال هيج وراح وماشوفلج غير المستشفى كبت بالبجيييي والصريخ وبشاير موتت روحها انه فصلت عن العالم ماادري الي صار شنو ولاجاي استوعب بقيت اضحك وابجي اضحك وابجيييي جذبببببببببببببببببببببب امي عايشه امي عايشه جذبببببببببببببببببببببببببببببببببببببببببببببببببببببببببون عليه امي عايشهههه والله عايشه اريد امي اميييي عايشههههههه هههههههههههههههههههههههههههه امي عايشه امي عايشه امي عايشه امي عايشه امي عايشه بقيت اردد هالكلمات واختي تضرب ع وجهي ومروه تهدي بيه والدنيا كلها تبجييي ع بجينه وانه اضحك واردد امي عايشة بشاير شبيج تبجين ولج ولج مسحي دموعج امي امي ماماتت عايشه عايشه عايشه * بجيييييي
بشاير: اخخخخخخخخ ولج يمه وين عفتينه ليش يمه مو كلتي انتن جوهراتي ماعوفجن ليش يمه مو كتيلي انه يمج وياج ماعوفج ابد مو كلتيييي ابقه يمج واخليج اسعد البنات واسوي ايشي علمود عيونج الحلوات يمه كعدي مو جنتي تكليلي بشوره انه محظوظه بيج انتي زلمتي وانتي بنيتي ليش يمه ليش عفتيني وكسرتي كلبي انه عايزه يمه كسرتي روحي وكلبيي ماكافي ابوي كاسر جناحييي تجين زوديها عليه ليش يابعد حيلي حيلج ام بشاير ولج عزيزه كلبي كعدي عايني ع ورداتج شلون ذبلن بفراكج ولج يمه حبيبة اوففففف يمههههههههه * بصريخ وبجييي
ام حمزة: كومي خالة كومي يابعد خالتج اوف خيتي وين عفتينا ورحتي ام وجه الحلو ام كلب الطيب وين رحتي وعفتينا المنطقه كلها تحلف براسج خيتي اوف يايمه ياحبيبة اوف عمت عيني عليجن يايمه * بجي
زمرد: طلعو امييي من الغرفه ودوها بثلاجه الموته وانه موتتت روحي من الصريخ والبجييي صوتي نبح وعيوني يردن ينعمن ماكمت اعاين ع بشر كلبي احسه راح يوكف كومتني العنود جان يحجي حمزه
حمزه: بدموع يمه اخذي البنات وروحن للبيت بعد شعدجن ضالات
ام حمزه: اي يمه رايحين
بشاير : مااروح مااروح اريد امي اريد امي اريد ابقه يمها انه اغسلها انه ادفنها هيه هيه كالتلي ماخلي غريبه جيسها ماااريد اميييي مااروح* بجي
زمرد: مشعت روحها بشاير فرفحت روحها تالي بطلعان الروح طلعنه حمزه رحنه للبيت تلكتنا خالة ام حسن وبقه الصريخ وشفنا نسوان جايات بيتنا خطيه البنات مامقصرات منضفات البيت وفارشاته والنسوان بقن يبجن ويصرخن دخلت بشاير سبحت وطلعت الهاا ملابس ولبست عبايتها واخذت جنطتها دخلت انه سبحت وبدلت وطلعنا لكينا النسوان طابات طالعات والدنيا مكلوبه بيتناا مروه والعنود بدلن وبدن نشتغل شويه واذن المغرب فرشن سجادات النسوان وضلن يصلن شويه وخابر حمزه ع بشاير
بشاير :الووو ها خويه *بدموع وصوت مبحوح
حمزه: خويه جاهزه انه راح اجييي للبيت واجيب الجنازه حته تودع البيت واخذج ونروح للمكبره بلغيي الجماعه خل يسوون مجال تره وياي زلم
بشاير : ماشي خويه *بدموع
زمرد: كملن النسوان صلاه وبقينه كاعدين ننتضر شويه وسمعنه صوت سيارات وصريخ اشتغل دخلت امي سوده عليه عمت عيني عليها نايمه بتابوت وانه طحت ع تابوت فقدت بعد ماعرف شحجييي
بشاير: سمعتو الي حجته زمرد كله راحت شمعه بيتنا راحت روحي من الدنياا ماتت امي وموتتت كلشي حلو بهل دنياا عمت عيني عليها روحي خلصت وكضت بموتتها حسيت بعد ماكو فرحة بالدنياااا من وراها بده كلشي بيه يخلص ع بطيء خابرني حمزه كال انه جاي بطريق بقيت انتضر دخلو امي نايمه بتابوت وانه روحي تلوبببب ذبيت روحي بتابوت واحجي وياها يمه كومي وفتحي عيونج الي كومي ياشمعه بيتنااا وضواها كومي يابعد حيليييي اوف يايمه وين عايفتنه بوسط كل هالوحوش ليش هيج ربيي ليش الي احبهم كلهم يرحون من نعمت عيني عليج ريتني انه بدالج بعد كلبييي يايمه لايضل بالج علينااا انه اصير الاختي الام والاب والاخت والاخ والصديقه والصديق يمه وعد عليه مااعوفها بحدها وماافديوم اخلي دمعتها تبجي مودعه بالله تتلكاج ام الحسن وام البنين مودعه باالله واهل البيت يابعد حيليييي روحييي يمه روحييي وسلميلي ع ابوي وياج وكليله مشتاقتله هواي وكسرني بروحته الف رحمه ع روحج يابعد روحي
زمرد: جابو تابوت وماصدكت ع الله بجيت وطلعت قهر كلبي وحزنها كتلها 👇🏻
-يلتركتيني بحزن وبالف اوف
انا موج وانتي جنتيلي الجروف
والله بعدج ما ابطل من الدمع
يلخذيتي وياج كلبي وچم ظلع
ضلمه بعدج ها يشمعه بيتي
رحتي فجاه وحته ما وصيتي
بقن النسوان يبجن ع بجينه كتلها يمه روحي مودعه باالله وابو القاسم روحي يابعد اهليي كلهم سلميي ع ابوي كليله عاف ورداته ذبلانات من بعده وهسه انتي موتيهن بروحتج عمت عيني عليج يايمه الف رحمه ع روحج لايضل بالج احنه بخير انه واختي سند لبعضنا لايضل بالج بعد حيلي راحت امي وراح كلشي حلو وياها ..
بشاير: شالو التابوت والصريخ والبجييي كله وراها صار واسمع النسوان كلها تصيح هاي زينه الله يرحمها وهاي الي تكلها جانت تتلكا الخطار ملكه حنينه الله يرحمها
وهاي الي تكلها حنينه وكلبها طيب وماترد محتاج وهاي الي تكلها الف رحمه ع روحها ربت وردايت اثنين ينشد بيهن ضهر وهواي حجي سمعت شكرت ربي لان خلا ذكر امي طيب طلعوها من البيت عمت عيني عليها وراحت امييي وراحت روحي وياها صعدنه بسياره انه وحمزه وخالتي ام حمزه كالت اروح وياكم واحمد ابن خالة حمزه وسياره ورانه علييي ومرتضى وابو مرتضى وهشام ولد خالة حمزه ورحنه للمكبره دخلنه زورناها ابو الحسنين رحت زرت انه هم واندعيت ينطيني الصبر انه واختي وبجيت وفرغت كل همومي يمه وكتله انه بشاربك ياكافل الايتام ماعندي غير الله وانته اهلي راحو وعافوني بهل دنيا الغبره اريدنك تكفلني وتساعدني انه واختييي وتفرج كلبييي وكلبها وتنطينا الصبر طلعت ودمعتي ع خدي رحنه دفناها يم ابوي بجيت وكتله بابا جبتلك امي ودفنتها يمك دفنتها باايديييي بويههه هاي عزيزه كلبك صارت يمك لايضل بالك عليه انه واختي بخير صح فراككم يكسر الضهر بس الحمدالله والشكر احنه راضين بقضاء الله وقدره اشوف حمزه واكف يمي
حمزه: عمي لايضل بالك ع البنات ذني خواتي ويشهد الله عليه ماقصر وياهن وماعوفهن بحياتهم انه وعدتك وهنا باامانتي وركبتي سداده الهن انه اخوهن وابوهن وعشيرتهن والدنيا كلها اصيرلهن لايضل بالك هنا بحماه الاسد مو جنت دوم تصيحلي ابو اسد وانه جايني ولد بطريق واسمي الاسد نفس ماجنت تكلي لايضل بالك الله يرحمكم .
بشاير: دمعت عيوني شلون يحجي حمزه بحركه وبجي صدك دعيت ربي يحفظه المرته والامه والاخته ويحفظه النه اكثر من اخ حمزه كلش غالي ع كلبنا جرني باس راسي وكلي
حمزه: بشوره خيتي انه حزام ضهرج وانه اخوج وابوج وامج واختج لايضل بالج انه وياج وماعوفج وبيتي مفتوح الج
بشاير: الله يحفضك النه ابو اسد بعد اختك
ام حمزه: ام بشاير عيوني الف رحمه ع روحج لايضل بالج بناتج هنه بناتي وانه امهن ان شاء الله ومانقصر وياهن مودعه باالله واهل البيت
بشاير: شكد طيبين ذوله الناس بقيت ابجي ع حجيهم الحمدالله اكو ناس زينه مدري لان جانو اخلي زينين ومايردون احد الله رزقني بيهم اخخ
حمزه: يلا خويه كومي وياي طريق طويل وهم ياالله نرجع
بشاير: ودعت روحي وكلبي وطلعت من المكبره ركبت السياره توجهنا للبيت طول الطريق وهمه مشغلين لطميه يافكد الاحبهم وانه دموعي يصبن ويه كل حرف بيها واذكر ذكرياتنه ويه امي {الله يساعد كلبهم انه اكتب بالبارت وابجيي } ..
يافكد الاحبهم بدمعي ارسم صورهم
وين الله ويجوني مر عام بهجرهم
.
.
كلبي مامرتاح بفراك الغوالي
وتمر جنها سنين بالفركه الليالي
انترست بحسرة هجر صفنات بالي
والاحبهم راحو ومحد بكالي
كلبي بلهفه ضامي والهج بالاسامي
لاطلعت شمسهم لابين كمرهم ...

.
.
.

-معذوره ياامي وادري ملك الموت
مايعرف رحم ولافرصه ينطيني
اخذ مني الحبيبه الحتى رب الكون
ضل طول العمر بيها يوصيني
اعذرچ والله يمه وماعليج قصور
لو ما باللحد چا والله شلتيني
احبج وابقه احبج لاخر الأنفاس
چي من نور وجهج كملت ديني
⚛︎ عن لسان حال بشاير .. 💔
#الكاتبة نيروز الكربلائية.🖤